Þakklátur fyrir lífið og góðu heilsu
Þröstur með góðum hluta fjölskyldunnar í Flatey á góðri stundu
Þröstur Friðfinnsson sveitarstjóri í Grenivík fagnaði 60 ára afmæli á dögunum. Þröstur hefur verið sveitarstjóri í sjö ár og kann vel við sig í Grýtubakkahreppi. Vikublaðið fékk hina hliðina af Þresti sem er Norðlendingur vikunnar.
-Til hamingju með stórafmælið um daginn. Ertu búinn að halda vel upp á stóra daginn?
„Takk fyrir. Ekkert varð úr utanferð, en ég átti algerlega frábæran dag með nánustu fjölskyldu út í Flatey á Skjálfanda. Stefán Guðmundsson og hans fólk hjá Gentle Giants á Húsavík sáu um ferðir og veisluföng svo ekki verður betur gert.“
-Hvað kemur upp í hugann á svona tímamótum?
„Það er nú kannski helst þakklæti. Fyrir góða heilsu og lífið almennt.“
-Hvað er annars helst að frétta úr Grenivík?„
Fyrir utan góða veðrið í sumar, er það helst að hér ríkir meiri bjartsýni á framtíðina, uppbygging í atvinnumálum framundan sem mun vonandi ganga vel og styrkja samfélagið og búsetu til lengri tíma.“
-Hvaðan ertu?
„Frá Húsavík.“
-Hvernig er dæmigerður dagur hjá þér í lífi og starfi?
„Ég er orðinn það fullorðinn að ég vakna yfirleitt frekar snemma. Oft upp úr kl. 6. Renni yfir fréttamiðla og Facebook, síðan kemur morgunsturtan, en í henni hugsa ég og hugmyndir fæðast. Vatnið hefur góð áhrif á hugann og örvar sellurnar. Svo er vinnan, hún er mjög fjölbreytt, flest sem getur komið á borð sveitarstjóra. Fleiri daga en færri eru einhverjir fundir, vinnudagurinn byrjar um kl. 8 og endist mislangt fram eftir, oft fram undir kvöldmat og stundum lengur. Svo er oftast rólegt yfir mér fyrir framan sjónvarpið þegar kemur fram á kvöld. Sundferð síðdegis ef tími er til og veður gott.“
-Fjölskylduhagir?
„Giftur Elínu Sigurðardóttur, eigum alls 4 börn og barnabörnin eru orðin 6.“
-Helstu áhugamál?
„Íþróttir, útivist, tónlist, veiði og ferðalög.“
-Hvað gerðirðu í sumarfríinu?
„Fórum bara styttri ferðir innanlands, gengum í Stórurð og að eldgosinu, hvort tveggja magnað, reyndi að sinna golfinu aðeins og svo fjölskyldunni.“
-Áttu þér uppáhaldslið í enska boltanum?
„Nei, en finnst gaman að horfa á góðan bolta og Barcelona hefur verið lengi í uppáhaldi.“
-Hvert langar þig helst að ferðast í næstu utanlandsferð?
„Ætli það verði ekki Norður Ítalía. París er líka ofarlega.“
-Hvað borðarðu í morgunmat?
„Ég hef aldrei haft matalyst á morgnana, hef oftast sleppt morgunmat, allt frá því mamma streðaði við að koma einhverju í mig fyrir skóla þegar ég var krakki. Kaffi og súkkulaði um helgar.“
-Hvaða sjónvarpsseríu mælirðu helst með?
„Skandinavískar og breskar glæpaseríur eru í uppáhaldi á heimilinu. Svo stendur gamla breska gamanserían Já ráðherra alltaf upp úr, ekki síst eftir að maður fór að kynnast stjórnsýslunni betur.“
-Hvað gerirðu til að slappa af?
„Heiti potturinn í sundlauginni okkar er frábær.“
-Hvaða tónlistarmaður eða hljómsveit er í mestu uppáhaldi hjá þér?
„Hlusta á mjög fjölbreytta tónlist, allt frá Oscar Peterson til Pink. Andrea Bocelli hefur lengi verið í uppáhaldi.“
-Hvernig er fullkomin helgi hjá þér?
„Það er nú kannski að fá barnabörnin í heimsókn og sigla með þau um Eyjafjörð. Eða fara með þau í silungsveiði. Golf og slökun í heita pottinum á eftir.“
-Hvað yrði fyrir valinu ef þú ætlar að gera vel við þig í mat og drykk?
„Nautalund og gott rauðvín.“
-Hvaða lag kemur þér í gírinn?
„Gírarnir eru mismunandi, Wonderful world með Louis Armstrong færir manni alltaf ákveðna stemmningu og vellíðan. Afrísk músík og frá Karíbahafseyjum kemur blóðinu á hreyfingu.“
-Stundarðu líkamsrækt?
„Ekki markvisst. Golf, gönguferðir og útivist halda manni í sæmilegu formi.“
-Uppáhaldsdrykkur?
„Kóka kóla.“
-Hvar sérðu þig eftir 10 ár?
„Ef heilsa helst góð, væri gaman að búa í heitara landi alla vega yfir vetrartímann, spila golf og kannski sigla milli strandbæja.“
-Ef þú þyrftir velja allt annan starfsframa, hver yrði hann?
„Sjórinn alltaf togað aðeins. Sigla með ferðamenn t.d. í hvalaskoðun væri áhugavert.“
-Hlustarðu á podcast og þá hvað helst?
„Ekki gert mikið af því.“
-Hvaða áttu helst eftir ógert?
„Fara holu í höggi.
Greinin birtist fyrst í prentútgáfu Vikublaðsins. Hægt er að tryggja sér áskrift með því að smella HÉR. Þannig stuðlar þú að öflugri fjölmiðlun á Norðausturlandi
/Þev
Nýjast
-
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi. -
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum
Athugasemdir