BSO áskilur sér rétt til að koma að mótmælum vegna úthlutunar lóðar við Hofsbót
BSO vill að viðurkennt verði að stöðin eigi lóðaréttindi að ríflega þúsund fermetra lóð
þar sem stöðin hefur verið starfrækt frá árinu 1955. Lóðinni hefur verið úthlutað fyrir
nýbyggingu og þarf Bifreiðastöðin að flytja sína starfsemi upp úr miðjum febrúar á
næsta ári. Mynd Margrét Þóra
„Allur réttur er áskilinn til að koma að formlegum mótmælum ásamt viðeigandi röksemdum varðandi úthlutun svæðisins sem sveitarfélagið hefur skilgreint sem lóðirnar Hofsbót 1 og 3, en úthlutunin var ekki staðfest af bæjarráði fyrr en á sama fundi og erindi umbjóðenda minna var tekið fyrir,“ segir í bréfi Sunnu Axelsdóttur lögmanns sem hún sendi bæjarráði fyrir hönd Bifreiðastöðvar Oddeyrar.
Lóðinni við Hofsbót 1 og 3 hefur verið úthlutað til fyrirtækisins SS-Byggis sem átti hærra boð af tveimur sem bárust þegar lóðin var boðin út öðru sinni fyrr á árinu. Bæjarráð samþykkti tilboðið á fundi í ágúst. BSO hefur 6 mánuði frá því tilboði var tekið til að færa sína starfsemi annað og verður sá tími liðinn upp úr miðjum febrúar á næsta ári.
Viðurkennt verði að BSO eigi lóðaréttindi
BSO rekur mál fyrir Héraðsdómi Norðurlands eystra þar sem þess er krafist að með dómi verði viðurkennt að BSO eigi ótímabundin og óuppsegjanleg lóðréttindi á ríflega eitt þúsund fermetra lóð við Strandgötu. Sú lóð hafði verið afmörkuð af Akureyrarbæ þegar samningur um leigu stöðvarinnar á lóðinni var gerður árið 1955.
Lögmaður BSO sendi erindi til bæjarráðs vegna afgreiðslu þess á málinu í lok ágúst síðastliðins. Afgreiðslan var þess efnis að bæjarráð gæti ekki orðið við erindinu eins og það er orðað í bókun
„Vegna afgreiðslunnar er tekið fram að erindið var ætlað sem samantekt stöðu aðila í málinu og varðaði málið í heild sinni. Líta má á erindið sem tillögu að fundi um málið, en ekki var brugðist við því samkvæmt fundargerð,“ segir í erindi lögmanns BSO.
Nýjast
-
BSO áskilur sér rétt til að koma að mótmælum vegna úthlutunar lóðar við Hofsbót
„Allur réttur er áskilinn til að koma að formlegum mótmælum ásamt viðeigandi röksemdum varðandi úthlutun svæðisins sem sveitarfélagið hefur skilgreint sem lóðirnar Hofsbót 1 og 3, en úthlutunin var ekki staðfest af bæjarráði fyrr en á sama fundi og erindi umbjóðenda minna var tekið fyrir,“ segir í bréfi Sunnu Axelsdóttur lögmanns sem hún sendi bæjarráði fyrir hönd Bifreiðastöðvar Oddeyrar. -
10 september alþjóðlegur forvarnardagur sjálfsvíga.
Í dag 10.september er alþjóðlegur forvarnadagur sjálfsvíga. Fólk hefur dáið úr sjálfsvígum frá morgni tímans og sú dánarorsök mun alltaf verða partur af mannlífinu ja rétt eins og krabbamein. -
Listasafnið á Akureyri: Leiðsögn með Margréti Jónsdóttur
Laugardaginn 13. september kl. 15 verður boðið upp á leiðsögn með Margréti Jónsdóttur um sýningu hennar Kimarek–Keramik í Listasafninu á Akureyri. Sýningunni lýkur 28. september næstkomandi. -
Ævintýragarðurinn lokar eftir gott sumar
Ævintýragarðurinn við Oddeyrargötu 17 sem hefur verið opinn í allt sumar mun loka frá og með mánudeginum 15. september. -
Börnin á Gaza eru okkar börn - Ræða flutt á Ráðhústorgi Akureyri s.l. laugardag
Kristín S. Bjarnadóttir hjúkrunarfræðingur og ein af stofnendum almannaheillafélagsins Vonarbrúar, tók til máls á útifundinum sem fram fór á Ráðhústorginu á Akureyri s.l. laugardag. Tilgangur félagsins er að koma hjálp beint til ungra fjölskyldna á Gaza en aðdragandann má rekja til þess að alþjóðlegum hjálparstofnunum var vísað út af Gaza og starfsfólk þeirra drepið. Vonarbrú styrkir yfir 70 fjölskyldur eftir þörfum en hefur jafnframt styrkt enn fleiri fjölskyldur með stökum styrkjum. Nánari upplýsingar um hvernig hægt er að styrkja eða ganga í félagið má finna á heimasíðu Vonarbrúar, www.vonarbru.is Ræða Kristínar kemur hér í kjölfarið. -
Listasafnið á Akureyri: Allt til enda listvinnustofur um helgina og í október og nóvember
Framundan í september, október og nóvember eru þrjár ólíkar listvinnustofur í Listasafninu á Akureyri. Þar verður börnum á grunnskólaaldri boðið að vinna verk undir leiðsögn kraftmikils listafólks án endurgjalds, en skráning er nauðsynleg. Opið er fyrir skráningu í fyrstu listvinnustofuna sem fer fram um næstkomandi helgi, dagana 13. -14. september. Þá mun myndlistarkonan Sigga Björg bjóða börnum í 1.- 4. bekk í teiknivinnustofu þar sem búnar verða til nýjar skepnur sem ekki hafa áður sést í heiminum. Þær verða samsettar úr þekktum dýra- eða skordýrategundum og þeim gefin nöfn og sérstakir eiginleikar. Teikningar af nýju skepnunum verða unnar í raunstærð þar sem engar hömlur verða settar á stærð þeirra, svo lengi sem þær rúmast í húsakynnum safnsins. -
Námskeið í olíum og lífdíesel
Háskólinn á Akureyri býður þér á námskeið þar er samþætt fræðileg og verkleg þjálfun í olíum og lífdísil -
Opið hús í Stórutjarnarskóla á morgun miðvikudag
Nemendur og starfsfólk Stórutjarnaskóla fengu styrk síðastliðið vor úr Erasmus+ áætlun Evrópusambandsins til að vinna að alþjóðlegu ungmennaverkefni sem ber nafnið „We – Við – Meie“. Verkefnið var leitt af Sigríði Árdal og Mariku Alavere í samstarfi við nemendur í 8.–10. bekk, og í september mun hópurinn taka á móti tíu ungmennum og kennurum þeirra frá Eistlandi. -
VMA á fulltrúa á Euroskills í Herning - sem hefst í dag
Spennan magnast óneitanlega, því í dag hefst Euroskills - Evrópumót iðn- og verkgreina í Herning í Danmörku og stendur það fram á laugardag. Frá Íslandi fara þrettán keppendur, þar af eru tveir fyrrverandi nemendur í VMA; annars vegar Daniel Francisco Ferreira í rafvirkjun (húsarafmagni) og hins vegar Einar Örn Ásgeirsson í rafeindavirkjun.