Fyrstu lóðinni á Dysnesi úthlutað til Líforkuvers ehf
Fyrstu lóðinni á Dysnesi hefur verið úthlutað til Líforkuvers ehf. Fyrirhugað er að á henni byggist upp líforkuver en það verkefni á sér langan aðdraganda. Kristín Helga Schiöth framkvæmdastjóri Líforkuvers segir vonir standi til þess að það megi raungerast á allra næstu árum. Um sé að ræða mikilvæga innviðauppbyggingu þar sem unnið verður úr lífrænum straumum í lokuðum kerfum, svo úr verði verðmæti í formi orkugjafa og jarðvegsbætis. Byggt er á hugmyndafræði hringrásarhagkerfisins, þar sem ekkert fer til spillis. Horft er til nágrannalanda okkar eftir fyrirmyndum og notast verður við þekkta tækni.
Verkefnið sér langa sögu, en upphaflega var unnið að því innan Vistorku á Akureyri og síðan tóku Samtök sveitarfélaga og atvinnuþróunar verkefnið upp á sína arma sem áhersluverkefni Sóknaráætlunar svæðisins. Félagið Líforkuver ehf. var þá stofnað um verkefnið í byrjun þessa árs, og að því standa fulltrúar stjórnvalda, sveitarfélaga og afurðastöðva. Í fyrsta fasa líforkuvers er horft til vinnslu á dýraleifum sem eiga sér engan góðan farveg hér á landi. Kristín Helga segir það algengan misskilning að brenna þurfi þetta efni og ekki megi flytja það til vinnslu, en í nágrannalöndum okkar sé efnið unnið á öruggan hátt án brennslu, með mölun, þrýstisæfingu og fituskiljun. Með því eru möguleg smitefni óvirkjuð og afurðir eru í formi hráfitu sem áfram má vinna í lífdísil til nýtingar á farartæki annars vegar, og kjötmjöls sem nýta má sem brennsluefni í stóriðju eða sem orkugjafi í hátæknibrennslu.
Horfa til framleiðslu lífgas
„Fyrir utan vinnslu á dýraleifum standa vonir til þess að á Dysnesi verði lífgasframleiðsla, þar sem áfram er horft til nágrannalanda okkar eftir fyrirmyndum, en lífgas (metan) er einn af þeim orkugjöfum sem við þurfum á að halda í orkuskiptunum sem við stöndum í. Horft er til samstarfs við landbúnað og bændur á svæðinu um nýtingu mykju til gasframleiðslu, þar sem afurðir eru í formi lífgass, koldíoxíðs og áburðar með hærra næringargildi og betra niðurbrot en mykjan í upphaflegu formi,“ segir hún.
Byggja upp græna innviði
„Með því að vinna úr ólíkum efnisstraumum á sama stað má ná fram hagkvæmni með samnýtingu tækjabúnaðar, starfsfólks og innviða, sem er mikilvægt í fámennu landi. Eins er mikilvægt að nýta þá sérþekkingu sem hefur byggst upp í landshlutanum, en samstarf ólíkra aðila hér á svæðinu er lykilatriði í verkefni sem þessu,“ segir Kristín Helga.
Meðal þeirra sem vinna nú að undirbúningi líforkuvers með einum eða öðrum hætti eru Eimur, SSNE, Vistorka, Ráðgjafamiðstöð landbúnaðarins, auk fjölda annarra innlendra og erlendra ráðgjafa. „Það er afar ánægjulegt að landeigendur sjái sömu tækifæri og við í því að byggja upp græna innviði á Dysnesi, sem munu verða mikilvægir atvinnulífi og uppbyggingu svæðisins, landbúnaði og matvælaframleiðslu og ekki síst fyrir losunarbókhald Íslands.“
Kristín Helga Schiöth framkvæmdastjóri Líforkuvers
Viðauki
Hafnasamlag Norðurlands keypti jörðina Gilsbakka árið 2010 og hluta af Syðri -Bakka árið 2015. Deiliskipulag fyrir svæðið var samþykkt árið 2015 og aðalskipulag sama ár. Fornleifaskráning var lokið árið 2020 og nú er verið að vinna að umhverfismati fyrir hafnarmannvirki á svæðinu.
