Aðalfundur Norðurorku hf. reksturinn gekk vel árið 2025
Aðalfundur Norðurorku hf. 2026. F.v.: Ásthildur Sturludóttir Akureyrarbær, Finnur Yngvi Kristinsson Eyjafjarðarsveit, Gísli Gunnar Oddgeirsson Grýtubakkahrepp, Anna Karen Úlfarsdóttir, Svalbarðsstrandarhrepp og Knútur Emil Jónasson, Þingeyjarsveit Mynd: Axel Þórhallsson
Aðalfundur Norðurorku hf. var haldinn fyrr í dag, 20. apríl 2026. Eigendur félagsins eru sex sveitarfélög, Akureyrarbær, Eyjafjarðarsveit, Grýtubakkahreppur, Hörgársveit, Svalbarðsstrandarhreppur og Þingeyjarsveit.
Rekstur Norðurorku gekk vel á árinu 2025. Ársvelta samstæðunnar var tæplega 6 milljarðar króna og eigið fé er tæplega 11,8 milljarðar króna. Á aðalfundinum í dag var ákveðið að ekki verði greiddur arður af hlutafé. Samstæðureikningur samanstendur af rekstri Norðurorku og dótturfélagsins Fallorku ehf. auk áhrifa frá hlutdeildarfélögunum Tengir hf. og NORAK ehf.
Eiginfjárhlutfall samstæðunnar er 54,7% og veltufé frá rekstri er 2.065 milljónir króna. Hagnaður ársins var 887 milljónir króna en handbært fé í árslok 348 milljónir króna. Tekin voru ný lán á árinu að upphæð 300 milljónir króna. Langtímaskuldir í árslok voru rúmlega 8,5 milljarðar króna.
Til fjárfestinga samstæðunnar í endurbótum á kerfum og til nýframkvæmda var varið rúmlega 2 milljörðum króna. Miðað við fjárfestingar ársins þá vantar talsvert upp á það að handbært fé frá rekstri standi undir fjárfestingum. Það bil, og meira til, þarf að brúa með lánsfé. Miklar framkvæmdir eru á starfssvæði Norðurorku og eru fjárfestingar móðurfélagsins, horft til næstu sex ára, áætlaðar tæplega 8,7 milljarðar króna.
Notkun á heitu vatni hefur aukist umtalsvert undanfarin ár, en þó dróst hún saman árið 2025 sem skýra má meðal annars með mildu veðurfari á árinu. Einnig gæti vitundarvakningin Hitamál, þar sem minnt er á mikilvægi ábyrgrar orkunotkunar haft áhrif til góðs. Vægi jarðhitaleitar er því mikið í starfsemi Norðurorku. Vorið 2025 var boruð vinnsluhola í Ólafsfirði, sem því miður skilaði ekki tilætluðum árangri. Borinn var fluttur að Ytri Haga á Árskógsströnd og tæplega 1500 metra vinnsluhola boruð. Fljótt kom í ljós að vel hafði tekist til og stefnt er að því að sú hola verði komin í nýtingu haustið 2027. Hún mun stuðla að því að Norðurorka geti betur tryggt samfélaginu áreiðanlegri hitaveitu um ókomin ár. Áfram er þó mikilvægt að minna á mikilvægi þess að fara sparlega með heita vatnið.
Í stjórn Norðurorku voru kjörin þau Geir Kristinn Aðalsteinsson, Heimir Örn Árnason, Hilda Jana Gísladóttir, Hlynur Jóhannsson og Sóley Björk Stefánsdóttir. Í varastjórn voru kjörin Inga Dís Sigurðardóttir, Jana Salóme Ingibjargar Jósepsdóttir, Sindri Kristjánsson, Víðir Benediktsson og Þórhallur Harðarson.
Þetta segir í tilkynningur frá félaginu.
