Einstök fyrirmynd með ríka arfleifð
Harpa Ásgeirsdóttir hefur lagt skóna á hilluna. Mynd/Hafþór Hreiðarsson.
Harpa Ásgeirsdóttir tilkynnti á dögunum að hún hefur lagt skóna á hilluna en hún hefur verið eitt helsta andlit kvennaknattspyrnu á Húsavík allt frá því að meistaraflokkur kvenna hjá Völsungi var endurreistur árið 2006.
Í fallegri kveðju á síðu Græna hersins segir að Harpa hafi verið einstök fyrirmynd fyrir unga iðkendur og það sé alls ekki sjálfgefið að félag sé með leikmann af hennar gæðum og karakter til að leiða unga leikmenn inn í meistaraflokkinn.
Harpa lék lang stærstan hluta ferils síns með Völsungi. Ef teknir eru saman leikir í deild og bikar eru þeir 210 talsins og mörkin 64. Með æfingaleikjum og öðrum mótum eru leikirnir og mörkin þó mun fleiri. Þá lék Harpa einnig um tíma í efstu deild með Aftureldingu og KR.
Það var því afar viðeigandi að fyrir leik Völsungs og KR í Lengjudeild kvenna á sunnudag að Harpa væri kvödd og henni þakkað fyrir ómetanlega framlag til félagsins. „Harpa skilur eftir sig sterkan grunn fyrir framtíðina, en dóttir hennar, Ísabella, leikur með liðinu í dag og náðu þær mæðgur að deila vellinum nokkrum sinnum,“ segir m.a. í kveðju Græna hersins.
Blaðamaður Vikublaðsins sló á þráðinn til Hörpu í vikunni og lagði fyrir hana nokkrar hraðaspurningar sem lesa má að neðan.
Hraðaspurningar
Hvað stendur upp úr eftir farsælan feril?
Það er alveg klárlega að fá að spila með Ísabellu, dóttur minni í meistaraflokki. Það stendur algjörlega upp úr.
Hvernig var þér innanbrjósts þegar þú lagðir upp mark fyrir dóttur þína?
Í fullri hreinskilni þá spáði ég ekki mikið í því sérstaklega þegar þetta var að gerast. Það var ekki fyrr en eftir á að ég tók það inn hversu einstakt þetta er, enda er þetta bara frekar geggjað.
Hverju ertu stoltust af að hafa afrekað á ferlinum ?
Ég er hrikalega stolt af því að hafa tekið þátt í að koma kvennaknattspyrnunni aftur af stað á Húsavík en hún hafði legið niðri um skeið og við endurvekjum hana árið 2006. Þá er ég leikmaður í meistaraflokki.
Svo var líka gaman að vinna 2. deildina með Völsungi. Svo er ég náttúrlega hrikalega stolt af því að hafa spilað svona marga leiki fyrir uppeldisfélagið mitt, Völsung.
Eftirminnilegasti leikur?
Leikurinn þegar við tryggðum okkur upp í Lengjudeildina, hann var eftirminnilegur, svo auðvitað fyrsti leikurinn sem ég spilaði með Ísabellu.
Hvað er það ljótasta sem þú hefur sagt við dómara?
Úff, þetta er erfið spurning. Ég hef örugglega oft sagt eitthvað ógáfulegt við dómarann sem ég hefði betur sleppt.
Eitthvað sem þú hefðir viljað gera öðruvísi?
Það situr ekki mikið í mér en mér finnst það pínu leiðinlegt að síðasti leikurinn sem ég spilaði voru 15 mínútur á móti ÍH af því að þá meiðist ég. Þannig að ég náði ekki að klára ferilinn alveg á mínum forsendum, ég hefði alveg viljað klára þetta öðruvísi.
Þjálfun í framtíðinn, er það eitthvað sem kitlar?
Já, klárlega á einvherjum tímapunkti myndi ég segja. Ég er núna styrktarþjálfari Völsungs í meistaraflokki kvenna og er í miklum samskiptum við Söru aðalþjálfara. Ég get alveg hugsað mér það einhvernt tíma að snúa mér að þjálfun.
