Ég kann ekki við þetta
Vilborg Gunnarsdóttir
Undanfarið hafa þingmenn úr ríkisstjórnarflokkum sagt sig úr, ýmist flokki sínum eða þingflokki.
Á dögunum barst slík frétt. Þetta kom flestum á óvart því þarna fór einstaklingur sem hefði átt að vita út í hvað hann var að fara þótt hann héldi öðru fram í Kastljósviðtali.
Hann var borgarstjóri eitt kjörtímabil og hann vildi líka verða forseti Íslands.
Ábyrgð kjörinna fulltrúa hvort sem er í sveitastjórnum eða á Alþingi er mikil. Fyrir kosningar fara þeir mikinn og lofa að berjast fyrir mikilvægum málefnum. Ef þeir eru lánsamir, kemst flokkurinn þeirra í stjórn sem á Íslandi er alltaf samsteypustjórn tveggja til þriggja flokka. Slík samvinna krefst fórna því samið er um málefni sem setja á á oddinn.
Okkar ágæti forsætisráðherra sagði nýlega í tilefni deilna innan ASÍ að samtökin væru stærri en einstaklingarnir sem þar starfa. Sama má segja um Alþingi.
Þingmaðurinn sem sagði af sér á dögunum virðist vera það sjálfhverfur að hann hélt því fram að flokkurinn hans hefði fengið meira fylgi vegna hans. Samt gefst hann upp núna. Því hvað er það annað en uppgjöf að hætta á miðju kjörtímabili í stað þess að berjast áfram fyrir málefnið, sem reyndar hefur fengið nokkurn framgang á þingi. Við hverju bjóst hann? Að það yrði auðvelt að koma málum fram? Og finnst honum hann ekki vera að bregðast kjósendum sínum með því að stíga frá borðinu þar sem ákvarðanirnar eru teknar?
Hann segir að í upphafi hafi hann ekki vitað út í hvað hann var að fara. Segðu mér annan. Hann talaði líka um skort á forystu innan þingflokksins. Við sem stöndum fyrir utan gátum með réttu lesið milli lína þarna þar sem það er opinbert að þáverandi þingflokksformaður er í veikindaleyfi. Það hefur sýnt sig undanfarið að menn telja það ekki fallega framkomu að tilkynna fólki á sjúkrabeði að ekki sé óskað eftir kröftum þeirra í þau embætti sem þeir gegna og án þess að vita það, finnst mér líklegt að sú hafi verið raunin.
Mér finnst líka trúverðugt að í slíkum aðstæðum skapist einhver óreiða, ekki síst þegar formaður flokksins er ráðherra málaflokks sem krefst mikillar fjarveru. En hvað gera menn þá? Sérstaklega reyndir menn sem meðal annars hafa gegnt borgarstjórastöðu. Þeir segja ekki af sér. Þeir segja sig ekki frá hópnum. Þeir taka af skarið og taka sjálfir forystu í stað þess að gefast upp. Þeir bretta upp ermar. Eða snýst þetta um eitthvað allt annað?
Ég kann ekki við þetta. Maðurinn er búinn að koma málum sínum þannig fyrir að nú getur hann setið í þægilegu þingsæti án áreitis, án fundaskyldu í flokknum; hann heldur launum sínum og forystu í nefnd sem honum sjálfum finnst skemmtileg því þá fær HANN að ferðast og kynnast áhugaverðu fólki.
Svei.
Nýjast
-
Aðeins eitt barn á biðlista eftir leikskólaplássi á Akureyri
Vel gengur að útvega börnum leikskólapláss hjá Akureyrarbæ en aðeins eitt barn sem náð hefur innritunaraldri er nú á biðlista -
Akureyri Um 330 íbúðir á þéttingarsvæðum
Tæplega 330 nýjar íbúðir eru í byggingu eða undirbúningi á þéttingarsvæðum hér og þar um Akureyri. -
Ég kann ekki við þetta
Undanfarið hafa þingmenn úr ríkisstjórnarflokkum sagt sig úr, ýmist flokki sínum eða þingflokki. -
Besti bitinn-Frosið verð frá upphafi og þannig verður það áfram
Í dag, 29. október, er eitt ár liðið frá því að Besti bitinn af þorskinum fór á markað á Íslandi. Frá því að þessir frosnu þorskhnakkar frá Samherja komu í sölu í matvöruverslunum innanlands hefur heildsöluverð til verslana verið óbreytt. Samherji ætlar að gera enn betur og mun ekki hækka verð á vörunni til verslana næstu 12 mánuði til viðbótar. -
Réttir, fé og fjallskil í Dalvíkurbyggð -Nokkrar örsögur og fróðleiksmolar að auki
Út er komin bók Vignis Sveinssonar um réttir, fé og fjallskil í Dalvíkurbyggð. Á ríflega 300 síðum segir Vignir frá sauðfjárbúskap á Árskógsströnd, í Svarfaðardal, Dalvík og Upsaströnd á tímabilinu frá 1875 til 2024. Fjallað er um smalamennsku, fjallskil og réttir. Fjárskiptin 1949-1951, riðuveikina og fjárskiptin 1988-1990. Brúun vatnsfalla og mikilvægi girðinga fyrir bændur. -
„Mér finnst gaman að vera til“ – Lára Brynhildur fagnar 100 ára afmæli
Lára Brynhildur Eiríksdóttir fagnaði 100 ára afmæli sínu þann 21. október. Að því tilefni fékk Lára Brynhildur heimsókn frá Berglindi Ósk Guðmundsdóttur, bæjarstjóra, sem færði afmælisbarninu blómvönd. Frá þessu segir á samfélagsmiðlum Akureyrarbæjar og þar er Lára Brynhhildur í skemmtilegu viðtali sem lesa má hér á eftir. -
Barnið og fjölskyldan í fyrirrúmi
Hrefna Sæunn Einarsdóttir er fyrsti barna- og unglingageðlæknirinn hjá HSN í nýrri stöðu innan sálfélagslegrar þjónustu HSN. -
Sparisjóðirnir efla áhættustýringu og stafræna þróun
Sparisjóðirnir hafa ráðið Einar Má Hólmsteinsson sem sameiginlegan áhættustjóra og Brynju Pálínu Sigurgeirsdóttur sem verkefnastjóra viðskiptaþróunar og stafrænna lausna hjá SÍSP. Með ráðningunum er verið að styrkja enn frekar sameiginlega starfsemi sparisjóðanna á sviði áhættustýringar, viðskiptaþróunar og stafrænna lausna. Frá þessu segir í tilkynningu frá SÍSP í morgun -
Góðri síldarvertíð er lokið
Uppsjávarskipin Vilhelm Þorsteinsson EA-11 og Bjarni Ólafsson AK-70 komu í land á mánudaginn með síðasta síldarfarm ársins. Vilhelm Þorsteinsson kom til Eskifjarðar með um 950 tonn og Bjarni Ólafsson landaði 900 tonnum á Fáskrúðsfirði.
