Kruðerí, kósýheit, kertaljós og knús
Aðventuröltið í Dalvíkurbyggð er hugguleg kvöldstund þar sem fólk gengur um bæinn og verslar við fyrirtæki í heimabyggð. Má segja að þessi hefð eigi rætur sínar að rekja allt aftur til 1994 en henni hefur verið haldið úti undir þeim formerkjum sem þekkist í dag frá árinu 2008.
Kertakvöld fyrsti vísir að aðventurölti
Segja má að ákveðin hefð í kring um aðventuna hafi fyrst byrjað árið 1994 með svokölluðum kertakvöldum sem María Snorradóttir, Heiða Símonardóttir og samstarfskonur þeirra í blómabúðinni Ilex stóðu fyrir. „Þá vorum við með rómantísk kvöld á aðventunni, kveikt á kertaljósum og alls konar tilboð í gangi.“
Þetta var gert tvisvar yfir aðventuna og gaf það fólki færi á að versla jólagjafir og eiga notalega stund. Kertakvöldin gáfu svo sannarlega tóninn fyrir það sem koma skyldi og þegar jólamarkaðshelgin hófst, tóku þær að sjálfsögðu þátt í henni.
Jólamarkaðshelgin
Júlíus Júlíusson, upphafsmaður jólamarkaðshelgarinnar.
Hin fyrirtækin í bænum fengu innblástur frá kertakvöldunum og árið 1997 ákvað Júlíus Júlíusson að setja á fót svokallaða jólamarkaðshelgi. Þá var búið að útvega bæjarbúum bækling sem innihélt lista yfir þau 21 fyrirtæki sem ætluðu að taka þátt. Áttu þeir sem vildu taka þátt í viðburðinum síðan að heimsækja a.m.k. tíu þessara fyrirtækja til að komast í pott og eiga möguleika á að vinna verðlaun sem fyrirtækin gáfu.
Fyrir þessa helgi höfðu flest öll fyrirtæki bæjarins sammælst um að taka á móti fólki og voru með tilboð á vörum og þjónustu. Markmiðið var „að efla heimamenn til að versla heima,“ nýta sér þá þjónustu sem fyrir var í bænum og styðja þannig við bakið á þeim. „Fyrst og fremst var markmiðið samt að búa til stemningu,“ segir Júlíus.
Jólamarkaðshelgin var haldin árin 1997 og 1998 en hefur ekki verið haldin sem slík eftir það. Hins vegar þurfti ekki meira til þess að fyrirtækjaeigendur áttuðu sig á hve hagstætt þetta gat verið og sömuleiðis ríkti mikil ánægja meðal bæjarbúa með þessa hefð.
Aðventuröltið
Árið 2008 tók handverkskonan Sigríður Guðmundsdóttir sig til og endurvakti þessa stemningu. Hún og fleiri handverkskonur og tengdu fyrirtæki sín með því að kveikja á kertum á milli þeirra og buðu fólk velkomið. Má segja að það sé fyrsta árið sem aðventuröltið fór af stað undir þeim formerkjum sem það er í dag.
Sigríður Guðmundsdóttir sem endurvakti fyrri hefðir og kom af stað aðventuröltinu árið 2008.
Á næstu árum fóru fleiri fyrirtæki að taka þátt og er þetta nú orðið að þeirri miklu hefð sem hún er í dag. Með henni var fólk hvatt til þess að fara út, skilja bílinn eftir heima og rölta um bæinn með fjölskyldu og vinum, eða eins og Júlíus segir, „í raun bara að hvetja fólk til að hittast.“ Júlíus vonar og trúir að hefðin sé komin til að vera, enda hefur fólk gaman af, en þjónustuaðilum fer fækkandi þannig að nú er mikilvægara en nokkru sinni fyrr að halda utan um hana.
Það hefur skapast hefð fyrir sameiginlegum markaði þar sem handverksfólk safnast saman og selja verk sín. Markaðurinn hefur verið haldinn í menningarhúsinu Bergi undanfarin ár. Aðventuröltið reynist frábær kynning og tækifæri fyrir ný fyrirtæki að koma sér á framfæri. Aðventurölti þessa árs var frestað til 9. desember en þegar þetta er skrifað var ekki ljóst hvort samkomutakmarkanir leyfðu framkvæmd þess.
Gott tækifæri fyrir fyrirtæki í heimabyggð
Sigríður Jódís Gunnarsdóttir, fyrirtækjarekandi á Dalvík, segir áhrif aðventuröltsins mjög jákvæð. Hún rekur ásamt fleiri konum gjafavöruverslunina og snyrti- og hárgreiðslustofuna Doríu. „Þetta er auðvitað mjög hvetjandi fyrir fólk til að versla í heimabyggð, flestir bjóða upp á afslætti og það skapast ákveðin stemning.“
Sigríður segir fyrsta aðventuröltið sem fyrirtækið tók þátt í hafa verið ákveðinn vendipunkt og komið því betur á kortið. Hún segir líka jákvætt að sjá hve vel fyrirtækin vinni saman til þess að láta kvöldið ganga upp. Upplifun hennar af kvöldinu er því með eindæmum jákvæð.
AGB
Nýjast
-
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi.
Athugasemdir