Börnin skapa framíðina
Karen Erludóttir, verkefnastjóri Barnamenningarhátiðarinnar.
Þann 8. september sl. hófst Barnamenningarhátíðin Framtíðin okkar á Húsavík og mun hún standa fram til 19. þessa mánaðar. Markmið hátíðarinnar eru fjölþætt en snúa meðal annars að því að hvetja til virkrar þátttöku barna í samfélaginu, gefa sjónarmiðum barna um bæinn sitt gildi, gera Húsavík að betri stað fyrir fjölskyldur, hlúa að sköpunargáfu barna, efla vísindalega og listræna færni, svo sem hönnun, smíði og málun og ekki síst að skapa vitund um umhverfisáskoranir í nærumhverfinu í bænum. Hátíðin er styrkt af Barnamenningarsjóði, Sóknaráætlun Norðurlands eystra og Barna og menningarmálaráðuneytinu . Hagsmunasamtök barna á Húsavík og STEM Húsavík standa að viðburðinum.
Vinnan hófst í skólunum
Karen Erludóttir er verkefnastjóri hátíðarinnar en hún segir í samtali við Vikublaðið að fyrsti áfangi verði verkefnavinna barna í skólum Húsavíkur en sú vinna hófst í vikunni.
„Fyrstu vikuna fyrir sjálfa hátíðina verða verkefni unnin í skólunum, þ.e. Borgarhólsskóla og Grænuvellum og svo verða þau með smiðjur helgina eftir. Alls sex smiðjur þar sem krakkarnir eiga á einn eða annan hátt að hugsa hvernig þau vilja að Húsavík sé í framtíðinni. Hvað vilja þau að bæjarfélagið bjóði upp á. Hvað er gott hérna og hvað viljum við bæta. Hvað er það sem gerir gott samfélag og hvað viljum við taka út,“ útskýrir Karen.
Fá börnin til að skapa framtíðina
Yfirskrift hátíðarinnar er „Framtíðin okkar“ sem Karen segir að sé einskonar regnhlífarhátíð. „Undir henni eru tvær minni hátíðir: Í fyrsta lagi sex smiðjur, sem hugsaðar eru fyrri 4-13 ára og svo hin vinkillin á hátíðinni er fyrir unglinga og verður í samstarfi við Draumaleikhúsið og Castor media. Þar eiga krakkarnir að velta því upp hvaða störf þau vilji að verði til í bænum í framtíðinni,“ útskýrir Karen og bætir við að landsbyggðin sé að missa alveg ótrúlega mikið af góðu og hæfu fólki, ekki bara af landsbyggðinni til höfuðborgarinnar heldur líka út úr landinu.
„Hvað getum við gert til að þessi störf verði í boði á Húsavík í framtíðinni? og hvað getum við gert til að krakkarnir geti upplifað drauma sína í sinni heimabyggð?,“ veltir Karen upp en þessar spurningar kjarna tilgang viðburðarins.
Vilja snúa við hættulegri byggðaþróun
„Þetta er bara staðan og þróunin heldur áfram í þessa átt ef ekkert er að gert. Ef við breytum þessu ekki núna þá eigum við bara eftir að horfa á eftir næstu kynslóðum til annarra staða. Við ætlum að leggja okkar af mörkum til að gera Húsavík eftirsóknarverða fyrri öll og ekki síst barnafjölskyldur,“ segir hún.
Þá bendir Karen á að síðan 1998 hafi fjöldi íbúa á svæði Norðurþings staðið nokkurn vegin í stað en aftur á móti hafi börnum á aldrinum 0-16 ára hins vegar fækkað um 12%. „Þannig að það eru miklu færri barnafjölskyldur að velja sér að búa hérna en var áður og við viljum snúa því til fyrri vega.
Hátíðinni lýkur með opnu húsi í Safnahúsinu á Húsavík þar sem börnin sýna afrakstur vinnu sinnar gestum og gangandi. Rúsínan í pylsuendanum er svo lokahóf í Safnahúsinu föstudaginn 19. september. „Þá ætlum við að grilla pylsur, verðum með plötusnúð og alls konar leiki. Bara almennilegt partý,“ segir Karen að lokum.
