Dynheimaballinu bjargað
Dynheimaballið verður á gamla Oddvitanum.
Eftir að fréttir bárust um að árlegu Dynheimaballi á Akureyri um verslunarmannahelgina væri úthýst fannst lausn á málinu. Í tilkynningu segir að undanfarin ár hafi Dynheimaball verið haldið á Sportvitanum eða gamla Oddvitanum og hefur húsnæðið þótt afar heppilegt fyrir dansleikinn. Nú hafa nýir eigendur hafið framkvæmdir en þar mun Heimskautasetur opna í ágúst næstkomandi.
Aðalhvatamaður Heimskautasetursins er Arngrímur M. Jóhannsson og hófu hann og Davíð Rúnar Gunnarsson viðburðastjóri og einn af Dynheimadrengjunum strax viðræður um það hvort möguleiki væri á dansleikjahaldi í húsinu eftir að fréttir bárust af því að húsnæði vantaði. Þær viðræður gengu vel og varð ljóst að ekki þarf miklar framkvæmdir til þess að þarna geti farið fram dansleikur um verslunarmannahelgina.
Fyrir helgina verður settur upp hljóð-og ljósabúnaður en einnig verða settir upp barir sem munu gefa þeim fjölmörgu gestum sem mæta á Dynheimaball gott aðgengi að drykkjarföngum en það er Siggi Doddi og hans fólk sem mun sjá um veitingasöluna. Í tilkynningu segir að nú sé ekkert því til fyrirstöðu að halda dansleikina um næstu verslunarmannahelgi og geta dansþyrstir gestir tekið gleði sína á ný.
Á föstudagskvöldinu 31.júlí verður 80´s og 90´s dansleikur þar sem aldurstakmarkið er 25 ár. Á laugardagskvöldinu er svo 70´s og 80´s dansleikur þar sem er 35 ára aldurstakmark.
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.