Fréttir

„Það er ómetanlegt að hafa þennan áfangastað í hjóltúrnum,“ segir Þorgeir V. Jónsson

Unnið hefur verið að því í sumar að setja upp minningarsýningu í flugstöðinni í Grímsey um bandaríska fræðimanninn, og velgjörðarmann Grímseyinga, Daniel Williard Fiske. Hann sigldi til Íslands árið 1879, sá þá Grímsey við ystu sjónarrönd og tók sérlegu ástfóstri við eyjuna.

Á síðasta degi júlímánaðar flaug flug­fé­lagið Mý­flug hundraðasta sjúkra­flug mánaðar­ins. Á Facebooksíðu Slökkviliðs Akureyrar er greint frá því að þetta sé mánaðarmet í júlí. Ársmetið sé 806 flugferðir og að ólíklegt sé að það verði slegið í ár.

Veðurblíðan hefur leikið við Norðlendinga nær samfellt í einn mánuð og vel það. Enda hefur ferðaþjónustan blómstrað í sumar.

Fyrir 30 árum síðan útrýmdi Árni Logi Sigurbjörnsson, meindýraeyðir rottum í Hrísey, á Hauganesi og Árskógssandi. Af því tilefni kom hann út í eyju á dögunum og með í för voru hjónin úr Kálfskinni á Árskógsströnd, Sveinn Jónsson og Ása Marínósdóttir.

„Það eru jól hjá mér alla daga,“ segir Benedikt Ingi Blomsterberg Grétarsson sem ásamt konu sinni Ragnheiði Hreiðarsdóttur og Margréti Veru dóttur þeirra rekur Jólagarðinn í Eyjafjarðarsveit. Þar hafa þau staðið fyrir samfelldu jólahaldi í aldarfjórðung, en starfsemin hófst síðasta dag maímánaðar árið 1996. „Mín jól eru í geymslu uppi á háalofti og eru allt öðruvísi en það sem ég er að vasast í alla daga. Þau snúast um annað, m.a. dýrmætar minningar frá fyrri tíð.“ Benedikt segir að hugmyndin að stofnun Jólagarðsins hafi kviknað þegar þau hjón voru að ræða saman eitthvert kvöldið. „Við vorum að spjalla, þreytt seint um kvöld þegar þessi hugmynd kom upp,“ segir hann en sjálfur er hann húsasmiður og matreiðslumaður að mennt. Þau Ragnheiður störfuðu að hluta til saman á þessu árum, á Kristnesi, í veiðihúsi Víðidalsár og ráku í félagi við bróður hennar og mágkonu sumarhótel á Hrafnagili. „Við Ragnheiður erum góð saman í verki, þannig að þetta virtist tilvalið. Við sáum líka fyrir okkur að öll fjölskyldan gæti haft nóg fyrir stafni hjá þessu litla fyrirtæki um ókoman tíð,“ bætir hann við eitt bros, meðvitaður um að börnin og barnabörnin eigi ófá sporin kringum þetta uppátæki.

Það er notalegt að vakna á morgnana, líta út um gluggann og heyra ekki í neinni umferð. Það er notalegt að þurfa ekki að eyða tíma sínum á umferðarljósum, í biðröðum eða í að skutlast út um allar trissur.

Sinfóníuhljómsveit Norðurlands (SN) hefur undanfarin ár róið á mið kvikmyndatónlistar og að sögn Þorvaldar Bjarna Þorvaldsson, tónlistarstjóra Menningarfélags Akureyrar hafa aflabrögð verið með eindæmum góð.

Ég er mikill aðdáandi hæglætis, þar sem ég veit fyrir víst að það að lifa hæglátu lífi hefur áhrif á lífsgæði, heilsu og líðan okkar mannfólksins. Einfaldara líf án stórra, og oft á tíðum óþarfa, streituvalda getur minnkað líkur á streitutengdum sjúkdómum og lífsstílssjúkdómum umtalsvert.

Fyrir skipulags- og framkvæmdaráði Norðurþings liggur tillaga að breytingu deiliskipulags miðhafnarsvæðis á Húsavík. M.a. gerir tillagan ráð fyrir að Hafnarstétt 1 og 3 verði tengd með viðbyggingu til samræmis við hugmyndir sem áður hafa verið kynntar ráðinu.

Tilvalið með kaffibollanum

Smitum fjölgar á Akureyri

Hagkvæm lausn og ódýrari en að byggja frá grunni

Fjallahlaupið Súlur Vertical fer fram á Akureyri næstkomandi laugardag, 31. júlí.

Umhverfis- og mannvirkjaráð Akureyrarbæjar samþykkti á síðasta fundi sínum að fresta innleiðingu á nýju leiðaneti Strætisvagna Akureyrar til 1. ágúst 2022.

Góðvinur barna, bókasafna (já og margra fullorðinna) sjálfur Harry Potter, á afmæli á laugardag 31. júlí. Líkt og hefð er orðin mun Amtsbókasafnið á Akureyri fagna deginum með pompi og prakt, föstudaginn 30. júlí. Potterdagurinn mikli var fyrst haldinn hátíðlegur á Amtsbókasafninu 2017 og hátt í 1000 manns hafa sótt viðburðinn ár hvert.

Einn þeirra viðburða sem ekki var aflýst um komandi verslunarmannahelgi er fjallahlaupið Súlur Vertical en það verður haldið á laugardag. Fyrsta hlaupið var árið 2016 að frumkvæði Þorbergs Inga Jónssonar en UFA Eyrarskokk tók við keflinu ári síðar. Viðburðurinn hefur vaxið ár frá ári og svo er einnig nú í ár þegar við bætist ný og krefjandi hlaupaleið.

Þrátt fyrir að stórviðburðum á fjölskylduhátíðinni Ein með Öllu hafi verið aflýst þá munu margir skemmtilegir minni viðburðir vera á Akureyri um Verslunarmannahelgina og rúmast þeir innan þeirra sóttvarnarreglna sem nú eru í gildi. Þetta kemur fram í tilkynningu frá Vinum Akureyrar.

Barnshafandi konum á Norðurlandi býðst að koma í fyrri bólusetningu með Pfizer bóluefni í þessari eða næstu viku. Mælt er með að bólusetning fari fram eftir að fyrstu 12 vikum meðgöngu er lokið. Þetta kemur fram í tilkynningu frá HSN

Meðalhiti á Akureyri fyrstu 25 daga júlímánaðar er 15,0 stig og sömuleiðis 15,0 stig síðustu 30 daga. Hæsta júlítala á Akureyri hingað til er 13,3 stig, frá hinu sérlega óvenjulega sumri 1933.

Hertar samkomutakmarkanir vegna Covid-19 sem tóku gildi um helgina hafa mikil áhrif á starfsemi tjaldsvæða bæjarins og getu þeirra til að taka á móti gestum.

-Segir Sigurgeir Hreinsson framkvæmdastjóri Búnaðarsambands Eyfjarðar

„Ég trúi því aldrei að Akureyrarbær hafni 80 öldruðum einstaklingum um lóð“ - segir Ásdís Árnadóttir

„Mikil ásælni í verk- og iðnnám af öllu tagi er ekki ný af nálinni fyrir okkur,“ segir Baldvin Ringsted sviðsstjóri verk – og fjarnáms hjá Verkmenntaskólanum á Akureyri. Nú verður í fyrsta sinn boðið upp á kvöldskóla í húsasmíði og skemmst frá því að segja að færri komust að en vildu. Laus pláss voru 12 talsins er 44 sóttu um. „Það er mikill áhugi fyrir þessu námi úti í samfélaginu, en það fá því miður ekki allir inn sem vilja.“