Aðgerðaráætlun vegna ofbeldis á heimilum og kynferðislegs ofbeldis kynnt

Guðrún Sigurðardóttir framkvæmdastjóri fjölskyldudeildar, Katrín Björg Ríkarðsdóttir framkvæmdastjóri samfélags- og mannréttindadeildar og Margrét Guðjónsdóttir framkvæmdastjóri HAK kynntu drög að endurskoðaðri aðgerðaráætlun Akureyrarbæjar vegna ofbeldis á heimilum og kynferðislegs ofbeldis, á fundi félagsmálaráðs í vikunni.

Farið var yfir áætlunina og einstök markmið og verkefni rædd. Félagsmálaráð samþykkti að drög að aðgerðaráætlun gegn ofbeldi verði send til þeirra deilda sem málið varðar með þeim breytingum sem fram komu á fundinum. Óskað er eftir athugasemdum við aðgerðaráætlunina fyrir 15. desember nk. Á sama fundi samþykkti félagsmálaráð styrkveitingu að upphæð 300 þúsund krónur til Aflsins, systursamtaka Stígamóta.

Nýjast