Vinna hefst vonandi í byrjun nýs árs
Vinna á skýrslu um efnahagslegar afleiðingar verði Reykjavíkurflugvöllur lagður niður.
Við höfum verið í viðræðum við ráðgjafafyrirtæki frá því í byrjun árs um að taka verkefnið að sér, segir Eiríkur Björn Björgvinsson bæjarstjóri á Akureyri, um gerð skýrslu um efnahagslegar afleiðingar verði Reykjavíkurflugvöllur lagður niður. Í grein sem Njáll Trausti Friðbertsson varabæjarfulltrúi Sjálfstæðisflokksins skrifaði í Vikudag nýlega kemur fram að hann hafi á fundi bæjarstjórnar um miðjan nóvember á síðasta ári, eða fyrir rúmum 13 mánuðum lagt fram tillögu um að bæjarstjórn Akureyrar léti vinna skýrslu um efnahagslega afleiðingar þess fyrir Akureyri og þá sem nýta sér Akureyrarflugvöll ef Reykjavíkurflugvöllur yrði lagður af í núverandi mynd.
Tillaga Njáls Trausta var samþykkt með öllum greiddum atkvæðum. Mér vitanlega er vinna við gerð þessarar skýrslu ekki enn hafin. Í dag eru einungis rétt rúm fjögur ár til stefnu þar sem gert er ráð fyrir einni flugbraut í Vatnsmýrinni, segir Njáll í grein sinni og hvetur forystufólk L-listans að ganga í málið og sjá til þess að skýrslan klárist hið fyrsta. Eiríkur segir að í bókun um málið sé einnig minnst á að önnur sveitarfélög, ISAVIA, samgöngunefnd Alþingis og fleiri taki þátt í að kosta verkefnið. Þar sem það snúi að fleiri aðilum en Akureyrarbæ hafi það bæði tekið lengri tíma og flækt vinnuferlið. Enn sé unnið að því að koma saman hópi kostunaraðila og vonandi verður ljóst hverjir munu taka þátt í því í byrjun nýs árs þannig að vinnan geti hafist af fullu, segir Eiríkur.
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.