Atvinnulífið leggur grunninn
Egill Einarsson skipar 3. sæti á lista Miðflokksins við sveitarstjórnarkosningarnar 16. maí 2026
Öflugt atvinnulíf leggur grunninn að tekjustofnum og velferð bæjarfélagsins og því er afar mikilvægt að við stöndum þétt við bakið á atvinnulífinu hér á Akureyri og nágrenni. Mikilvægast er að skapa atvinnulífinu fyrirsjáanlegt rekstrarumhverfi þar sem álögur eru hófsamar og rými og möguleikar eru fyrir atvinnulífið að þróast og vaxa, hvort heldur það er með nýjum vaxtarsprotum, tæknivæðingu eða hreinum vexti.
Hvað getur bærinn gert til að styrkja atvinnulífið?
Við þurfum að tryggja nægt framboð atvinnulóða, orku og innviði sem styðja núverandi starfsemi og laðar að nýja. Við getum veitt nýjum fyrirtækjum tímabundnar ívilnanir, hraðað ákvarðanatöku og unnið með atvinnulífinu að skipulagi og framþróun. Við þurfum líka að sækja ný atvinnutækifæri, ekki bara bíða eftir að þau komi.
Við þurfum skipulega að auka framleiðslu og verslun sem þjónar okkar svæði. Sem þjóð leggjum við áherslu á að kaupa innlent, sem Akureyringar eigum við líka að leggja áherslu á að versla í heimabyggð. Það gildir ekki síður um bæjarfélagið okkar. Við eigum líka að berjast fyrir fleiri störfum á vegum ríkisins hingað í okkar samfélag. Störf án staðsetningar má líka vinna hér hjá okkur.
Við þurfum að standa með öllum greinum atvinnulífsins, framleiðsluiðnaðinum, matvælaframleiðslunni, ferðaþjónustunni, verlsuninni og nýsköpunarfyrirtækjunum svo eitthvað sé nefnt. Leita leiða til að gera flutninga til og frá svæðinu hagkvæmari og minnka þannig samkeppnishindranir þess að vera langt frá stórum mörkuðum. Berjast fyrir auknum flugsamgöngum og hagkvæmari skipaflutningum.
Atvinnulífið er grunnurinn að tekjuöflun bæjarins, skapar störf og er forsenda íbúafjölgunar. Atvinnulíf sem fær að vaxa við frelsi innan fyrirsjáanlegs rekstrarumhverfis er þannig líklegast til að þróast og vaxa, skapa ný störf og auka tekjur bæjarins.
Rekstur bæjarins er líka mikillvægur
Ábyrgur og skynsamur rekstur bæjarfélagsins verður áfram leiðarstef í allri vinnu Miðflokksins á Akureyri. Þetta er lykilatriði til að geta haldið áfram að bæta þjónustu við íbúana. Góður árangur hefur þegar náðst á kjörtímabilinu en við teljum þó að enn séu tækifæri til að bæta reksturinn og um leið að draga úr álögum á íbúana og atvinnulífið.
Til að ná enn frekari árangri þurfum við að hafa þor til að rýna reksturinn og taka ákvarðanir um breytingar þar sem við sjáum tækifæri til sparnaðar án þess að það komi niður á þjónustu við íbúana.
Auka samstarf milli sviða bæjarins og nýta betur tækniframfarir og tækilausnir. Auka hagkvæmni í innkaupum og flutningum. Það skiptir líka máli að bæjarfélagið okkar versli í heimabyggð. Ástæða væri til, sem dæmi, að skoða möguleika á að sameina mötuneyti á vegum bæjarins og vinna um leið að því að minnka matarsóun
Akureyrarbær er og þarf að vera góður vinnustaður. Því er mikilvægt að vinna slíka rýni með stjórnendum og starfsfólki og leita þannig leiða til hagkvæmari rekstrar. Mikilvægt er að nýta vel eignir bæjarins og sinna viðhaldi vel sem sparar kostnað til lengri tíma litið og kemur í veg fyrir heilsuspillandi starfsumhverfi.
Mikilvægt er að auka ekki skuldsetningu bæjarins og forgangsraða þannig framkvæmdum sem fara þarf í á næstu árum eftir mikilvægi fyrir samfélagið.
Miðflokkurinn á Akureyri býður fram sterkan hóp fólks með fjölbreytta reynslu og skýra sýn sem mun nýtast vel við rað stýra bænum okkar áfram.
