Akureyri upp að vegg eftir fjórða tapið í röð
Akureyri tapaði sínum fjórða leik í röð í N1-deild karla í handbolta er liðið lá á heimvelli gegn HK í kvöld. Lokatölur í Höllinni urðu 24:22 fyrir HK. Akureyri er þar með komið upp að hinum margfræga vegg og verður nú að leggja Hauka að velli í lokaumferð deildarinnar á fimmtudaginn kemur til þess að vera öruggt um sæti í úrslitakeppninni. Sveinbjörn Pétursson reyndist sínum gömlu félögum erfiður í kvöld en hann varði 27 skot í leiknum fyrir HK, þar af 19 í fyrri hálfleik. Með sigrinum tryggðu HK- menn sér sæti í úrslitakeppninni.
HK- menn byrjuðu leikinn af krafti og komust í 5:1 þegar tíu mínútur voru liðnar af leiknum og höfðu fjögurra marka forystu í hálfleik, 13:9. Eftir afar dapran fyrri hálfeik byrjuðu norðanmenn seinni hálfleikinn ágætlega og minnkuðu muninn í 11:13. Það var svo átta mínútum fyrir leikslok að Akureyri náði að jafna leikinn í fysta skiptið í leiknum í stöðunni 20:20. Lokamínútur leiksins voru æsispennandi. Þegar tvær mínútur voru til leiksloka var staðan 23:22 fyrir HK og heimamenn í sókn. Árni Sigtryggsson átti þá skot í stöngina og HK- menn með pálman i höndunum. Eftir afar langa sókn náðu gestirnir að skora 24 markið þegar um 15 sekúndur voru eftir af leiknum og tveggja marka sigur í höfn.
Oddur Gretarsson var markahæstur í liði Akureyrar í leiknum með 9 mörk, þar af 4 úr vítum. Árni Þór Sigtryggsson skoraði 5 mörk, Guðmundur Hólmar Helgason 3 mörk og þeir Guðlaugur Arnarsson og Halldór Logi Árnason komu næstir með 2 mörk hvor. Hörður Flóki Ólafsson átti ágætan leik í marki Akureyrar og varði 16 skot.
Hjá HK var Atli Ævar Ingólfsson markahæstur með 7 mörk, Bjarki Már Gunnarsso skoraði 6 mörk og þeir Bjarki Már Elíasson og Valdimar Fannar Þórsson skoruðu 3 mörk hvor. Sem fyrr segir átti Sveinbjörn Pétursson stórleik í marki HK með 27 skot varin.
Þessi úrslit þýða það að Akureyri og FH munu bítast um síðasta lausa sætið í úrslitakeppninni. Akureyri er með 22 stig í fjórða sæti deildarinnar og mætir Haukum í lokaumferðinni. FH hefur 21 stig og mætir HK í lokaleiknum og því er það enn í höndum norðanmanna að tryggja sig inn í úrslitakeppnina.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.