Nýjast
-
Einstök fyrirmynd með ríka arfleifð
Harpa Ásgeirsdóttir tilkynnti á dögunum að hún hefur lagt skóna á hilluna en hún hefur verið eitt helsta andlit kvennaknattspyrnu á Húsavík allt frá því að meistaraflokkur kvenna hjá Völsungi var endurreistur árið 2006. -
Flugskýli fyrir sjúkraflug tekið í notkun á Akureyrarflugvelli
„Við erum hér til að fagna mikilvægum áfanga – ekki bara fyrir Norlandair heldur fyrir alla sem koma að sjúkraflugi á Íslandi. Þetta flugskýli er ekki bara hús – það er hluti af keðju sem getur skipt sköpum fyrir líf og heilsu fólks,“ sagði Gunnar Rúnar Ólafsson slökkviliðsstjóri hjá Slökkviliði Akureyrar þegar glæsileg aðstaða fyrir sjúkraflug Norlandair var tekin í notkun í flugskýli 13 á Akureyrarflugvelli -
Samið um Eina með öllu til næstu þriggja ára
Akureyrarbær og Viðburðastofa Norðurlands, fyrir hönd Vina Akureyrar, hafa undirritað þriggja ára samning um framkvæmd fjölskylduhátíðarinnar Einnar með öllu. Með samningnum leggur Akureyrarbær til stuðning við hátíðina með það að markmiði að tryggja fjölbreytta og fjölskylduvæna dagskrá fyrir íbúa og gesti um verslunarmannahelgina. -
Fyrirmyndir
Ég held að ég geti fullyrt að nær öll okkar eigum eða höfum átt fyrirmyndir. Í upphafi lífsins eru það forráðamenn sem gegna því hlutverki. Þar mótast fyrstu viðhorfin, hegðunin og skilningur á heiminum. Eftir því sem börn eldast breytast fyrirmyndirnar. Þau tengjast starfsmönnum í leikskóla og skóla, þjálfurum í íþróttum og vinum. Forráðamenn hætta jafnvel á tímabili að vera „kúl“, en áhrif þeirra hverfa þó aldrei alveg. -
Varðveitum náttúruperlur Akureyrar
Náttúran er ein stærsta auðlind Akureyrar. Hér eru leirur, klettar, skógar, tjarnir og votlendissvæði sem skipta máli fyrir fuglalíf, útivist og lýðheilsu. En þessi svæði eru ekki sjálfgefin. Við höfum þegar misst eitt votlendissvæði og nú er mikilvægt að standa vörð um þau sem eftir eru -
Hreinn bær, fagur bær
Akureyrarbær hefur lengi verið þekktur fyrir fallegt umhverfi og góða ásýnd. Á undanförnum árum hefur þó sérstaklega vel tekist til í umhirðu bæjarins. Hreinar götur, snyrtileg opin svæði og fallegt bæjarlandslag skipta ekki aðeins máli fyrir ásýndina heldur hefur bein áhrif á lífsgæði íbúa, andlega líðan og upplifun þeirra sem sækja bæinn heim. -
Gott að eldast á Akureyri
Samfylkingin á Akureyri hefur sett það á stefnuskrá sína fyrir kosningarnar 16. maí að innleiða verkefnið ‚,Gott að eldast" á Akureyri. Verkefnið var innleitt sem tilraunaverkefni í Mosfellsbæ og hefur verið gerður að því góður rómur. Hugmyndafræði verkefnisins þykir okkur góð en í stuttu máli gengur það út á að mæta ört stækkandi og virkari hópi eldri borgara sem er okkur mikils virði. En hvað myndi breytast ef verkefnið ‚,Gott að eldast" yrði innleitt á Akureyri? -
Gott að fá vorhretið snemma
„Vorið fór þó vel af stað en um það bil þegar bændur fóru að huga af vorverkum af krafti fór að halla undan fæti, við tók kuldi, næturfrost, éljagangur og jafnvel snjókoma,“ segir Sigurgeir Hreinsson framkvæmdastjóri Búnaðarsambands Eyjafjarðar. Kuldakast hefur einkennt veðurfarið norðan heiða undanfarið. -
Atvinnulífið leggur grunninn
Öflugt atvinnulíf leggur grunninn að tekjustofnum og velferð bæjarfélagsins og því er afar mikilvægt að við stöndum þétt við bakið á atvinnulífinu hér á Akureyri og nágrenni. Mikilvægast er að skapa atvinnulífinu fyrirsjáanlegt rekstrarumhverfi þar sem álögur eru hófsamar og rými og möguleikar eru fyrir atvinnulífið að þróast og vaxa, hvort heldur það er með nýjum vaxtarsprotum, tæknivæðingu eða hreinum vexti