Gerum gott betra X-M
Nýjast
-
Atvinnulífið leggur grunninn
Öflugt atvinnulíf leggur grunninn að tekjustofnum og velferð bæjarfélagsins og því er afar mikilvægt að við stöndum þétt við bakið á atvinnulífinu hér á Akureyri og nágrenni. Mikilvægast er að skapa atvinnulífinu fyrirsjáanlegt rekstrarumhverfi þar sem álögur eru hófsamar og rými og möguleikar eru fyrir atvinnulífið að þróast og vaxa, hvort heldur það er með nýjum vaxtarsprotum, tæknivæðingu eða hreinum vexti -
Gerum garðinn frægan og tryggjum framtíð Kvenfélagsgarðsins í Þorpinu
Kvenfélagsgarðurinn er sannkallað óskabarn Kvenfélagsins Baldursbráar. Garðurinn var settur á fót árið 1936 og er því 90 ára. VG telur að það væri kjörið að halda upp á tímamótin með samstarfibæjarins við kvenfélagið um að gera hann aftur að hlýlegu, grænu svæði fyrir íbúa bæjarins og sérstaklega Þorpsins. -
Hvernig brúa foreldrar bilið frá því að fæðingarorlofi lýkur og þar til dagvistun tekur við?
Dr. Sunna Kristín Símonardóttir, lektor í félagsfræði við Háskólann á Akureyri, stýrir nýrri rannsókn á stöðu foreldra sem eiga barn 13 mánaða eða eldra en hefur ekki fengið dagvistunarpláss. Markmið rannsóknarinnar er að varpa ljósi á hvernig fjölskyldur takast á við tímabilið milli fæðingarorlofs og dagvistunar — hvernig þær skipuleggja daglegt líf, vinnu, tekjur og umönnun barna á þessum tíma. -
Þétt samtal og minni skattbyrði
Fjölbreytt og kröftugt atvinnulíf er undirstaða öflugs samfélags. Þar verða til störf, verðmæti og tækifæri. Við viljum við halda áfram að þróa Akureyri sem öflugt þjónustu- og atvinnusvæði. Til þess að það gangi þá þurfum við að huga vel að rekstrarskilyrðum fyrirtækja. -
Hin heillandi fortíðarþrá
Stundum er bent á að kosningabarátta sé jafnan heldur leiðinleg og fátt sem framkallar bros eða hlátur. Nú hafa vinir mínir á L-listanum á Akureyri bætt úr þessu svo um munar. -
Karlar í skúrum
Afar mínir tveir eru magnaðir gæjar. Þeir eru báðir komnir vel yfir áttrætt og nokkurn veginn í toppstandi, miðað við aldur og fyrri störf. Þeir eru harðduglegir báðir og þekkja ekkert annað en vinnu, og að vinna og vinna og vinna meira. Annar þeirra er fyrrum bóndi og trésmiður og hinn athafnamaður sem vann við ýmislegt, lengst af sem forstöðumaður í Hlíðarfjalli í 30 ár og aldrei var þar dauð stund. -
Bútasaumsteppið Akureyri
Akureyri er í þróun frá því að vera bær yfir í að verða borg. Íbúafjöldinn er nú um 20 þúsund og sú þróun hefur leitt af sér fjölbreyttar áskoranir. Skipulagsmál hafa verið áberandi á undanförnum árum, en ljóst er að tækifæri eru til úrbóta. Skipulagsvinnan hefur að verulegu leyti miðast við afmarkaða deiliskipulagsreiti, oft án skýrrar og sameiginlegrar heildarsýnar. Það er okkar tilfinning að það sé verið að sauma bútasaumsteppi þar sem reitirnir eru úr ósamstæðu afgangsefni. -
Aðgengi er forsenda þess að tilheyra
Aðgengi er forsenda þess að tilheyra Við viljum byrja á því að óska ÖBÍ réttindasamtökum til hamingju með afmælið, 5. maí, og þakka fyrir ómetanlegt framlag þeirra til samfélagsins -
Hlíðarfjall: Frá skærlituðum spandexgöllum til lýðheilsuparadísar
Ég ólst upp í Hlíðarfjalli. Ég minnist þess vel að renna mér um svæðið í skærlituðum þröngum spandexgalla löngu áður en skíðagönguíþróttin fékk almenna viðurkenningu hér á landi. Á þeim tíma þótti það hálfgert furðufuglasport. Í dag er staðan önnur og fjallið okkar er fyrir löngu orðið eitthvað allt annað og meira en samastaður fyrir örfáa áhugamenn.
