Forseti bæjarstjórnar segir vert að skoða yfirtöku á flugvellinum
Akureyrarflugvöllur. Mynd/Hörður Geirsson
Eins og Vikudagur greindi frá í síðustu viku vill Gunnar Gíslason, bæjarfulltrúi Sjálfstæðisflokksins á Akureyri, skoða þann möguleika að bærinn taki yfir rekstur Akureyrarflugvallar. Málefni Akureyrarflugvallar voru til umræðu á síðasta bæjarstjórnarfundi. Gunnar sagði í fundi bæjarstjórnar að hann hefði ekki nokkra trú á því að Isavia hafi áhuga á að byggja flugvöllinn upp.
Í samtali við Vikudag segir Gunnar það hafi aldrei verið gerð viðskiptaáætlun um rekstur Akureyrarflugvallar og hvort þetta sé raunhæfur möguleiki.
„Og ef þetta er raunhæfur möguleiki, hvað þurfi þá til. Það hefur verið fullyrt í okkar eyru að við þurfum 300-500 þúsund farþega á ári svo flugvöllurinn verði sjálfbær í rekstri. Á síðasta ári fóru um 200 þúsund manns um flugvöllinn og því þarf ekkert mikla aukningu til að koma fjöldanum upp í þá tölu sem þarf til. Það yrði þá í okkar höndum hvernig við myndum markaðsetja svæðið,“ segir Gunnar. „Ég sé ekkert að því að skoða þetta alvarlega og velta þessu rækilega fyrir okkur.“
Uppbygging kostar á við einn grunnskóla
Á aðalfundi Eyþings sem fram fór á dögunum voru kynntar niðurstöður úr skýrslu sem Efla vann fyrir stjórn Eyþings um hvað þurfi til að fara í uppbyggingu á Akureyrarflugvelli svo hann geti fúnkerað sem millilandaflugvöllur. Gunnar segir að í skýrslunni komi fram að kostnaður við uppbyggingu sé ígildi eins grunnskóla eða í kringum 3 milljarða króna. „Þá veltur maður því fyrir sér hvort það séu einhverjar leiðir til að koma þessu í gegn með öðrum hætti en að bíða eftir að ríkið leggi til fjármagnið,“ segir Gunnar. Hann segir að full samstaða sé á meðal bæjarfulltrúa að búa til viðskiptamódel um rekstur flugvallarins og hvort bærinn geti staðið undir því að reka hann. „Ég held að það sé nokkuð ljóst að við munum fara í þessu vinnu miðað við umræðurnar á bæjarstjórnarfundinum og það sé þverpólitísk samstaða um þetta mál. Það er ekkert verra en að bíða út í hið óendanlega,“ segir Gunnar.
Skaðar ekki skoða þennan möguleika
Halla Björk Reynisdóttir
Halla Björk Reynisdóttir, forseti bæjarstjórnar á Akureyri, hóf umræður um málefni Akureyrarflugvallar á síðasta bæjarstjórnarfundi. Þar sagði Halla Björk að hún væri tilbúinn til að skoða þá leið að Akureyrarbær tæki yfir reksturinn ef ríkið og Isavia dragi lappirnar og hafi ekki trú á verkefninu.
„Það er alveg einsýnt að það skaðar ekki að skoða þennan möguleika og vinna slíka áætlun til að taka svo afstöðu til,,“ segir Halla Björk í samtali við Vikudag. Hún bendir á að núna sé einstakt viðskiptalegt tækifæri til að byggja upp flugvöllinn. „Og þannig afla tekna fyrir samfélagið.“
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.