Forsvarsmenn Brims segja stjórnvöld vega að starfseminni á Akureyri
Forsvarsmenn fyrirtækisins segja að aðgerðir stjórnvalda komi illa við fyrirtækið, en tilfærsla innan greinarinnar bitni mjög á starfseminni og störf flytjist úr bænum, m.a. vegna strandveiða. Mikill fjöldi umsókna hefur borist um sumarstörf hjá Brim á Akureyri nú í vor, umtalsvert fleiri en undanfarin ár að sögn Ágústar Torfa Haukssonar framkvæmdastjóra. Hann segir að á síðasta ári hafi alls verið ráðnir 43 sumarstarfsmenn, en sökum niðurskurðar á kvóta sé ekki gert ráð fyrir að ráða nema 15 starfsmenn í sumar.
Ágúst Torfi segir að fyrirtækið sé í svipaðri stöðu og önnur sjávarútvegsfyrirtæki. „Miklar tilfærslur á aflaheimildum milli útgerðarflokka koma illa við fyrirtækið ásamt miklum niðurskurði aflaheimilda í helstu tegundum undanfarin ár. Þessar tilfærslur vega að rekstrargrundvelli þeirra fyrirtækja í sjávarútvegi sem hafa sérhæft sig í útgerð stærri skipa, með örugga hráefnisöflun og með stöðugleika í afhendingum afurða til viðskiptavina að leiðarljósi. Frystihúsið hér á Akureyri hefur sérhæft sig í framleiðslu á ferskum afurðum og hefur hingað til getað státað af miklu afhendingaröryggi sem okkar kúnnar í Evrópu kunna vel að meta. Ef fer fram sem horfir varðandi stefnu stjórnvalda þá er vegið að okkar starfsemi hér á Akureyri, það er alveg ljóst," segir Ágúst Torfi.
Slæm kvótastaða verður þess líka valdandi að togaranum Mars RE, sem áður hét Árbakur, verður lagt tímabundið, en hann er í sinni síðustu veiðiferð að sinni. „Staðan í íslenskum sjávarútvegi er grafalvarleg um þessar mundir og vandséð hvort stjórnvöld hafi hag þjóðarinnar að leiðarljósi í þeim aðgerðum sem þau koma fram með. Tilfærsla starfa innan greinarinnar, með stjórnvaldsaðgerðum, kemur illa niður á starfseminni hér. Aðgerðir eins og strandveiðarnar verða beinlínis til þess að störf flytjast frá Akureyri og Eyjafirði til annarra svæða. Við bregðumst við þessum aðstæðum á þann hátt sem við teljum að komi fyrirtækinu og starfsfólki þess best um leið og við reynum að verja þau viðskipti og þá markaði sem búið er að byggja upp," segir Ágúst Torfi.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.