Af fótafúnum ferðabílaeigendum og öðrum af sömu sort
Vilborg Gunnarsdóttir skrifar
Á sumrin held ég mikið til í Borgarfirði og fer þá gjarnan í kaupstaðaferð í Borgarnes þegar mig vantar aðföng.
Þar er jafnan mikil umferð ferðamanna sem koma við í Bónus og Nettó í sömu erindagerðum og ég. Ég verð hér að lýsa áhyggjum mínum af heilsufari ökumanna sem draga á eftir sér ferðavagna af öllum stærðum og gerðum, því svo virðist sem þeir gangi ekki heilir til skógar.
Þegar ég tók fyrst eftir þessu ákvað ég að rannsaka málið nánar og lagði á mig að fylgjast náið með þeim. Það sem þeir eiga fyrst og fremst sammerkt er að vera fótafúnir og eiga erfitt með gang. Þessa ályktun dreg ég af því að þeir aka á stóru bílunum sínum, með allt að þriggja herbergja „hús“ í eftirdragi inn á bílastæðin og leggja bókstaflega upp að dyrum. Skiptir þá engu hvort pláss er fyrir þá eða ekki; nei – hér kem ég og ætla að taka fimm til sex stæði takk. Og ástæðan getur ekki annað en verið heilsufarsleg því slíkan yfirgang sýnir ekki venjulegt fólk. Þessir vesalings ræflar þyrftu að fá stæðin merkt sér hið snarasta!
Bílastæði eða huggulegheit?
Rannsókn mín á þessu máli leiddi hugann að sérstöðu Íslendinga þegar kemur að bílum og bílastæðum. Um hríð sinnti ég skipulagsmálum á Akureyri og komst þá að því að hérlendis vill fólk hafa bílastæðin sín í minnst fimm metra fjarlægð frá útidyrunum. Í Skandinavíu var þessu aðeins öðruvísi farið en þar virtist fólki nægja að hafa sameiginleg bílastæði í hæfilegri fjarlægð því þeir vildu frekar nýta lóð næst húsinu í eitthvað meira „huggulegt“. Núna keppast þeir sem skipuleggja Höfuðborgina við að skera bílstæðafjölda niður í helst ekki neitt.
Og hver kannast ekki við umræðuna um bílastæði í miðbæjum. Kaupmenn kvarta undan fáum bílastæðum og bílstjórar háum bílastæðagjöldum. Þetta er svolítið íslenskt því erlendis greiða menn víða gjald fyrir það eitt að aka inn í miðbæi og gera alls ekki ráð fyrir að geta lagt þar.
En aftur að heilsufari ökumanna ferðavagna. Ég held að þetta sé tilvalið rannsóknarefni fyrir heilbrigðisvísindafólk. Er ástæðan líkamleg eða geta þeir einfaldlega ekki séð af kerrunum sínum nema í stutta stund og þurfa að hafa þær á stuttu færi? Hver veit?
Eitt er víst að ef ástæðan er heilsufarsleg þurfum við hin að leggjast á árar með þeim og krefjast þess að stæði næst inngangi verslana verði merkt þeim og sektum beitt, leggi aðrir í þau stæði. Annað væri hróplegt óréttlæti!
Höfundur er áhugamaður um almenna velsæld og hamingju.
Nýjast
-
Niðurstöður aðalfundar Kaldbaks ehf
Aðalfundur Kaldbaks ehf. fór fram fimmtudaginn 21. ágúst. Þar var ársreikningur félagsins fyrir árið 2024 samþykktur. Í tölunum má sjá að rekstur félagsins gekk vel á árinu og afkomu- sem og eignaþróun endurspeglar sterka fjárhagsstöðu Kaldbaks. Hagnaður samstæðu Kaldbaks nam rúmum 2,3 milljörðum króna og eigið fé stóð í 36 milljörðum við árslok. Árið áður nam hagnaður samstæðunnar um 9,5 milljarði en á því ári innleysti félagið um 7 milljarða söluhagnað af eignum sínum. -
Er kominn tími til að láta endurmeta brunabótamatið á þínu húsnæði?
Samkvæmt lögum ber að brunatryggja öll hús á Íslandi og er tryggingaupphæðin byggð á brunabótamati hússins, en mikilvægt er að fylgjast með brunabótamatinu. -
Stjórn Hafnasamlags Norðurlands lýsir yfir miklum vonbrigðum með aflögn strandsiglinga
Á fundi stjórnar Hafnasamlags Norðurlands á dögunum var sú ákvörðun forsvarsmanna Eimskipa að legga niður strandsiglinar til umræðu. -
Afhjúpa líkan af síðutogaranum Harðbak EA
Líkan af síðutogaranum Harðbak EA 3 verður afhjúpað við hátíðlega athöfn nyrst á Torfunefsbryggju á laugardag, 30. ágúst kl. 14. Fyrrum sjómenn á ÚA togurum stóðu fyrir gerð þess, en það smíðaði Elvar Þór Antonsson líkt og fimm önnur líkön sem fyrrverandi togararajaxlar hafa látið smíða af skipum sem gerð voru út af Útgerðarfélagi Akureyringar í áranna rás. -
Eyrarpúkar bjóða til veislu á morgun laugardag
Eyrarfest er ný hverfishátíð á Oddeyrinni, en hún verður haldin hátíðleg á laugardaginn kemur, 30. ágúst. Dagurinn byrjar með fróðlegri gönguferð um Eyrina með Arnóri Blika Hallmundssyni, en mæting er kl. 11.00 á Eiðisvöll. -
Af fótafúnum ferðabílaeigendum og öðrum af sömu sort
Á sumrin held ég mikið til í Borgarfirði og fer þá gjarnan í kaupstaðaferð í Borgarnes þegar mig vantar aðföng. -
Norðangarri býður upp á Landablöndu
Tónlistarhópurinn Norðangarri heldur þrenna tónleika á Norðausturlandi um helgina, 29.-31. ágúst. -
Minningarathöfn í tilefni 150 ára afmælis íslenskra landflutninga til Kanada
Haldin verður hátíðleg minningarathöfn í tilefni 150 ára afmælis íslenskra landflutninga til Kanada á Minjasafninu á Akureyri á laugardag, 30. ágúst frá kl. 13:00 til 14:30. -
Starfslok eftir um 40 ár í umönnun
Þær Sigrún Geirsdóttir og Helga Ingólfsdóttir hafa átt farsælan feril í starfi á hjúkrunarheimilum.