Akureyrarvaka um helgina Líf og fjör um allan bæ
Mikið líf og fjör verður á Akureyrarvöku sem fer fram um dagana 29. til 30. ágúst
Mikið líf og fjör verður á Akureyrarvöku sem fer fram um dagana 29. til 30. ágúst. Ásthildur Sturludóttir, bæjarstjóri Akureyrarbæjar, setur hátíðina formlega á Rökkuró í Lystigarðinum kl. 21 á föstudagskvöldið.
Þar hefst helgin á hátíðlegum nótum og í kjölfarið tekur við fjölbreytt og spennandi dagskrá fyrir alla aldurshópa.
Meðal helstu viðburða má nefna Draugaslóð á Hamarskotstúni, endurkomu víkinganna á MA-túnið, Fuglakabarett í Hofi og að sjálfsögðu stórtónleika í Listagilinu. Þar stíga á stokk engir aðrir en Todmobile, Hjálmar, Birnir, Elín Hall, Strákurinn fákurinn og Skandall.
Þetta er aðeins brot af fjölbreyttri og metnaðarfullri dagskrá Akureyrarvöku 2025. Gestir hátíðarinnar eru hvattir til að kynna sér dagskrána í heild á akureyrarvaka.is.
„Dagskrá Akureyrarvöku verður einstaklega glæsileg með frábærum flytjendum á tónleikunum í Listagilinu auk fjölbreyttra og áhugaverðra viðburða sem verða í gangi um allan bæ yfir helgina,“ segir Jón Haukur Unnarsson, verkefnastjóri sumarhátíða hjá Akureyrarbæ á vefsíðu bæjarins.
Bakhjarlar Akureyrarvöku eru Centrum Hótel, Landsbankinn, Íslandsbanki, Kaldvík, Höldur og Hótel Akureyri.
Nýjast
-
Verja megninu af ferðalaginu á Norðurlandi
Hér fer á eftir stórmerkileg fréttatilkynning frá Markaðsstofu Norðurlands. -
Merkilegri saga en ég hefði getað ímyndað mér - segir Óskar Þór Halldórsson, höfundur nýrrar bókar um Akureyrarveikina
„Ástæðan fyrir því að ég réðst í að skrifa þessa bók er fyrst og fremst sú að mér fannst og hefur lengi fundist vanta að segja þessa sögu. Þetta er að mínu mati merkilegur kafli í sögu Akureyrar sem aldrei hefur að fullu verið sagður og jafnframt áhugaverður kafli í sögu heilbrigðismála í landinu. Í gegnum tíðina hef ég í grúski mínu rekist á eitt og annað í tengslum við Akureyrarveikina sem hefur vakið forvitni mína. Fyrir rúmum tveimur árum hugsaði ég sem svo að ef ætti að segja þessa sögu mætti ekki bíða lengur, mikilvægt væri að ná til fólks sem veiktist á sínum tíma og væri enn á meðal vor. Ég hélt því af stað í þessa óvissuför og er núna kominn í höfn. Þetta hefur verið gríðarlega áhugavert og ég hef komist að því að þessi saga er mun merkilegri og teygir anga sína mun víðar en ég hefði getað ímyndað mér,“ segir Óskar Þór Halldórsson um nýja bók sína um Akureyrarveikina. -
Ný sókn í menntamálum – tækifæri eða hliðarskref?
Grein Guðmundar Ara Sigurjónssonar, þingflokksformanns Samfylkingarinnar, um „nýja sókn í menntamálum“ í síðustu viku vakti athygli mína. Það er jákvætt að menntamál séu sett í forgrunn og rætt um sókn á þessu mikilvæga sviði. Til að hún verði að veruleika þarf hún þó að standa undir nafni, vera raunverulegt framfaraskref og umfram allt nægilega fjármögnuð. -
Akureyrarvaka um helgina Líf og fjör um allan bæ
Mikið líf og fjör verður á Akureyrarvöku sem fer fram um dagana 29. til 30. ágúst. -
Dáumst að forfeðrum þessa staðar
Ágætis aðsókn er yfir sumarmánuðina á Útgerðarminjasafnið á Grenivík. Talsvert fleiri komu við á safninu í júní miðað við sama mánuði í fyrra en svipaður fjöldi gesta sótti safnið heim í júlí. Veður hefur áhrif á aðsókn segir Björn Ingólfsson formaður stjórnar safnsins. -
Endurskoðun menntastefnu Akureyrarbæjar er hafin
Menntastefna Akureyrarbæjar frá árinu 2020 gildir út árið 2025. Nú er hafin vinna við endurskoðun stefnunnar og ber fræðslu- og lýðheilsuráð ábyrgð á þeirri vinnu í umboði bæjarstjórnar. Stýrihópur hefur verið skipaður og honum sett erindisbréf. -
Umhverfislistaverkið Sókn afhjúpað á Gömlu bryggju á Grenivík
Umhverfislistaverk var formlega afhjúpað á Gömlu bryggju á Grenivík í einmunablíðuá dögunum, hægviðri og hiti fór yfir 20 gráður. Afhjúpunin var í tengslum við árlega Grenivíkurgleði. -
Breyting á leiðakerfi SVA
Áætlun aukavagns á leið 6 (skólavagn) verður seinkað um 15 mínútur frá og með mánudeginum 1. september nk. Vagninn mun leggja af stað úr miðbæ kl. 07:55. Er þetta gert vegna þess að MA seinkaði byrjun skóladags núna, eins og VMA var búin að gera eða til kl. 08:30. -
120° / ÓMUR í Verksmiðjunni á Hjalteyri - Opnun nk. laugardag kl. 14
Á þessari sýningu verður frumflutt nýtt hljóðverk eftir Áka Ásgeirsson (1975) sem ber heitið 120°.