Nýjast
-
Aðalfundur Norðurorku hf. reksturinn gekk vel árið 2025
Aðalfundur Norðurorku hf. var haldinn fyrr í dag, 20. apríl 2026. Eigendur félagsins eru sex sveitarfélög, Akureyrarbær, Eyjafjarðarsveit, Grýtubakkahreppur, Hörgársveit, Svalbarðsstrandarhreppur og Þingeyjarsveit. -
Vilji til að efla samstarf Framsýnar og Einingar Iðju
Forystuhrúturinn Moli sem býr í góðu yfirlæti í fjárhúsinu Grobbholti ofan Húsavíkur hefur nú unnið sér það til frægðar að mynd af honum hefur verið prentuð á boli. Þeir eru væntanlegir til landsins með vorinu og verða seldir í minjagripabúðum og söluskálum hér og þar um landið. Án efa eiga þeir eftir að vekja mikla athygli. -
Frábær mæting á Matarmenningarhátíð Einingar Iðju
Á dögunum bauð Eining-Iðja félagsmönnum sínum á Matarmenningarhátíð í HOFI þar sem félagsmenn frá 12 ólíkum löndum buðu upp á smakk á mat frá sínu heimalandi. -
Frá sigri mannsandans yfir í neyðarástand
,,Ég held ég muni aldrei upplifa þvílíkan sigur mannsandans eins og byggingu þessa hælis “ sagði Guðmundur Björnson landlæknir við vígsluathöfn Kristneshælis 1. nóvember 1927. -
Lyfjaskammtarar í heimahjúkrun hafa sannað gildi sitt
Sjálfvirkir Evandos lyfjaskammtarar í heimahjúkrun hafa verið notaðir hjá Heilbrigðisstofnun Norðurlands, HSN með góðum árangri allt frá árinu 2022. Lyfjaskammtarar styðja við sjálfstæða og lengri búsetu fólks í heimahúsum og hafa sýnt að þeir bæta gæði þjónustu og tryggja einstaklingum örugga og rétta lyfjagjöf á tilsettum tíma. -
Lokaorðið - Til hvers eru vinir?
Í gegnum lífið hef ég kynnst ógrynni af fólki. Stórt, lítið, ungt, gamalt, erlent og innlent fólk hefur ratað inn í líf mitt og sett á það mark. Sumir hafa fylgt mér lengi og aðrir skemur en eiga örugglega eftir að teljast til vina minna um ókomin ár. Á sama hátt og þetta fólk hefur nært mig með vináttu sinni hef ég reynt að gera mitt besta til að endurgjalda það. Einn vinur okkar hjóna kom að máli við manninn minn um daginn. Hann sagði ,, Tryggvi Gunnarsson var að skrifa um mömmu sína í blaðið, getur þú ekki beðið Dillu að skrifa um mig?” -
Svæðisskipulagsnefnd Eyjafjarðar skorar á Vegagerðin að flýta framkvæmdum við hringtorg við Eyjafjarðarbraut eystri
„Fólk er í stórhættu þarna nánast alla daga. Við erum afskaplega óhress með hversu aftarlega í röðinni þessi framkvæmd er og teljum öll rök með því að hefjast handa sem allra fyrst,“ segir Hermann Ingi Gunnarsson oddviti Eyjafjarðarsveitar. -
Sterkari Háskóli, sterkari Akureyri!
Háskólinn á Akureyri er einn sterkasti hornsteinn samfélagsins okkar. Háskólinn hefur ekki aðeins byggt upp öflugt mennta- og rannsóknarumhverfi, heldur hefur hann einnig laðað að fólk til búsetu, styrkt atvinnulíf og aukið fjölbreytni í samfélaginu. -
50 ára afmælisleikar Andrésar andar leikanna á Akureyri - Keppendur hafa aldrei verið fleiri
50. Andrésar andar leikarnir í skíðaíþróttum verða haldnir af Skíðafélagi Akureyrar (SKA) í Hlíðarfjalli við Akureyri dagana 22.-25. apríl 2026
