Akureyrarmótið í krullu hefst á mánudagskvöld
Nýtt fólk er ávallt velkomið á svellið og er krullufólk boðið og búið að hjálpa og leiðbeina nýliðum. Æfingatímar Krulludeildarinnar í Skautahöllinni á Akureyri eru á mánudögum kl. 20-22 og miðvikudögum kl. 21-23. Upplýsingar og fréttir af Akureyrarmótinu er að finna á vef Krulludeildar Skautafélags Akureyrar, http://www.curling.is/.
Krulla var fyrst leikin á Akureyri 1995 og var Krulludeild Skautafélags Akureyrar stofnuð 1996. Nýlega lést vestur í Washington-ríki í Bandaríkjunum í hárri elli Sophie Wallace, en upp úr 1990 hóf hún söfnunarátak til að gefa hingað búnað og koma íþróttinni af stað á Íslandi. Tilgangurinn var meðal annars að gera Íslendinga að 25. aðildarþjóð WCF, Alþjóða krullusambandinu, og koma krullunni þar með að sem keppnisgrein á Ólympíuleikunum. Krullufólk minnist hennar með þakklæti. Krulludeild SA stendur fyrir ýmsum mótum á veturna og endar keppnistímabilið með alþjóðlega mótinu Ice Cup um mánaðamótin apríl og maí. Krullufólk frá Akureyri hefur reglulega tekið þátt í mótum erlendis, meðal annars heimsmeistaramóti eldri leikmanna. Árið 2007 sendi Ísland í fyrsta skipti lið til þátttöku á Evrópumótinu. Núverandi Íslandsmeistarar munu taka þátt í Evrópumótinu sem fram fer í Aberdeen í Skotlandi 4.-12. desember.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.