Nýjast
-
Tvö ný fræðsluskilti í Grímsey
Í vikunni voru sett upp tvö skilti í Grímsey tengd Norðurstrandarleiðinni (e. Arctic Coast Way) sem greina annarsvegar frá eðli heimskautsbauganna og hinsvegar sögu Grímseyjar. -
Mærudagar á Húsavík fagna 30 ára afmæli með mikilli skemmtidagskrá
Í ár fagnar bæjarhátíðin Mærudagar á Húsavík sínu 30. afmæli með fjölbreyttri og spennandi skemmtidagskrá fyrir alla aldurshópa. -
Endurnýjun á dreifilögn í Reykjahverfi
Orkuveita Húsavíkur er í framkvæmdum en verið er að endurnýja dreifilögn hitaveitu á rúmlega 3 km kafla í Reykjahverfi frá Smiðjuteig að Skógum -
Ánægja með gott Listasumar 2024
Mikil og góð stemning var í Listagilinu síðasta laugardag þegar þar var haldið hið svokallaða Karnivala eða lokahátíð Listasumars 2024 -
Grunnskólinn á Raufarhöfn í yfirhalningu
Gengið hefur verið frá samningi við verktaka um að mála húsið -
Andrea Fáfnis Ólafs og Viðar Breiðfjörð með samsýningu á Mærudögum
Andrea Fáfnis Ólafs og Viðar Breiðfjörð halda samsýningu í Hlyn við Garðarsbraut yfir Mærudagana. Listamennirnir eiga bæði ættir og barnæsku að rekja til Húsavíkur. -
Aðalgeir Heiðar Karlsson - Minningarorð
Aðalgeir Heiðar Karlsson fæddist 1.október 1948 á Húsavík. Hann var sonur útgerðarhjónanna Heru Sigurgeirsdóttur f. 22. maí 1916, d. 8. ágúst 1999 og Karls Óskars Aðalsteinssonar, f. 8. maí 1912, d. 24. jan. 1982. Aðalgeir var yngstur fimm systkina sem eru í aldursröð: Sigurbjörg Guðrún, f. 6. feb. 1935, d. 26. maí 2019, Sigrún Ólöf f. 22. jan. 1937, Aðalsteinn Pétur f. 27. okt. 1943, d. 15. júlí 2008 og Óskar Eydal f. 27. nóv. 1944, d. 14. apríl 2017. Karl Óskar Geirsson f. 28. nóv. 1955, sonur Sigrúnar, ólst einnig upp í Höfða og var alltaf eins og einn af systkinunum. Alli var af mikilli sjómannaætt en var mjög lítið á sjó en vann landvinnu. Hann var snöggur til að ráða sig til vinnu þegar Norðurverk hóf störf við gerð Laxárvirkjunar 3 og vann þar fram að verklokum sem bílstjóri á borbíl og sem sprengju sérfræðingur. Við Laxárvirkjun kynnist hann eftirlifandi eiginkonu sinni, Guðnýju Heiðveigu Gestsdóttur, f. 13.júní 1952. Guðný er fædd og uppalin í Múla í Aðaldal, foreldrar hennar voru Heiðveig Sörensdóttir, f. 6.maí 1914, d. 2.mars 2002 og Gestur Kristjánsson, f. 10.nóvember 1906, d. 9.ágúst 1990. Strax vorið eftir þau kynni flutti Aðalgeir í Múla, fór að taka þátt í búskapnum af fullum krafti ásamt því að sinna vinnu við Laxárvirkjun. Aðalgeir og Guðný opinberuðu um páskana 1971 og giftu sig 2. apríl 1972. Þau hófu félagsbúskap ásamt foreldrum Guðnýjar og keyptu síðar af þeim eignir þeirra í Múla eftir að þau hættu búskap árið 1986 og fluttu til Húsavíkur. Aðalgeir og Guðný bjuggu alla tíð í Múla meðan heilsan leyfði. Þau seldu jörðina í sumarið 2021 og fluttu til Akureyrar. Alli og Guðný í Múla voru með fjölmörg börn í sumardvöl í sveit og eins voru þau með fósturbörn bæði til skemmri og lengri tíma. Þrjú af þeim börnum fengu varanlegt aðsetur hjá þeim hjónum í Múla og má svo sannarlega segja að þau hafi dottið í lukkupottinn, Ólafur Svanur Ingimundarson, f. 3.ágúst 1965, Einar Jóhann Sigurðsson, f. 6. ágúst 1983 og Aðalheiður Ágústa Jónsdóttir, f. 2. október 1987. Ólafur Svanur er kvæntur Emmu Gísladóttur, f. 17.maí 1967 og eiga þau tvo syni Gísla Ólaf og Jón Aðalgeir og 6 barnabörn. Einar Jóhann er kvæntur Þórhildi Einarsdóttur, f. 31. ágúst 1983, og eiga þau tvö börn saman Kristján Guðna og Heiðveigu Halldóru. Einar á einnig dóttur úr fyrra sambandi, Lilju Dögg, f. 3.mars 2005. Aðalheiður er gift Sigmundi Birgi Skúlasyni, f. 19.maí 1982 og eiga þau þrjú börn Heiðar Inga, Fannar Atla og Margréti Guðnýju. Aðalgeir lést á hjúkrunarheimilinu Lögmannshlíð 12.júlí s.l. og útför hans fór fram miðvikudaginn 24.júlí kl 14:00 frá Grenjaðarstaðarkirkju í Aðaldal. Elsku afi okkar, við vitum ekki hvernig okkur á að líða, þetta er allt svo skrýtið. -
Þyrla sótti slasaða hjólreiðarmenn í Jökulsárgljúfur
Laust eftir hádegi í dag kom tilkynning til lögreglu og sjúkraflutningamanna á Húsavík um reiðhjólaslys við Jökulsárgljúfur. Þar hafi reiðhjólamaður fallið fram af kletti og þá hafði samferðamaður hans einnig slasast við að reyna að koma honum til aðstoðar -
Mæðgur hafa stjórnað kórum í samanlagt 71 ár
Kynslóðir kórfélaga frá Hóffý og Ástu sameinast og halda saman tónleika í Húsavíkurkirkju
Athugasemdir