Fasteignaskattsprósenta lækkar! – fjárhagsleg ábyrgð og framtíðarsýn fyrir Akureyrarbæ
Frá Akureyri Mynd Ágúst Ómar Halldórsson
Eitt af meginhlutverkum bæjarstjórnar er að byggja upp stöðugt, öflugt og framsækið samfélag þar sem íbúar og fyrirtæki dafna í góðu umhverfi til búsetu og rekstrar.
Við í meirihlutanum höfum lagt ríka áherslu á að fjármál bæjarins séu traust og sjálfbær, en einnig að við sýnum sveigjanleika þegar tækifæri gefast til að létta undir með fólki og atvinnulífi. Þess vegna leggjum við nú til lækkun fasteignaskatts á fyrirtæki um tvo punkta og á íbúðarhúsnæði um þrjá punkta.
Létt á heimilum
Hækkandi verðbólga og vextir hafa þrengt að mörgum heimilum. Þótt fasteignaskattur sé aðeins hluti af heildarútgjöldum fjölskyldna, getur hann haft veruleg áhrif þegar hann bætist ofan á aðra kostnaðarliði. Með þessari lækkun þar sem álagningarprósentan fer úr 0,31% í 0,28%, viljum við senda skýr skilaboð: bæjarfélagið stendur með íbúum sínum, og við viljum gera okkar til að draga úr álagi á heimilin.
Sterkara atvinnulíf – betra samfélag
Fyrirtækin okkar eru burðarás í samfélaginu. Þau skapa störf, greiða skatta og styðja við menningu og íþróttir. Með því að lækka álagningarprósentuna úr 1,63% í 1,61% á fyrirtæki gefum við þeim svigrúm til að fjárfesta meira, ráða til sín starfsfólk og halda áfram að vaxa hér á Akureyri. Þetta er fjárfesting í framtíðinni, í fjölbreyttu atvinnulífi og sterkum bæ.
Ábyrg fjármálastjórn
Sumir kunna að spyrja: getum við leyft okkur þetta? Svarið er já, því lækkunin byggir á traustum grunni. Fjárhagsstaða bæjarins hefur styrkst á undanförnum árum, tekjur hafa haldist stöðugar og við höfum náð árangri í að halda utan um rekstur og skuldir. Við leggjum áherslu á að þessi skattalækkun sé hluti af heildstæðri stefnu sem tryggir jafnvægi milli þjónustu, fjárfestinga og ábyrgra fjármála.
Framtíðarsýn
Við sjáum Akureyrarbæ sem sveitarfélag þar sem gott er að búa, starfa og byggja upp framtíð. Lækkun fasteignaskatta er ekki einangruð aðgerð – hún er hluti af stærra markmiði: að gera Akureyrarbæ að aðlaðandi og samkeppnishæfu samfélagi, þar sem jafnvægi ríkir milli hagkvæmni, velferðar og tækifæra. Við trúum því að með því að lækka álögur á íbúa og fyrirtæki sýnum við að við búum við traustan rekstur og það að lækka álögur mun skila sér í sterkara, blómlegra samfélagi.
Bæjarfulltrúar meirihlutans: Halla Björk Reynisdóttir L-lista Heimir Örn Árnason D-lista Hlynur Jóhannsson M-lista Andri Teitsson L-lista Lára Halldóra Eiríksdóttir D-lista Brynja Hlíf Þorsteinsdóttir L-lista
Nýjast
-
Fasteignaskattsprósenta lækkar! – fjárhagsleg ábyrgð og framtíðarsýn fyrir Akureyrarbæ
Eitt af meginhlutverkum bæjarstjórnar er að byggja upp stöðugt, öflugt og framsækið samfélag þar sem íbúar og fyrirtæki dafna í góðu umhverfi til búsetu og rekstrar. -
3+30+300 reglan í undirbúningi á Akureyri
Á heimasíðu Akureyrar, akureyri.is má lesa að bærinn stefnir að því að útfæra svokallaða 3+30+300 meginreglu þegar kemur að skipulagi og þéttingu byggðar. Unnið er að undirbúningi með því að kortleggja stöðuna á Akureyri í dag. -
Rammaskipulag fyrir svæði norðan Síðubrautar og vestan Borgarbrautar
Rammaskipulag fyrir svæði norðan Síðubrautar og vestan Borgarbrautar var unnið áður en deiliskipulag Móahverfis hófst. -
Styrkur Stefaníu
Á dögunum kom Stefanía Tara Þrastardóttir og færði Krabbameinsfélagi Akureyrar og nágrennis styrk að upphæð 477.000 kr. sem safnaðist með sölu á bleikum varning í október síðastliðnum. -
Með og á móti stuðningi við Flugklasa
Sveitarstjórn Eyjafjarðarsveitar hefur samþykkt áframhaldandi stuðning við Flugklasann Air 66N fyrir árið 2026 og hvetur önnur sveitarfélög á Norðurlandi að gera slíkt hið sama. Hafa nokkur brugðist við og taka þátt. -
Tónagjöf Hymnodiu og vina í Akureyrarkirkju annað kvöld (fimmtudagskvöld)
Tónagjöf Hymnodiu og vina er yfirskrift tónleika sem haldnir verða í Akureyrarkirkju annað kvöld en þeir hefjast kl. 20. Frumkvæðið að tónleikunum á Hannes Sigurðsson einn félaga úr Hymnodiu sem fékk félaga sína til liðs við sig í verkefnið. Hann hefur stutt við bakið á sextán manna stórfjölskyldu á Gasa svæðinu undanfarna mánuði og með því að efna til tónleikanna býður hann fleirum að leggja sitt af mörkum. -
Bókarkynning - Sjálfsævisaga eftir Klemens Jónsson
Út er kominn bókinn Sjálfsævisaga eftir Klemens Jónsson. Ritstjórar eru Anna Agnarsdóttir emeritus og Áslaug Agnarsdóttir þýðandi. Þær eru s.s. barnabörn Klemensar, útgefandi er Sögufélagið Um ræðir endurminningar Klemensar sem lýsa atburðarás sem hann lifði sjálfur og eru ritaðar frá hans sjónarhorni. Stóran hluta ævinnar stóð hann á miðju leiksviði sögu Íslands. Margt af því sem hann tók þátt í til telst til lykilatburða í Íslandssögunni og persónur sem hann átti í samskiptum við eru ýmsar þjóðkunnar. Endurminningar hans fjalla þó ekki aðeins um störf hans á vettvangi stjórnmálanna heldur eru þær einnig persónuleg frásögn af fjölskylduhögum, innilegri gleði og djúpri sorg. Meðfylgjandi í viðhengi er samantekt á þeim hluta lífs hans sem hann og fólkið hans tengdist Akureyri og Eyjarfirði, word skjal. Sem og mynd af kápu og mynd af kápu og Klemensi sjálfum og enn önnur fjölskyldunni tekin á Ak. -
VMA - Nemendur á starfsbraut styrkja Velferðarsjóð Eyjafjarðarsvæðisins
Nemendur á starfsbraut VMA í áfanganum Daglegur heimilisrekstur, sem Ragnheiður Gunnbjörnsdóttir og Inga Dís Árnadóttir kenna, efndu til nytjamarkaðar snemma í október þar sem seld voru notuð föt og ýmislegt annað gegn vægu verði. -
SAk - Hollvinir færa dag- og göngudeild skurðlækninga nýja gipssög
Hollvinir Sjúkrahússins á Akureyri hafa fært dag- og göngudeild skurðlækna nýja gipssög. Gipssagir eru sérhannaðar til að saga eingöngu gifs án þess að særa húð.
