Árlega plöntusala Zontaklúbbs Akureyrar
Zontaklúbbur Akureyrar heldur sína árlegu og vinsælu plöntusölu sunnudaginn 17. maí í Zontahúsinu við Aðalstræti 54 Myndir Aðsendar
Zontaklúbbur Akureyrar heldur sína árlegu og vinsælu plöntusölu sunnudaginn 17. maí í Zontahúsinu við Aðalstræti 54. Salan verður opin frá klukkan 11 til 14 og þar gefst gestum kostur á að velja úr fjölbreyttu úrvali pottaplantna af ýmsum stærðum og gerðum. Allur ágóði rennur til styrktar verkefnum klúbbsins sem hafa það að markmiði að bæta líf og stöðu kvenna og stúlkna.
„Verkefni Zonta skipta miklu máli og hafa raunveruleg áhrif á líf fólks. Það er ómetanlegt að sjá hversu mörg vilja leggja hönd á plóg og styðja við þetta starf, til dæmis með því að koma á plöntusöluna,“ segir Þóra Ákadóttir, formaður fjáöflunarnefndar Zontaklúbbs Akureyrar.
Verkefni í nærsamfélaginu
Á síðustu árum hefur klúbburinn staðið að fjölbreyttum verkefnum. Þar má meðal má nefna stuðning við Aflið á Akureyri, sem aðstoðar þolendur kynferðis- og heimilisofbeldis og sinnir fræðslu og forvörnum. Klúbburinn hefur einnig staðið fyrir átaksverkefnum til fjáröflunar og vitundarvakningar, þar á meðal kertaverkefni þar sem friðarkerti voru tendruð til styrktar góðu málefni.
Zontaklúbbur Akureyrar hefur einnig lagt áherslu á menntun og aðlögun með verkefninu „Íslenska með Zonta“, þar sem erlendum konum býðst íslenskunám sem styrkir bæði tungumálakunnáttu og sjálfstraust. Þá hefur klúbburinn hvatt til aukinnar samfélagsþátttöku ungra kvenna með verkefnum sem tengjast lýðræði og kosningum, auk þess að standa að fræðsluviðburðum um jafnréttismál og áhrif ofbeldis.
Þá hafa báðir Zontaklúbbarnir á Akureyri ásamt klúbbi Soroptomista og Feministafélags Menntaskólans á Akureyri skipulagt fyrirlestra í hádeginu á alþjóðlegum baráttudegi kvenna undanfarin ár. Síðastliðin 8. mars var boðið upp á kynningu á niðurstöðum rannsóknar sem skoðaði ósýnilega vinnu innan heimilisins og hvort sú vinna ásamt streituálagi hafi áhrif á hugræna getu.
Plöntusalan er því ekki aðeins tækifæri til að fegra heimili og garða, heldur einnig til að styðja við mikilvægt samfélagsstarf sem hefur bein áhrif á líf fólks í nærsamfélaginu.
Nýjast
-
Árlega plöntusala Zontaklúbbs Akureyrar
Zontaklúbbur Akureyrar heldur sína árlegu og vinsælu plöntusölu sunnudaginn 17. maí í Zontahúsinu við Aðalstræti 54. Salan verður opin frá klukkan 11 til 14 og þar gefst gestum kostur á að velja úr fjölbreyttu úrvali pottaplantna af ýmsum stærðum og gerðum. Allur ágóði rennur til styrktar verkefnum klúbbsins sem hafa það að markmiði að bæta líf og stöðu kvenna og stúlkna. -
Samherji og atNorth styðja við stofnun ferðasjóðs fyrir börn í íþróttum á Eyjafjarðarsvæðinu
Samherji og atNorth styðja við stofnun nýs ferðasjóðs til að auðvelda börnum á Eyjafjarðarsvæðinu þátttöku í íþróttastarfi óháð efnahag og búsetu. Verkefnið er unnið í samstarfi við Íþróttabandalag Akureyrar og svæðisfulltrúa ÍSÍ á Norðurlandi eystra. -
Íþróttamannvirki - fjárfesting sem borgar sig
Kjartan Páll Þórarinsson og Rebekka Ásgeirsdóttir skrifa -
Einstök fyrirmynd með ríka arfleifð
Harpa Ásgeirsdóttir tilkynnti á dögunum að hún hefur lagt skóna á hilluna en hún hefur verið eitt helsta andlit kvennaknattspyrnu á Húsavík allt frá því að meistaraflokkur kvenna hjá Völsungi var endurreistur árið 2006. -
Flugskýli fyrir sjúkraflug tekið í notkun á Akureyrarflugvelli
„Við erum hér til að fagna mikilvægum áfanga – ekki bara fyrir Norlandair heldur fyrir alla sem koma að sjúkraflugi á Íslandi. Þetta flugskýli er ekki bara hús – það er hluti af keðju sem getur skipt sköpum fyrir líf og heilsu fólks,“ sagði Gunnar Rúnar Ólafsson slökkviliðsstjóri hjá Slökkviliði Akureyrar þegar glæsileg aðstaða fyrir sjúkraflug Norlandair var tekin í notkun í flugskýli 13 á Akureyrarflugvelli -
Samið um Eina með öllu til næstu þriggja ára
Akureyrarbær og Viðburðastofa Norðurlands, fyrir hönd Vina Akureyrar, hafa undirritað þriggja ára samning um framkvæmd fjölskylduhátíðarinnar Einnar með öllu. Með samningnum leggur Akureyrarbær til stuðning við hátíðina með það að markmiði að tryggja fjölbreytta og fjölskylduvæna dagskrá fyrir íbúa og gesti um verslunarmannahelgina. -
Fyrirmyndir
Ég held að ég geti fullyrt að nær öll okkar eigum eða höfum átt fyrirmyndir. Í upphafi lífsins eru það forráðamenn sem gegna því hlutverki. Þar mótast fyrstu viðhorfin, hegðunin og skilningur á heiminum. Eftir því sem börn eldast breytast fyrirmyndirnar. Þau tengjast starfsmönnum í leikskóla og skóla, þjálfurum í íþróttum og vinum. Forráðamenn hætta jafnvel á tímabili að vera „kúl“, en áhrif þeirra hverfa þó aldrei alveg. -
Varðveitum náttúruperlur Akureyrar
Náttúran er ein stærsta auðlind Akureyrar. Hér eru leirur, klettar, skógar, tjarnir og votlendissvæði sem skipta máli fyrir fuglalíf, útivist og lýðheilsu. En þessi svæði eru ekki sjálfgefin. Við höfum þegar misst eitt votlendissvæði og nú er mikilvægt að standa vörð um þau sem eftir eru -
Hreinn bær, fagur bær
Akureyrarbær hefur lengi verið þekktur fyrir fallegt umhverfi og góða ásýnd. Á undanförnum árum hefur þó sérstaklega vel tekist til í umhirðu bæjarins. Hreinar götur, snyrtileg opin svæði og fallegt bæjarlandslag skipta ekki aðeins máli fyrir ásýndina heldur hefur bein áhrif á lífsgæði íbúa, andlega líðan og upplifun þeirra sem sækja bæinn heim.
