Ekkert mark tekið á þeim tillögum sem við leggjum fram

06. febrúar, 2010 - 11:12
Ekkert mark tekið á þeim tillögum sem við leggjum fram
„Við þurfum nauðsynlega að fara að sjá úrræði sem duga, eitthvað varanlegt sem gagnast fólki.  Stjórnvöld verða að gera eitthvað, þessi vandræðagangur hjá ríkisstjórninni er pínlegur," segir Björn Snæbjörnsson formaður Einingar-Iðju.  Í nýlegri könnun sem Capacent Gallup gerði fyrir Alþýðusambandið kemur fram að yfir 90% aðspurðra telja að ríkisstjórnin verði að gera meira til að mæta greiðsluvanda heimilanna og er mikil óánægja með aðgerðarleysi stjórnvalda.   

Þátttakendur vilja langflestir sjá niðurfellingu skulda eða lækkun höfuðstóls fasteignalána, aðgerðir þurfi að miða að því að koma til móts við fólk með síhækkandi húsnæðislán. „Okkur þykir ríkisstjórnin ekki vinna af fullum krafti að því að taka á þessum málum, heimilin í landinu þurfa varanlega lausn, eitthvað sem virkilega dugar," segir Björn.  Verkalýðshreyfingin hafi átt viðræður við stjórnvöld, viðrað ýmsar hugmyndir og tillögur um lausnir, „okkur hefur verið vel tekið, það vantar ekki, en hins vegar gerist ekki neitt, það virðist vera að ekki sé tekið neitt mark á þeim tillögum sem við leggjum fram."   Hann bætir við að sumum kunni að þykja það einkennilegt þar sem vinstri stjórn sé við stjórnvölinn, en að hans mati séu viðbrögð þessarar ríkisstjórnar og vilji til samvinnu við verkalýðshreyfinguna minni en á meðan hægri stjórn var við völd.

„Það hefur eitt og annað verið gert, en því miður er það alls ekki nóg.  Menn bíða og bíða eftir að eitthvað verði gert sem skilar árangri, smáskammtalækningar duga skammt," segir Björn og hvetur ríkisstjórnina til að herða róðurinn. Atvinnuástand sé líka með lakara móti um þessar mundir og telur Björn að sú stjórn sem nú situr þvælist fyrir varðandi það að fá hjól atvinnulífsins til að snúast á ný.  „Það er því miður mikið atvinnuleysi hér á svæðinu og ég er hræddur um að næstu mánuðir verði þungir.  Það fór að draga verulega úr eftir áramótin og fátt sem bendir til að birti til á þeim vettvangi fyrr en með vorinu," segir Björn.  Hann segir menn halda að sér höndum enda mikil óvissa ríkjandi.

Til baka

Nýjast

  • Gamla verslunin í Vaglaskógi jöfnuð við jörðu

    • 17.05.2025
    „Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“

  • Hamrastígur og Kirkjugarðsstígur Finnur ehf bauð lægst í stígagerðina

    • 17.05.2025
    Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.

  • Alþjóðaflugvöllur á Akureyri verði byggður upp

    • 16.05.2025
    Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands

  • Grafalvarleg staða í rekstri PCC Bakka rædd í atvinnuveganefnd Alþingis.

    • 16.05.2025
    Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn.

  • Listasafnið á Akureyri Nýjar sýningar opnaðar

    • 16.05.2025
    Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45.

  • Orkey fyrst á Íslandi með sjálfbærni- vottaða framleiðslu á lífeldsneyti

    • 16.05.2025
    Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.

  • Heyrn er ekki munaður – hún er þátttaka

    • 16.05.2025
    Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.

  • Sundlaug Akureyrar lokuð 18.-22. maí – opið lengur í Glerárlaug 18. maí

    • 15.05.2025
    Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.

  • Byggingaréttur á lóðum á Torfunefsbryggju boðin út í maí

    • 15.05.2025
    Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.  
Sjá meira