Fiðringur fyrir fyrsta heimaleiknum
KA leikur sinn fyrsta heimaleik í sumar í 1. deild karla í knattspyrnu í kvöld þegar liðið fær Víking R. í heimsókn á Akureyrarvöll kl. 18:30. Þetta er langþráður heimaleikur og það er kominn mikill fiðringur í mannskapinn að leika á okkar velli fyrir framan okkar stuðningsmenn, segir Gunnar Valur Gunnarsson leikmaður KA í samtali við Vikudag. KA hefur spilað fyrstu tvo leikina í deildinni í Breiðholtinu í Reykjavík, þar sem liðið tapaði gegn ÍR í fyrsta leik en vann Leikni R. í síðasta leik, 3-1.
Gunnar segir mikilvægt að nýta heimavöllinn í sumar. Þetta er bara gamla góða tuggan; ef þú vinnur ekki heimaleikina að þá ertu ekki að fara gera neina hluti í deildinni. Við ætlum að gera Akureyrarvöll að vígi í sumar. KA hefur þrjú stig í sjötta sæti eftir fyrstu tvær umferðirnar en Víkingur R. hefur fjögur stig í fimmta sæti. Um andstæðinginn í kvöld segir Gunnar Valur:
Þetta er sterkt lið sem hefur gríðarlega mikla reynslubolta í sínum röðum. Það verður skemmtilegt að mæta þeim og við ætlum okkur að taka öll þrjú stigin sem verða í boði. Við spiluðum við Víking R. í vetur og þá endaði leikurinn með markalausu jafntefli. Við skulum vona að það verði boðið uppi á meiri skemmtun á Akureyrarvelli í kvöld, segir Gunnar léttur.
Nýjast
-
Getur þú bætt í þekkingarbrunn um íslenska náttúru?
Jóhann Helgi Stefánsson, sérfræðingur hjá Landi og skógi skrifar -
Kærkomin gjöf Hollvina SAk til endurhæfingardeildar
Hollvinir Sjúkrahússins á Akureyr hafa fært SAki enn eina mikilvæga gjöf – að þessu sinni til endurhæfingardeildar SAk. -
Zipline Akureyri gengur mjög vel
„Það hefur gengið mjög vel hjá okkur og samkvæmt þeim væntingum sem við höfðum,“ segir Jón Heiðar Rúnarsson sem ásamt Anitu Hafdísi Björnsdóttur rekur félagið Zipline Akureyri. Þau hófu starfsemi um mitt sumar árið 2022 og eru því á sínu fjórða sumri. Zipline Akureyri rekur ævintýra ferðaþjónustu í Glerárgili, er með alls fimm sviflínur þar sem farið er yfir Glerá. -
Ferðfólk sem sækir í kælifrí þykir svalt að koma til Akureyrar
Það er ansi heitt niður i Evrópu og hitamet sleginn eða við það að vera sleginn daglega má segja. Þeim hópi ferðafólks sem þykir norðanátt og rigning mjög eftirsóknarverð horfir í vaxandi mæli hingað ,,upp eftir" og er Akureyri svo dæmi sé tekið er efst á óskalista þeirra erlendu ferðalanga sem vilja komast í svalara loftslag. Óhætt er að fullyrða að þessi gerð af ferðafólki fengi helling fyrir sinn snúð á Akureyri í dag. -
Að byggja upp á Bakka
Hjálmar Bogi Hafliðason skrifar um atvinnuuppbyggingu á Bakka á Húsavík. -
Bíladagar
Dýrleif Skjóldal átti Lokaorðið í blaðinu s.l. fimmtudag. -
Dagsektir vegna umgengni við Hamragerði 15 ekki greiddar
Dagsektir sem lagðar voru á lóðahafa við Hamragerði 15 á Akureyri vegna umgengni á lóðinni hafa ekki verið greiddar en þær eru í innheimtu. Fjárnám hefur verið gert í eigninni og nauðungarsala hefur verið auglýst. Bílum innan lóðar hefur fækkað lítilega að undanförnu. -
Jóhann Páll heiðursdoktor við HA
Hug- og félagsvísindasvið Háskólans á Akureyri veitir Jóhanni Páli Árnasyni heiðursdoktorsnafnbót á sviði félagsvísinda næstkomandi mánudag, 30. júní -
Sérstakt ef beita þarf sveitarfélag þvingunarúrræðum til að fá fram tiltekt
Akureyrarbær hefur ekki brugðist við kröfu frá Heilbrigðisnefnd Norðurlands eystra um að hreinsa svæði við á lóð bæjarins við Krossanes. Alls eru 45 bílar í slæmu ástandi á lóðinni.
