23 smitaðir á Akureyri
Smitum af Covid-19 fer fjölgandi á Akureyri.
Tuttugu og þrír eru smitaðir af kórónuveirunni á Akureyri. Yfirlæknir heilsugæslunnar þar segir greinilega fjölgun smita milli vikna. Tveir hafa verið lagðir inn á sjúkrahúsið á Akureyri vegna veirunnar en eru útskrifaðir. Frá þessu er greint á vef Rúv. Smitum hefur fjölgað töluvert frá því í gær þegar 22 voru smitaðir á öllu Norðurlandi eystra.
Jón Torfi Halldórsson yfirlæknir heilsugæslunnar á Akureyri segir í samtali við Rúv að 256 sýni hafi verið tekin á stöðinni, 22 af þeim hafa verið jákvæð eða 8,6%. Hann segir 36% smitaðra hafa verið í sóttkví við greiningu. Tvær vikur eru frá fyrsta smiti á Akureyri og Jón Torfi segir greinilegt að smitum fjölgar milli vikna. Sýnataka hafi líka farið stigvaxandi, nú séu að jafnaði tekin 20-40 sýni á dag sem sé mikið miðað við höfðatölu, þó sýnin séu færri en í Reykjavík.
Hann segir ekki ástæðu til að ætla að smit séu útbreidd í bænum en það sé alveg ljóst að ekki sé búið að finna alla smitaða, því gildi að fara að ráðleggingum sóttvarnalæknis. Nemendur og starfsfólk Hlíðarskóla hefur verið sett í sóttkví eftir að starfsmaður greindist en samkvæmt upplýsingum frá Akureyrarbæ er það eini skólinn sem hefur verið lokað. Tveir hafa verið lagðir inn á sjúkrahúsið á Akureyri vegna veirunnar en báðir eru útskrifaðir. Einn er inniliggjandi núna á meðan beðið er eftir niðurstöðum úr sýnatöku.
Nýjast
-
Leikfélag Hörgdæla setur upp glæpsamlega gamanleikinn Átta konur
Leikfélag Hörgdæla frumsýnir glæpsamlega gamanleikinn Átta konur, eftir Robert Thomas á Melum í Hörgársveit í kvöld, fimmtudagkvöldið 5. mars kl. 20. Mikið er um söngva og dans í verkinu. „Þetta hefur verið virkilega skemmtilegt ferli og ég hef sjaldan, ef nokkurn tíma hlegið svona mikið á einu æfingaferli. Leikhópurinn er stórkostlegur og það er unun að fylgjast með allri þessari leikgleði. Það er ekki annað hægt en að skemmta sér með hópnum,“ segir Kolbrún Lilja Guðnadóttir leikstjóri. -
Samningur um velferðar-, fræðslu- og frístundaþjónustu
Bæjarstjórn samþykkti samning Akureyrarbæjar við Eyjafjarðarsveit, Hörgársveit, Grýtubakkahrepp og Svalbarðsstrandarhrepp um velferðar-, fræðslu- og frístundaþjónustu með 11 samhljóða atkvæðum á fundi sínum s.l. þriðjudag og vísaði honum til seinni umræðu í bæjarstjórn. -
KEA gerist bakhjarl Driftar EA
KEA og Drift EA hafa gert með sér samkomulag sem miðar að því að efla frumkvöðlastarf, nýsköpun og uppbyggingu nýrra fyrirtækja á Norðurlandi. Með samkomulaginu gerist KEA bakhjarl Driftar EA og tekur þar með virkan þátt í að styrkja stuðningsumhverfi sprota- og vaxtafyrirtækja á Eyjafjarðarsvæðinu. Sterkir heimaaðilar koma nú saman að því að styðja við þessa mikilvægu umgjörð. -
VMA frábært samstarf við Húsheild-Hyrnu
Núna á vorönn er byggingadeild VMA í samstarfi við byggingaverktakann Húsheild-Hyrnu á Akureyri um að gefa nemendum innsýn í glugga- og hurðasmíði á afar vel búnu verkstæði fyrirtækisins. Nemendur á öðru ári hafa farið í heimsókn á verkstæðið, 3-5 í senn, og fengið að fylgjast með og taka þátt í að smíði glugga. Í þessu felst m.a. niðurefnun gluggaefnisins, stilling tölvustýrðs vélbúnaðar, fræsingar, samsetning, lökkun, glerjun og lamasetning -
Málefni Akureyrarflugvallar rædd í bæjarstjórn
Bæjarstjórn Akureyrar bókaði á fundi sínum í gær svohljóðandi áskorun til ríkisstjórnar Íslands um málefni Akureyrarflugvallar. -
Skaðræðishálka á götum og gangstéttum
Mikil hálka er nú á Akureyri, bæði á götum og gangstéttum. Aðstæður eru víða erfiðar og geta skapað hættu fyrir bæði gangandi vegfarendur og ökumenn. -
Ungmennaþing Barnaheilla um kynferðisofbeldi í nánum samböndum
Þriðja ungmennaþing Barnaheilla af sex verður haldið fimmtudaginn 5. mars í Menningarhúsinu Hofi, kl. 09:00 – 11:30. -
Kristnesspítali - Grunur um myglu
Vegna gruns um myglu og einkenna starfsfólks var Eflu verkfræðistofu falið að taka sýni í húsnæði SAk á Kristnesi. -
Háskólinn á Akureyri leiðir nýtt stórt verkefni um framtíð ferðaþjónustufyrirtækja
Háskólinn á Akureyri leiðir nýtt alþjóðlegt samstarfsverkefni, Next GEN Tourism, sem hlotið hefur 250.000 evra styrk úr Erasmus+ áætluninni til næstu tveggja ára. Verkefnið miðar að því að styrkja getu og þekkingu lítilla og meðalstórra ferðaþjónustufyrirtækja til að takast á við kynslóðaskipti og tryggja áframhaldandi rekstur þeirra til framtíðar. Verkefnastjóri er Verena Karlsdóttir, lektor hjá Viðskiptadeild.
