Fjölbreytt dagskrá á Einni með öllu
Notaleg stemning hefur ávallt skapast á Sparitónleikum Einnar með öllu.
Fjölskylduhátíðin Ein með öllu fer fram á Akureyri um verslunarmannahelgina. Mikil áhersla er lögð á fjölbreytta dagskrá og að allir finni eitthvað við sitt hæfi. Hátíðin hefst fimmtudaginn 31. júlí næstkomandi með fimmtudagsfílingi N4 í formi útitónleika í Skátagililnu og nær hámarki sunnudagskvöldið 3. ágúst með Sparitónleikunum á Samkomuhúsflötinni og flugeldasýningu við Pollinn.
Fjöldi dagskrárliða hafa fest sig í sessi á síðustu árum og má þar nefna Óskalagatónleika Eyþórs Inga og Óskars Péturssonar í Akureyrarkirkju, Kirkjutröppuhlaupið, Mömmur og Möffins í Lystigarðinum, Dynheimaballið, Leikhópinn Lottu og ýmislegt fleira. Helstu söngbarkar þjóðarinnar munu ekki láta sig vanta til Akureyrar og fram koma m.a. Dúndurfréttir, Retro Stefsson, Magni Ásgeirs, Páll Óskar, Stjórnin (Sigga Beinteins & Grétar Örvars), Steindi JR, Kaleo, Úlfur Úlfur, 200.000 Naglbítar, Rúnar Eff og margir fleiri.
Auk ofangreindra atriða verður boðið upp á markað í miðbænum, ævintýralandið að Hömrum, fjölskyldudagskrá á Ráðhústorgi, tívolí, sirkus, söngkeppni unga fólksins, litbolta, vatnabolta og margt fleira.
Yfirbragðið er vinalegt og við teljum frekar bros en fólk. Við nýtum sögu og hefðir í bænum í dagskrágerð okkar og viljum að heimamenn og gestir séu virkir þátttakendur í hátíðarhöldunum. Bærinn verður rauður í samræmi við hjartað sem víða prýðir bæinn m.a. í umferðarljósunum. Rauðar seríur, rautt skraut eða eitthvað rautt og fallegt á því afar vel við á Akureyri um Verslunarmannahelgina. Veitt verða verðlaun fyrir BEST SKREYTTU GÖTUNA OG BEST SKREYTTA HÚSIÐ. Við hvetjum fólk til þess að deila myndum með okkur á samfélagsmiðlum og merkja þær #rauttAK. Eins og fyrri ár er gert ráð fyrir þúsundum gesta sem leggja leið sína til Akureyrar til að gleðjast og skemmta sér með Akureyringum. Það stefnir því í afar skemmtilega fjölskylduhátíð þar sem bæjarbúar og gestir gleðjast á Einni með öllu, segir í tilkynningu.
Það eru Vinir Akureyrar í samvinnu við Akureyrarstofu/Akureyrarbæ sem standa fyrir Einni með öllu. Helstu bakhjarlar eru Goði, Vífilfell og sjónvarpsstöðin N4.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.