Akureyri úr leik í bikarnum eftir naumt tap gegn FH
Akureyri Handboltafélag er úr leik í Eimsbikarkeppni karla í handbolta eftir eins marks tap gegn FH, 22:23, er liðin mættust í Höllinni í dag í 16- liða úrslitum keppninnar. FH hafði frumkvæðið allan leikinn og komst mest 8 mörkum yfir. Það var fyrst og fremst firnasterkur varnarleikur og góð markvarsla hjá Pálmari Péturssyni sem lagði grunninn að sigri FH en Pálmar átti stórleik og varði 23 skot í leiknum, þar af eitt vítakast.
Gestirnir byrjuðu af krafti og skoruðu fyrstu þrjú mörkin í leiknum. Heimamenn skoruðu aðeins tvö mörk á fyrstu 12. mínútum leiksins en mikið ráðaleysi var í sókn Akureyrar framan af leik. FH jók forystuna hægt og þétt og hafði sex marka forystu í hálfleik, 16:10.
Gestirnir byrjuðu seinni hálfleikinn líkt og þann fyrri og skoruðu fyrstu tvö mörkin og náðu átta marka forystu, 18:10, og útlitið svart fyrir heimamenn. Akureyri var þó langt frá því að játa sig sigraða í leiknum. Með sterkum varnarleik og góðri markvörslu hjá Herði Flóka Ólafssyni tókst heimamönnum að koma sér inn í leikinn á ný og minnkuðu muninn niður í tvö mörk, 19:21, þegar sjö mínútur voru eftir af leiknum. Norðanmenn náðu svo að minnka muninn niður í eitt mark, 22:23 þegar rúmlega mínúta var eftir af leiknum. Akureyri fékk svo tækifæri til þess að jafna leikinn á lokasekúndum leiksins en Pálmar Pétursson varði frá Jónatani Þór Magnússyni af löngu færi og tryggði FH sigurinn.
Afar svekkjandi tap fyrir heimamenn sem með hetjulegri baráttu náðu að koma sér inn í leikinn á ný sem virtist vera glataður og voru hársbreidd frá því að tryggja sér jafntefli.
Jónatan Þór Magnússon var markahæstur í liði Akureyrar með 6 mörk, þar af 2 úr víti. Þeir Hörður Fannar Sigþórsson, Heiðar Þór Aðalsteinsson og Árni Þór Sigtryggsson komu næstir með 3 mörk hver. Í marki heimamanna varði Hörður Flóki Ólafsson 16 skot og Hafþór Einarsson 1 skot.
Hjá FH var Ásbjörn Friðriksson markahæstur með 7 mörk, og þeir Bjarni Fritzon, Örn Ingi Bjarkarson og Ólafur Guðmundsson komu næstir með 4 mörk hver. Sem fyrr segir átti Pálmar Pétursson stórleik í marki gestanna og varði 23 skot.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.