Vilji allra stendur til þess að koma rekstri LA á réttan kjöl
Málefni Leikfélags Akureyrar voru til umræðu í stjórn Akureyrastofu í gær. Halla Björk Reynisdóttir formaður stjórnar segir að engar ákvarðanir hafi verið teknar á fundinum, enda séu ekki forsendur til þess enn. Hins vegar liggur ljóst fyrir að vilji allra aðila stendur til þess að koma rekstri Leikfélagsins á réttan kjöl. Þannig vinna Akureyrarbær og mennta- og menningarmálaráðuneytið nú að endurnýjun samstarfssamnings um menningarmál, þar sem rekstur atvinnuleikhúss á Akureyri er áfram eitt af meginverkefnum samningsins, segir Halla.
Þær aðgerðir sem Akureyrarbær greip til síðasta haust höfðu það að markmiði að gera félaginu kleift að klára undirbúning fyrir yfirstandandi leikár og standa við þá samninga sem þegar höfðu verið gerðir. Þannig var líka skapað svigrúm til að vinna að lausnum í betra tómi en þá gafst og sú vinna stendur nú yfir.
Á dögunum birtust fréttir að því að einn möguleikinn í stöðunni væri að hafa enga starfsemi hjá LA í eitt starfsár en nota framlögin til að greiða niður hallann. Halla segir að viðbrögðin við þessum fréttum hafi orðið mikil meðal allra hagsmunaaðila og að þau hafi öll verið á einn veg. Það mátti enginn til þess hugsa að starfsemin leggðist af, jafnvel þótt það væri aðeins tímabundið. Það er jákvætt að finna þann áhuga og stuðning sem birtist í þessum viðbrögðum, margir bera hag leikhússins fyrir brjósti og hafa hagsmuni af því að því gangi vel. Nú er það okkar, stjórnar LA og bæjaryfirvalda, að leiða saman alla sem geta lagt hönd á plóg við að rétta rekstur félagsins af þannig að hann verði aftur öruggur og fólkið í leikhúsinu geti einbeitt sér af krafti að því að skapa metnaðarfulla og eftirsóknarverða leiklist. Það er mikið í húfi, segir Halla.
Nýjast
-
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.