Vildi leggja sitt af mörkum
Díana Björk Friðriksdóttir.
Díana Björk Friðriksdóttir er fædd og uppalin á Dalvík. Hún vinnur á leikskólanum Krílakoti og er að læra leikskólakennarann við Háskólann á Akureyri. Díana fór í skiptinám á vegum AFS til Noregs árið 2016-2017. Eftir heimkomu úr skiptináminu ákvað hún fljótt að flytja sjálf aftur til Noregs og klára menntaskólann með norskum vinum sínum. Í dag situr hún í stjórn skiptinemasamtakanna AFS og er formaður Norðurlandsdeildarinnar.
Díana segir AFS hafa gefið sér margt en fyrst og fremst gleði, ánægju og tækifæri. Hún segir að upplifun sín á skiptináminu hafi verið mjög góð vegna þess hve oft skiptinemarnir á svæðinu hittust. „Ég hugsaði með mér að mig langaði að gera starfið svona heima á Íslandi. Mig langar að krakkar sem koma til Íslands og þá sérstaklega hingað norður, fái að hittast reglulega og gera eitthvað saman.“
Jólahefðir
Díana fer á jólatónleika á ári hverju og finnst skrítið ef útaf bregður. Þá hefur fjölskyldan líka haldið í þá hefð að hittast og skera í laufabrauð og steikja það saman. Auk þess er hún dugleg að baka smákökur og skreyta. Díana segir jólin úti hafa verið mjög svipuð og hér, jólatréð var skreytt, jólaljósin sett upp, gengið í kringum jólatréð og litlujólin haldin í skólanum. „Maður býst einhvern veginn alltaf við því að það sem maður gerir sjálfur sé gert annars staðar,“ Segir Díana. Hún komst fljótt að því að margar hefðir eru ekki eins þar og hér.
Snemmbúin jól
Jólamaturinn í Noregi kom Díönu á óvart. Þar er hefð fyrir því að borða Lutefisk eða lútfisk á jólunum. Lútfiskur er gerður úr harðfiski sem er vatnsmettaður og lagður í lút og segir Díana það vera herramannsmat á jólunum. Þá segir hún það hafa verið skrítið að jólin voru hringd inn klukkan 4. „Ég hélt það væri tímamismunurinn en áttaði mig svo á því að það passar ekki.“ Það kom Díönu einnig á óvart hversu lítið var skotið upp á áramótunum og man hún eftir að hafa hugsað að Norðmenn væru að missa af miklu. Þá nefnir hún líka að í stað áramótaskaups sé það mikil hefð að horfa á bíómyndina Tre notter til Akepott ár hvert.
Tilfinningarússíbani
„Besta ráðið sem ég get gefið skiptinemum er að tala við fósturfjölskylduna og segja henni hvernig jólin eru heima og spyrja sömuleiðis hvernig allt er hjá þeim, áður en hátíðin gengur í garð.“
Hún segir skiptinema þurfa að vera með opinn huga því þessi tími geti verið erfiður. Díana telur jafnframt að AFS á Íslandi undirbúi skiptinemana vel undir tilfinningarússíbanann sem fylgt getur jólahátíðinni.
Díana segist hafa stytt sér stundir í kringum jólahátíðina með því að fá sendingar heiman frá með hráefnum í lakkrístoppa. Með því hafi hún getað komið með sitt líf líka inn í líf heimamanna.
Greinin birtist fyrst í Jólablaði Vikublaðsins sem unnið var af nemendum í fjölmiðlafræði við HA.
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir