Alls 90 nemendur útskrifast frá Sjúkraflutningaskólanum
Hluti útskriftarnema Sjúkraflutningaskólans.
Útskrift nemenda Sjúkraflutningaskólans fór fram við hátíðlega athöfn á Sjúkrahúsinu á Akureyri sl. föstudag. Að þessu sinni útskrifuðust 90 nemendur sem lokið höfðu almennu námskeiði í vettvangshjálp, sjúkraflutningum og neyðarflutningum. Liðin eru tíu ár frá því að Sjúkrahúsið á Akureyri tók við resktri skólans og er þetta mesti fjöldi útskriftarnemenda frá upphafi. Í ræðu skólastjóra, Hrafnhildar Lilju Jónsdóttur, var m.a. rakin starfsemi skólans á síðastliðnu skólaári og þar kom fram að starfsemin skólans var svipuð og árið áður en um 292 nemendur sóttu 22 námskeið á vegum Sjúkraflutningaskólans þennan starfsvetur. Þetta skólaár voru ekki aðeins grunn- og neyðarflutninganámskeið haldin með notkun streymis heldur var í fyrsta skipti boðið upp á námskeið í vettvangshjálp með þeirri tækni. Í streymi felst það að fyrirlestur er tekinn upp og sendur út á vefinn þannig að nemendur geta séð og heyrt fyrirlestra hvar og hvenær sem er. Nemendur sem kjósa að taka bóklega hluta námskeiða með þessum hætti mæta síðan í verklegar lotur, en fjöldi þeirra fer eftir tegund námskeiðs. Ávallt er leitast eftir að hafa þessa verklega kennslu sem næst nemendum en í vetur fór verkleg kennsla streymisnámskeiða fram á Akureyri, Selfossi, í Reykjanesbæ, Reykjavík, Hafnarfirði, Borgarfirði eystri og á Ísafirði. Það er samdóma álit að þessi tækni henti vel fyrir þá sem búa í dreifbýli eða sækja námið samhliða starfi.
Eftir afhendingu skírteina var öllum útskriftarnemendum óskað velgengni í starfi. Skólastjóri þakkaði öllum leiðbeinendum og öðrum sem að starfinu hafa komið kærlega fyrir vel unnin störf. Einnig fluttu ávörp Hildigunnur Svavarsdóttir formaður stjórnar skólans, Sigurður E. Sigurðsson umsjónarlæknir sjúkraflutninga á Norðausturlandi og Skjöldur Orri Skjaldarson nýútskrifaður sjúkraflutningamaður. Sellóskvísur frá Tónlistarskólanum á Akureyri fluttu sáu um tónlist upphafi athafnar, segir í fréttatilkynningu.
Nýjast
-
Getur þú bætt í þekkingarbrunn um íslenska náttúru?
Jóhann Helgi Stefánsson, sérfræðingur hjá Landi og skógi skrifar -
Kærkomin gjöf Hollvina SAk til endurhæfingardeildar
Hollvinir Sjúkrahússins á Akureyr hafa fært SAki enn eina mikilvæga gjöf – að þessu sinni til endurhæfingardeildar SAk. -
Zipline Akureyri gengur mjög vel
„Það hefur gengið mjög vel hjá okkur og samkvæmt þeim væntingum sem við höfðum,“ segir Jón Heiðar Rúnarsson sem ásamt Anitu Hafdísi Björnsdóttur rekur félagið Zipline Akureyri. Þau hófu starfsemi um mitt sumar árið 2022 og eru því á sínu fjórða sumri. Zipline Akureyri rekur ævintýra ferðaþjónustu í Glerárgili, er með alls fimm sviflínur þar sem farið er yfir Glerá. -
Ferðfólk sem sækir í kælifrí þykir svalt að koma til Akureyrar
Það er ansi heitt niður i Evrópu og hitamet sleginn eða við það að vera sleginn daglega má segja. Þeim hópi ferðafólks sem þykir norðanátt og rigning mjög eftirsóknarverð horfir í vaxandi mæli hingað ,,upp eftir" og er Akureyri svo dæmi sé tekið er efst á óskalista þeirra erlendu ferðalanga sem vilja komast í svalara loftslag. Óhætt er að fullyrða að þessi gerð af ferðafólki fengi helling fyrir sinn snúð á Akureyri í dag. -
Að byggja upp á Bakka
Hjálmar Bogi Hafliðason skrifar um atvinnuuppbyggingu á Bakka á Húsavík. -
Bíladagar
Dýrleif Skjóldal átti Lokaorðið í blaðinu s.l. fimmtudag. -
Dagsektir vegna umgengni við Hamragerði 15 ekki greiddar
Dagsektir sem lagðar voru á lóðahafa við Hamragerði 15 á Akureyri vegna umgengni á lóðinni hafa ekki verið greiddar en þær eru í innheimtu. Fjárnám hefur verið gert í eigninni og nauðungarsala hefur verið auglýst. Bílum innan lóðar hefur fækkað lítilega að undanförnu. -
Jóhann Páll heiðursdoktor við HA
Hug- og félagsvísindasvið Háskólans á Akureyri veitir Jóhanni Páli Árnasyni heiðursdoktorsnafnbót á sviði félagsvísinda næstkomandi mánudag, 30. júní -
Sérstakt ef beita þarf sveitarfélag þvingunarúrræðum til að fá fram tiltekt
Akureyrarbær hefur ekki brugðist við kröfu frá Heilbrigðisnefnd Norðurlands eystra um að hreinsa svæði við á lóð bæjarins við Krossanes. Alls eru 45 bílar í slæmu ástandi á lóðinni.
