Auðveldur sigur Akureyrar gegn Stjörnunni
Akureyri Handboltafélag endurheimti annað sætið í N1- deild karla í handbolta í kvöld er liðið lagði Stjörnuna að velli með fimmtán marka mun, 36:21, í Íþróttahöllinni á Akureyri. Stjörnumenn geta þakkað markverði sínum, Svavari Má Ólafssyni, fyrir að tapa ekki stærra en Svavar átti mjög góðan leik í marki gestanna og varði 19 skot. Oddur Gretarsson átti stórleik fyrir heimamenn og skoraði 12 mörk, þar af 5 úr vítum.
Gestirnir byrjuðu reyndar leikinn ágætlega og höfðu frumkvæðið framan af leik. Heimamenn tóku þó fljótlega að síga framúr og höfðu átta marka forystu í hálfleik, 20:12.Seinni hálfleikurinn varð aldrei spennandi og Akureyri keyrði á lið Stjörnunnar sem varð hálf dofið þegar leið á hálfleikinn. Norðanmenn náðu mest sextán marka forystu í seinni hálfleik og auðveldur og þægilegur sigur norðanmanna staðreynd.
Oddur Gretarsson var sem fyrr segir atkvæðamestur í liði norðanmanna með 12 mörk, Geir Guðmundsson skoraði 6 mörk, Heimir Örn Árnason og Bergvin Gíslason skoruðu 5 mörk hver og Hörður Fannar Sigþórsson kom næstur með 4 mörk. Hörður Flóki Ólafsson varði 10 skot í marki Akureyrar og Hafþór Einarsson 7 skot.
Í liði Stjörnunnar voru þeir Þórólfur Níelsen og Tandri Konráðsson markahæstir með 4 mörk hvor og þeir Daníel Einarsson og Víglundur Þórsson komu næstir með 3 mörk hvor.
Akureyri er þar með komið með 20 stig í öðru sæti deildarinnar, fjórum stigum á eftir toppliði Hauka. Stjarnan er hins vegar í slæmum málum í næstneðsta sæti deildarinnar með sjö stig.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.