Vikudagur kemur út í dag
Vikudagur kemur út í dag og að vanda er blaðið stútfullt af fréttum, fróðleik og mannlífsefni.
-Setja á upp skilti á Akureyri sem bannar fólki á húsbílum að leggja á óleyfilegum stöðum og vísa þeim á tjaldsvæði. Skortur hefur verið á sérmerktum bílastæðum fyrir húsbíla á Akureyri og undanfarin ár hefur vandamálið aukist í bænum.
-Baldvin H. Sigurðsson matreiðslumeistari og fyrrum bæjarfulltrúi á Akureyri hefur séð um
veitingarnar í flugteríunni á Akureyrarflugvelli í 14 ár. Hann hefur starfað sem matreiðslumað
ur í tæpa hálfa öld. Baldvin segir ávallt líf og fjör í vinnunni á flugvellinum, sumir rífi kjaft og
þá rífi hann kjaft á móti. Hann var bæjarfulltrúi fyrir Vg eitt kjörtímabil og hefur sterkar
skoðanir á bæjarmálunum. Vikudagur settist niður með Baldvini í flugteríunni yfir kaffibolla
og spjallaði við hann flugvallarlífið, bæjarmálin og afahlutverkið.
-Tillögur vinnuhóps um lokanir í miðbæ Akureyrar yfir sumartímann voru samþykktar á bæjarstjórnarfundi í síðustu viku og taka gildi um mánaðarmótin.
-Ekki stendur til að skipta um dekkjakurl á sparkvöllum á Akureyri á þessu ári. Eins og fram hefur komið hafa mörg sveitarfélög gripið til þess ráðs að skipta um dekkjakurl úr sparkvöllum þar sem grunur leikur á að það sé krabbameinsvaldandi. Formaður íþróttaráðs segir að ráðist verði á vandann þar sem hann er stærstur.
-Þegar tveggja vikna hlé er gert á Inkasso-deild karla í knattspyrnu vegna EM í Frakklandi sitja Akureyrarliðin KA og Þór í tveimur efstum sætum deildarinnar að sex umferðum loknum. Bæði lið hafa 13 stig en KA hefur betri markatölu og trónir því á toppi deildarinnar. Vikudagur heyrði hljóðið í fyrirlið- um beggja liða um byrjunina á sumrinu.
-Bergur Benediktsson er framleiðslustjóri hjá nýsköpunarfyrirtækinu Lauf Forks sem undanfarin ár hefur verið að þróa hjólagaffal sem er kominn í sölu um allan heim. Bergur fer yfirleitt í 3-5 ferðir á ári erlendis og kynnir vöruna en auk þess hjólar hann um landið með erlendum blaðamönnum þegar hann er ekki á skrifstofunni að vinna að áframhaldandi þróun og útrás gafflanna.
Þetta og mun meira til í Vikudegi í dag. Áskriftarsíminn er 460-0750 og 860 6751. Einnig er hægt senda póst á askrift@vikudagur.is
Nýjast
-
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí. -
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka.
