Vikudagur kemur út í dag
Vikudagur kemur út í dag og að vanda er blaðið stútfullt af fréttum, fróðleik og mannlífsefni.
-Jón Guðmund Knutsen, sjúkraflutningamaður frá Akureyri, mun fylgja íslenska karlalandsliðinu eftir á Evrópumótinu í knattspyrnu sem hefst á morgun, föstudaginn 10. júní. Jón fer til Frakklands á vegum Rauða kross Íslands en hann er einn af tveimur sem valdir voru í verkefnið.
-Logi Már Einarsson bæjarfulltrúi Samfylkingarinnar á Akureyri var kjörinn varaformaður flokksins á Landsfundi um sl. helgi. Vikudagur ræddi við Loga um embættið, stöðu Samfylkingarinnar og mögulega þingsetu.
-Katrín Mist Haraldsdóttir rekur Dansstúdíó Alice á Akureyri. Hún opnaði dansskólann fyrir tæpum tveimur árum og fetaði í fótspor móður sinnar sem rak frægt dansstúdíó á Akureyri á níunda áratugnum. Katrín var nýlega tilnefnd til Grímuverðlaunanna fyrir dans- og sviðshreyfingar í Pílu Pínu. Vikudagur heimsótti Katrínu Mist í Dansstúdíóið.
-Hjón í Eyjafjarðarsveit hafa fengið nóg af yfirgangi hestamanna sem stytta sér leið yfir einkalóð þeirra. Síðastliðinn föstudag fór stór hópur hestamanna yfir lóðina og náðist atvikið á myndband.
-Akureyringurinn Sævar Guðmundsson er leikstjóri myndarinnar Jökullinn logar sem frumsýnd var um
síðustu helgi. Myndin er sagan um gullkynslóð íslenskrar knattspyrnu hjá körlum sem skráði sig í sögubækurnar með því að vera fámennasta þjóð sögunnar til að komast á lokakeppni stórmót.
Þetta og mun meira til í Vikudegi í dag. Áskriftarsíminn er 460-0750 og 860 6751. Einnig er hægt senda póst á askrift@vikudagur.is
Nýjast
-
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí. -
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka.
