Besti bitinn-Frosið verð frá upphafi og þannig verður það áfram
Besti bitinn, óbreytt verð frá upphafi og verður áfram næsta árið. Myndi samherji.is
Í dag, 29. október, er eitt ár liðið frá því að Besti bitinn af þorskinum fór á markað á Íslandi. Frá því að þessir frosnu þorskhnakkar frá Samherja komu í sölu í matvöruverslunum innanlands hefur heildsöluverð til verslana verið óbreytt. Samherji ætlar að gera enn betur og mun ekki hækka verð á vörunni til verslana næstu 12 mánuði til viðbótar.
Sameiginlegt verkefni
Með því að halda verðinu óbreyttu vill fyrirtækið leggja sitt af mörkum í því sameiginlega verkefni að halda aftur af verðhækkunum.
„Þegar Besti bitinn af þorskinum fór á markað þá vildum við bjóða hollan og góðan valkost úr okkar framleiðslu á hóflegu verði. Í núverandi árferði er mikilvægt að allir leggist á eitt og sendi skýr skilaboð í baráttunni við verðbólgu. Því viljum við halda verðinu óbreyttu áfram í eitt ár til viðbótar og hvetjum auðvitað verslanir til að gera slíkt hið sama,“ segir Baldvin Þorsteinsson, forstjóri Samherja hf.
Landsmenn kunna að meta góðan fisk
Varan fæst í öllum helstu matvöruverslunum og henni hefur verið vel tekið af neytendum. „Við erum mjög ánægð með viðtökurnar sem benda til þess að landsmenn kunni að meta góðan fisk. Einnig er jákvætt ef sala á vörunni eykur í leiðinni vitund almennings um íslenskan sjávarútveg og þær afurðir sem framleiddar eru úr hafinu í kringum landið,“ segir Baldvin.
Almennt er talið að hnakkinn sé þykkasti og safaríkasti bitinn af þorskinum og er nafnið á vörunni skírskotun til þess. Um er að ræða hágæðaafurð úr þorski sem veiddur er á djúpslóð og unninn í vinnsluhúsum Samherja á Eyjafjarðarsvæðinu. Skip Samherja eru við veiðar flesta daga ársins og tryggja þannig stöðugt framboð hráefnis sem unnið er af fagfólki í hátæknivinnslum fyrirtækisins. Markmiðið er alltaf að hámarka gæði vörunnar.
Bragðgóður, fljótlegur og hollur valkostur
Þorskhnakkarnir eru seldir frosnir og er hverjum bita pakkað sérstaklega í lofttæmdar umbúðir. Varan er því einstaklega aðgengileg og hentug til matreiðslu hvort sem elda á einn bita eða fleiri. Þorskhnakki er allt í senn bragðgóður, fljótlegur og afar hollur valkostur sem hentar vel sem hversdagsmatur eða ljúffengur veisluréttur við öll tilefni.
Hér er hægt að nálgast nánari upplýsingar, uppskriftir og fróðleik um Besta bitann.
Frá þessu segir á heimasíðu Samherja
Nýjast
-
Ég kann ekki við þetta
Undanfarið hafa þingmenn úr ríkisstjórnarflokkum sagt sig úr, ýmist flokki sínum eða þingflokki. -
Besti bitinn-Frosið verð frá upphafi og þannig verður það áfram
Í dag, 29. október, er eitt ár liðið frá því að Besti bitinn af þorskinum fór á markað á Íslandi. Frá því að þessir frosnu þorskhnakkar frá Samherja komu í sölu í matvöruverslunum innanlands hefur heildsöluverð til verslana verið óbreytt. Samherji ætlar að gera enn betur og mun ekki hækka verð á vörunni til verslana næstu 12 mánuði til viðbótar. -
Réttir, fé og fjallskil í Dalvíkurbyggð -Nokkrar örsögur og fróðleiksmolar að auki
Út er komin bók Vignis Sveinssonar um réttir, fé og fjallskil í Dalvíkurbyggð. Á ríflega 300 síðum segir Vignir frá sauðfjárbúskap á Árskógsströnd, í Svarfaðardal, Dalvík og Upsaströnd á tímabilinu frá 1875 til 2024. Fjallað er um smalamennsku, fjallskil og réttir. Fjárskiptin 1949-1951, riðuveikina og fjárskiptin 1988-1990. Brúun vatnsfalla og mikilvægi girðinga fyrir bændur. -
„Mér finnst gaman að vera til“ – Lára Brynhildur fagnar 100 ára afmæli
Lára Brynhildur Eiríksdóttir fagnaði 100 ára afmæli sínu þann 21. október. Að því tilefni fékk Lára Brynhildur heimsókn frá Berglindi Ósk Guðmundsdóttur, bæjarstjóra, sem færði afmælisbarninu blómvönd. Frá þessu segir á samfélagsmiðlum Akureyrarbæjar og þar er Lára Brynhhildur í skemmtilegu viðtali sem lesa má hér á eftir. -
Barnið og fjölskyldan í fyrirrúmi
Hrefna Sæunn Einarsdóttir er fyrsti barna- og unglingageðlæknirinn hjá HSN í nýrri stöðu innan sálfélagslegrar þjónustu HSN. -
Sparisjóðirnir efla áhættustýringu og stafræna þróun
Sparisjóðirnir hafa ráðið Einar Má Hólmsteinsson sem sameiginlegan áhættustjóra og Brynju Pálínu Sigurgeirsdóttur sem verkefnastjóra viðskiptaþróunar og stafrænna lausna hjá SÍSP. Með ráðningunum er verið að styrkja enn frekar sameiginlega starfsemi sparisjóðanna á sviði áhættustýringar, viðskiptaþróunar og stafrænna lausna. Frá þessu segir í tilkynningu frá SÍSP í morgun -
Góðri síldarvertíð er lokið
Uppsjávarskipin Vilhelm Þorsteinsson EA-11 og Bjarni Ólafsson AK-70 komu í land á mánudaginn með síðasta síldarfarm ársins. Vilhelm Þorsteinsson kom til Eskifjarðar með um 950 tonn og Bjarni Ólafsson landaði 900 tonnum á Fáskrúðsfirði. -
VG - Andstaða við vindorkuver á Hólaheiði
Kjördæmisþing Vinstrihreyfingarinnar græns framboðs í Norðausturkjördæmi lýsir andstöðu við fyrirhugað vindorku á Hólaheiði á Melrakkasléttu. -
Sveitarstjórn Þingeyjarsveitar lýsir yfir fullu trausti á Katrínu Sigurjónsdóttur sveitarstjóra
Sveitarstjórn Þingeyjarsveitar lýsir yfir fullu trausti á Katrínu Sigurjónsdóttur sveitarstjóra og segir ekkert hafa komið fram sem gefi tilefni til að draga hæfni hennar eða heilindi í efa. Þetta kemur fram í bókun sveitarstjórnar frá 22. október, þar sem brugðist er við spurningum um mögulegt vanhæfi Katrínar vegna eignarhalds hennar í fyrirtæki sem selur meðal annars Samherja þjónustu
