Eignasafn félagslegra íbúða á Akureyri Stefnt að sölu allt að 15 óhentugra íbúða
Akureyri
Selja á allt að 15 íbúðir í eignasafni félagslegra leiguíbúða Akureyrarbæjar, en þær þykja óhentugar. Bæjarráð hefur samþykkt að skoða eignasafnið í samhengi við það að fjölga íbúðum af þeirri stærð sem mest eftirspurn er eftir, huga betur að félagslegri blöndun í hverfum og endurnýjun á íbúðum í lyftulausu og óhentugu húsnæði.
Samhliða þarf að ákveða hvað og hversu mikið kaupa á inn af nýjum íbúðum í stað þeirra sem verða seldar. Eins samþykkti bæjarráð að taka eignir í Hrísey og Grímsey út úr félagslega leiguíbúðakerfinu en í Hrísey eru 6 íbúðir og 2 í Grímsey.
Eignasafn bæjarins endurspeglar ekki nútímaþróun bæjarins þó þeim sé vel við haldið og á þeim hagstæð lán að því er fram kemur í minnisblaði sem fjallað var um á fundi bæjarráðs. Skortur er á félagslegu húsnæði í nýrri hverfum, sem hamlar félagslegri blöndun, en flestar íbúðirnar eru í eldri hverfum.
339 íbúðir
Alls á Akureyrarbær 339 félagslegar íbúðir sem skiptast í 215 almennar íbúðir, 83 fyrir fatlaða, 24 fyrir aldraða og 18 sértæk úrræði. Flestar íbúðir eru í Síðuhverfi alls 114, þar af eru 16 fyrir aldraða og 11 fyrir fatlaða. Í Lunda- og Gerðahverfi eru 56 íbúðir og 54 í Holta- og Hlíðahverfi. Færri íbúðir eru í öðrum hverfum.
Hvað sérúrræði varðar hefur áhersla verið lögð á íbúðir fyrir fatlaða, m.a. með uppbyggingu í Naustahverfi og fyrir fólk með geð- og fíknivanda þar sem stefnt er að samtals 27 íbúðir á næstunni. Akureyrarbær styður við óhagnaðardrifin leigufélög,(t.d. Brynju, Bjarg, Þroskahjálp og Félagsstofnun stúdenta með stofnframlögum. Þegar öll vilyrði verða komin til framkvæmda munu þessi félög hafa bætt við á þriðja hundrað íbúðum.
Nýjast
-
Fyrirhuguð stækkun lóðar atNorth
Tillaga um breytingu á deiliskipulagi athafnasvæðis sunnan Hlíðarfjallsvegar er nú auglýst og kostur gefin á að senda inn athugasemdir til og með 5. ágúst 2026. Um er að ræða stækkun á skipulagssvæðinu vegna uppbyggingar gagnavers atNorth. -
Veganestið – Gunnþóra Elín Erlingsdóttir
Veganestið er greinaflokkur á vegum Góðvina Háskólans á Akureyri þar sem tekin eru viðtöl við útskrifaða stúdenta Háskólans á Akureyri -
Eignasafn félagslegra íbúða á Akureyri Stefnt að sölu allt að 15 óhentugra íbúða
Selja á allt að 15 íbúðir í eignasafni félagslegra leiguíbúða Akureyrarbæjar, en þær þykja óhentugar. Bæjarráð hefur samþykkt að skoða eignasafnið í samhengi við það að fjölga íbúðum af þeirri stærð sem mest eftirspurn er eftir, huga betur að félagslegri blöndun í hverfum og endurnýjun á íbúðum í lyftulausu og óhentugu húsnæði. -
Fjölmenni við vígslu nýja eldaskálans í Vaglaskógi
Nýr eldaskáli í Vaglaskógi var formlega tekinn í notkun föstudaginn 26. júní. Fjöldi manns lagði leið sína í Vaglaskóg milli klukkan tvö og fjögur og kveikt var upp í nýja eldaskálanum sem verið hefur í smíðum í skóginum undanfarin misseri. -
Lokaorðið - Vinátta
Nù þegar sumarið stendur sem hæðst og Reynitréin skarta svo miklum blómum að kona fer að gleðjast yfir yfir komandi litríku hausti, þá er henni hugsað til vináttunnar. -
Menningarhátíðin Mannfólkið breytist í slím
Menningarhátíðin Mannfólkið breytist í slím verður haldin dagana 16.–18. júlí í iðnaðarhúsnæði við Dalsbraut á Akureyri. Listasamsteypan MBS stendur að hátíðinni, sem hefur verið haldin frá 2018. -
Leikskólinn Hagasteinn Framkvæmdum flýtt
Samþykkt hefur verið að flýta framkvæmdum við seinni áfanga leikskólans Hagasteins og er það gert vegna óska verktakans, Húsheildar Hyrnu. Fyrirtækið hefur lagt fram breytta framkvæmdaáætlun sem gerir ráð fyrir að seinni áfangi verði tilbúinn í janúar 2027 og fullnaðarfrágangur lóðar þá um vorið. -
Tækifæri fyrir ungt fólk að skapa tónlist saman í faglegu hljómsveitarumhverfi
Lionshreyfingin tekur þátt mörgum norrænum samstarfsverkefnum og er Orkester Norden eitt þeirra. Anna Fr. Blöndal fyrrverandi fjölumdæmisstjóri Lions á Íslandi segir söguna ná aftur til ársins 1986 þegar þáverandi alþjóðaforseta var falið að finna samnorrænt verkefni fyrir fólk á aldrinum 15 til 25 ára. Forsetinn sem var skólastjóri tónlistarskóla réri strax á þau mið að sameina ungt fólk í tónlist með því að koma á laggirnar sinfóníuhljómsveit í hæsta gæðaflokki. Hljómsveitin var formlega stofnuð fáum árum síðar eða 1993. -
Akureyri Hækkun launa kjörinna fulltrúa fellur niður
Bæjarráð hefur samþykkir að fyrirhuguð hækkun launa kjörinna fulltrúa og bæjarstjóra, sem taka átti gildi 1. júlí 2026 samkvæmt þróun launavísitölu, falli niður.
