Eigum helmings möguleika
Þetta verður erfitt verkefni fyrir okkur en við erum spenntir fyrir þessum leik og eigum helmings möguleika á sigri, segir Orri Freyr Hjaltalín leikmaður knattspyrnuliðs Þórs. Norðanmenn fá úrvalsdeildarlið Vals í heimsókn í kvöld í 32-liða úrslitum bikarkeppni KSÍ, Borgunarbikarnum, og hefst leikurinn á Þórsvelli kl. 19:15. Þórsarar hafa unnið alla sína þrjá leiki á heimavelli í 1. deild karla í sumar og ljóst að heimavöllurinn gæti vegið þungt í leiknum í kvöld.
Við ætlum okkur að halda áfram að vera taplausir á Þórsvelli og ég þekki það sjálfur að koma hingað sem gestur og það er engin óskastað. Við þurfum hins vegar að bæta okkar leik ef ætlum að ná að vinna Valsmenn því það hefur verið smá vorbragur á okkur þessa fyrstu leiki í deildarkeppninni. Það er hlutur sem þarf að laga, segir Orri. Valsmenn hafa á að skipa mjög sterku liði og við verðum að ná toppleik til að sigra. Það er ekkert annað í stöðunni hjá okkur og við ætlum okkur yfir þessa hindrun, segir hann, en Þór lék til úrslita í keppninni í fyrra.
Valur hefur byrjað ágætlega í Pepsi-deildinni í sumar. Liðið situr í fjórða sæti deildarinnar með níu stig eftir sex leiki, hefur unnið þrjá leiki og tapað þremur, en Valur skellti Keflavík 4-0 í síðasta deildarleik á heimavelli. Atli Sveinn Þórarinsson, fyrirliði Vals, reiknar með erfiðum leik á Þórsvelli í kvöld og vill ekki meina að Valur sé sigurstranglegra liðið.
Við erum að fara á mjög erfiðan útivöll en það er alltaf gaman að fara norður að spila. Þórsarar eru með mjög gott lið og ég held að þeir fari beint upp í úrvalsdeildina aftur. Ég tel liðin eiga jafna möguleika á að komast áfram og ég held að þetta verði svakalegur leikur, segir Atli.
Nýjast
-
Getur þú bætt í þekkingarbrunn um íslenska náttúru?
Jóhann Helgi Stefánsson, sérfræðingur hjá Landi og skógi skrifar -
Kærkomin gjöf Hollvina SAk til endurhæfingardeildar
Hollvinir Sjúkrahússins á Akureyr hafa fært SAki enn eina mikilvæga gjöf – að þessu sinni til endurhæfingardeildar SAk. -
Zipline Akureyri gengur mjög vel
„Það hefur gengið mjög vel hjá okkur og samkvæmt þeim væntingum sem við höfðum,“ segir Jón Heiðar Rúnarsson sem ásamt Anitu Hafdísi Björnsdóttur rekur félagið Zipline Akureyri. Þau hófu starfsemi um mitt sumar árið 2022 og eru því á sínu fjórða sumri. Zipline Akureyri rekur ævintýra ferðaþjónustu í Glerárgili, er með alls fimm sviflínur þar sem farið er yfir Glerá. -
Ferðfólk sem sækir í kælifrí þykir svalt að koma til Akureyrar
Það er ansi heitt niður i Evrópu og hitamet sleginn eða við það að vera sleginn daglega má segja. Þeim hópi ferðafólks sem þykir norðanátt og rigning mjög eftirsóknarverð horfir í vaxandi mæli hingað ,,upp eftir" og er Akureyri svo dæmi sé tekið er efst á óskalista þeirra erlendu ferðalanga sem vilja komast í svalara loftslag. Óhætt er að fullyrða að þessi gerð af ferðafólki fengi helling fyrir sinn snúð á Akureyri í dag. -
Að byggja upp á Bakka
Hjálmar Bogi Hafliðason skrifar um atvinnuuppbyggingu á Bakka á Húsavík. -
Bíladagar
Dýrleif Skjóldal átti Lokaorðið í blaðinu s.l. fimmtudag. -
Dagsektir vegna umgengni við Hamragerði 15 ekki greiddar
Dagsektir sem lagðar voru á lóðahafa við Hamragerði 15 á Akureyri vegna umgengni á lóðinni hafa ekki verið greiddar en þær eru í innheimtu. Fjárnám hefur verið gert í eigninni og nauðungarsala hefur verið auglýst. Bílum innan lóðar hefur fækkað lítilega að undanförnu. -
Jóhann Páll heiðursdoktor við HA
Hug- og félagsvísindasvið Háskólans á Akureyri veitir Jóhanni Páli Árnasyni heiðursdoktorsnafnbót á sviði félagsvísinda næstkomandi mánudag, 30. júní -
Sérstakt ef beita þarf sveitarfélag þvingunarúrræðum til að fá fram tiltekt
Akureyrarbær hefur ekki brugðist við kröfu frá Heilbrigðisnefnd Norðurlands eystra um að hreinsa svæði við á lóð bæjarins við Krossanes. Alls eru 45 bílar í slæmu ástandi á lóðinni.