Nýjast
-
Börnin skapa framíðina
Barnamenningarhátíðin Framtíðin okkar á Húsavík -
Sterkt skólasamfélag á Akureyri, sameiginleg ábyrgð og framtíðarsýn
Síðustu misseri hefur verið mikil umræða um menntamál á Íslandi sem ég tel vera afar jákvætt og fagna mjög. Við getum öll verið sammála um að það sé nauðsynlegt að ígrunda reglulega hvað gengur vel og hvað má betur fara í menntamálum. Á Akureyri höfum við á undanförnum árum lagt mikla áherslu á að efla menntastofnanir okkar, allt frá fyrstu árum barna í leikskóla og áfram upp grunnskólagönguna. Þetta hefur ekki gerst af sjálfu sér. Þetta er árangur samstarfs foreldra, kennara, skólastjórnenda, starfsfólks og síðast en ekki síst þeirra sem taka ákvarðanir um fjármagn og forgangsröðun. -
Áætluð eyðsla 1,2 milljarður á ferðalagi um Norðurland
Samkvæmt skýrslu sem birst var á vef Ferðamálastofu í gær eyddu ferðamenn sem komu með easyJet til Akureyrar veturinn 2023-2024 eyddu 493 milljón krónum á ferðalögum um Norðurland. Miðað við sömu forsendur og voru notaðar í skýrslunni, má áætla að veturinn 2024-2025 hafi heildareyðslan verið ríflega 1200 milljónir króna. Þetta kemur fram í fréttatilkynningu sem Markaðsstofa Norðurlands sendi út í dag og lesa má hér að neðan. -
Áhöfnin á Húna ll heiðruð
Í tilefni þess að 20 ár eru liðin frá því að Húni II hóf að bjóða skólabörnum í siglingar, færði Heimir Örn Árnason, formaður bæjarráðs, áhöfn Húna köku í tilefni dagsins -
Formleg opnun hreinsistöðvar og 25 ára afmælishátíð Norðurorku
Norðurorka fagnar um þessar mundir 25 ára afmæli fyrirtækisins og af því tilefni verður margt um að vera á morgun laugardaginn, 13. september. -
Blóðbankabíllinn heimsækir Húsavík – gefðu blóð og bjargaðu lífi
Blóðbankabíllinn verður við Orkuna á Húsavík þriðjudaginn 16. september frá kl. 11:00 til 16:00. Þar gefst íbúum og gestum tækifæri til að leggja sitt af mörkum með því að gefa blóð og stuðla þannig að björgun mannslífa. -
Össur gefur málmiðnaðarbraut VMA góða gjöf
„Þetta er gríðarlegur og ómetanlegur stuðningur,“ segir Hörður Óskarsson, brautarstjóri málmiðnbrautar VMA, um gjöf stoðtækjafyrirtækisins Össurar í Reykjavík til brautarinnar á dögunum. Í henni voru m.a. svokallaðir rennslisplattar, stungustál, stungufjaðrir, fræsarar, sérstakir endafræsarar, verkfærahaldarar o.fl. -
Íslenska sjókonan - skapandi námskeið í Sigurhæðum
Tveggja daga námskeið verður haldið í Sigurhæðum á Akureyri um næstu helgi þar sem ímyndunaraflið fær að ráða för. 8-10 ára börn kafa ofan í sögu íslensku sjókonunnar, búa til persónur, sögur og ævintýri úr efni sem finnst í fjörunni. Í lok námskeiðsins verður haldin sýning á afrakstri barnanna fyrir foreldra, aðstandendur og gesti þar sem verk þeirra verða saman að spennandi og lifandi heild. Leiðbeinendur eru Marsibil Sól Þórarinsdóttir Blöndal og Salóme Bregt Hollanders en þær eru báðar útskrifaðar frá Listaháskóla Íslands og fæddar og uppaldar á Akureyri og í Eyjafirði. Þær hafa mikla reynslu af skapandi vinnu með börnum. -
Norðurorka - Afkastapróf á vinnsluholu í landi Ytri-Haga lofar góðu
Nýboruð vinnsluhola á Ytri-Haga var afkastaprófuð í dag. Í prófinu er holan loftblásin en við það léttist vatnssúlan þannig að vatnið rennur frá henni.