Drykkir Innbyrðis spila á Græna hattinum annað kvöld
Meðlimir Drykkja Innbyrðis Mynd Þorgeir Baldursson
Hljómsveitin Drykkir Innbyrðis, sem var stofnuð á Akureyri árið 1986, heldur útgáfutónleika á Græna hattinum laugardaginn 31. október. Hljómsveitin sendi nýverið frá sér 11 laga plötu með níu eldri lögum og tveimur nýjum. Lögin hafa öll fengið góðar viðtökur á streymisveitum og hafa nú verið spiluð yfir 25 þúsund sinnum á Spotify.
Hljómsveitin var, sem fyrr segir, stofnuð í ársbyrjun 1986 og tók þátt í Músíktilraunum í apríl sama ár, þar sem hún hafnaði í öðru sæti. Sveitin var áberandi á þessum árum og starfaði til ársins 1990, þegar hún lagðist í dvala eins og títt er.
Það var svo á síðasta ári sem hugmyndin kviknaði um að taka upp þráðinn að nýju. Í kjölfarið hóf sveitin vinnu við nýja plötu sem kom út föstudaginn 18. september á Spotify og YouTube.
Níu eldri lög og tvö ný
Platan, sem ber sama nafn og hljómsveitin, hefur að geyma 11 lög, með lögum og útsetningum eftir hljómsveitarmeðlimi. Þar má finna níu eldri lög úr sögu sveitarinnar og tvö ný. Textarnir eru eftir Rúnar Örn Friðriksson, söngvara hljómsveitarinnar. Platan var tekin upp í Menningarhúsinu Hofi og sá Haukur Pálmason um upptökur og hljómjöfnun.
Lagalistinn spannar fjölbreytt efni og ber meðal annars að nefna lögin Á vit feðranna, Hvítur sandur, Framtíðin, Í gegnum tíðina, Ísmolar og Aldrei gleyma þér. Plötunni lýkur á ASAP, sem er hljóðfæraleikur án söngs.
Vínilplata og bolir til sölu
Útgáfutónleikarnir á Græna hattinum hefjast klukkan 21 laugardaginn 31. október. Þar gefst tónleikagestum tækifæri til að heyra sveitina flytja tónlist sína á ný og fagna útgáfu plötunnar. Vínilplata og bolir verða jafnframt til sölu á tónleikunum.
Enn eru miðar í boði í forsölu og hægt er að nálgast þá á www.graenihatturinn.is en einnig verða þeir til sölu við innganginn á laugardaginn.
Meðlimir Drykkja Innbyrðis eru Rúnar Örn Friðriksson, söngur og textar, Eiríkur S. Jóhannsson, gítar, Ingvi Rafn Ingvason, trommur og slagverk, Viðar Garðarsson, bassi, og Haukur Eiríksson, hljómborð.
Með því að smella á slóðina hér fyrir neðan má heyra eitt laga hljómsveitarinnar, þeir nefna það, Í fótspor feðranna.
https://open.spotify.com/track/2eiGsRRHo0WiPc2aiuxodw?si=DF6jwWs0TnCgkhNkeq3zhA&utm_source=copy-link
Nýjast
-
Drykkir Innbyrðis spila á Græna hattinum annað kvöld
Hljómsveitin Drykkir Innbyrðis, sem var stofnuð á Akureyri árið 1986, heldur útgáfutónleika á Græna hattinum laugardaginn 31. október. Hljómsveitin sendi nýverið frá sér 11 laga plötu með níu eldri lögum og tveimur nýjum. Lögin hafa öll fengið góðar viðtökur á streymisveitum og hafa nú verið spiluð yfir 25 þúsund sinnum á Spotify. -
Vill að ríkið semji um fast verð á innanlandsflugmiðum
Breytingar á Loftbrú taka ekki á raunverulegum vanda landsbyggðarfólks sem þarf oft að ferðast með skömmum fyrirvara og greiða tugi þúsunda króna fyrir stakar flugferðir. Þetta er mat Þórodds Bjarnasonar, prófessors í félagsfræði og sérfræðings í byggðaþróun, sem leggur til nýja nálgun við niðurgreiðslu á innanlandsflugi. -
Hjaltastaðir fá 1,6 milljóna króna styrk
Hjaltastaðir hafa hlotið 1,6 milljóna króna styrk úr Styrktarsjóði geðheilbrigðis fyrir verkefnið „Frá vansæld til tengsla og þátttöku“. Styrkurinn er mikilvæg viðurkenning á þeirri hugmyndafræði og framtíðarsýn sem starfsemin byggir á og mun styðja við áframhaldandi þróun verkefnisins. -
Stórt skref stigið í varðveislu sögufrægrar flugvélar
Viljayfirlýsing um framtíðarvarðveislu Þristsins undirrituð -
Aðeins eitt barn á biðlista eftir leikskólaplássi á Akureyri
Vel gengur að útvega börnum leikskólapláss hjá Akureyrarbæ en aðeins eitt barn sem náð hefur innritunaraldri er nú á biðlista -
Akureyri Um 330 íbúðir á þéttingarsvæðum
Tæplega 330 nýjar íbúðir eru í byggingu eða undirbúningi á þéttingarsvæðum hér og þar um Akureyri. -
Ég kann ekki við þetta
Undanfarið hafa þingmenn úr ríkisstjórnarflokkum sagt sig úr, ýmist flokki sínum eða þingflokki. -
Besti bitinn-Frosið verð frá upphafi og þannig verður það áfram
Í dag, 29. október, er eitt ár liðið frá því að Besti bitinn af þorskinum fór á markað á Íslandi. Frá því að þessir frosnu þorskhnakkar frá Samherja komu í sölu í matvöruverslunum innanlands hefur heildsöluverð til verslana verið óbreytt. Samherji ætlar að gera enn betur og mun ekki hækka verð á vörunni til verslana næstu 12 mánuði til viðbótar. -
Réttir, fé og fjallskil í Dalvíkurbyggð -Nokkrar örsögur og fróðleiksmolar að auki
Út er komin bók Vignis Sveinssonar um réttir, fé og fjallskil í Dalvíkurbyggð. Á ríflega 300 síðum segir Vignir frá sauðfjárbúskap á Árskógsströnd, í Svarfaðardal, Dalvík og Upsaströnd á tímabilinu frá 1875 til 2024. Fjallað er um smalamennsku, fjallskil og réttir. Fjárskiptin 1949-1951, riðuveikina og fjárskiptin 1988-1990. Brúun vatnsfalla og mikilvægi girðinga fyrir bændur.
