Vikudagur kemur út í dag
Vikudagur kemur út í dag og að vanda er blaðið stútfullt af fréttum, fróðleik og mannlífsefni.
Meðal efnis í blaðinu:
-Þorkell Ásgeir Jóhannsson er flugstjóri hjá Mýflugi sem sér um sjúkraflutninga í lofti en þar hefur hann starfað í 10 ár. Hann segir lokun „neyðarbrautinnar“ stofna lífi sjúklinga og flugáhafna í hættu og vill að sveitarstjórnir um allt land með Akureyrarbæ í farararbroddi beitir sér harðar í málinu. Þorkell missti góða vini og samstarfsfélaga þegar flugvél Mýflugs hrapaði á Akureyri árið 2013 með þeim afleiðingum að tveir menn létust. Vikudagur spjallaði við Þorkel um þá grafalvarlegu stöðu sem er komin upp í sjúkraflugi og hvernig flugslysið á Akureyri hafði áhrif á hans líf.
-Tæplega 18% aukning er í sjúkraflugi á milli ára og hefur fjöldi sjúkrafluga aldrei verið meiri en nú.
-Brynhildur Pétursdóttir, þingkona Bjartrar framtíðar, ritar grein í blaðinu þar sem hún segir skáldahúsin þrjú á Akureyri vera út í kuldanum þegar kemur að fjárveitingu frá ríkinu. Um er að ræða Nonnahús, Davíðshús og Sigurhæðir.
-Ragnheiður Arna Magnúsdóttir og Arnar Birgisson frá Akureyri lentu í óskemmtilegri lífsreynslu að kvöldi mánudagsins síðasta þegar eldur kviknaði í hreyfli í flugvél sem þau voru um borð í á leið frá Barcelona til Keflavíkur.
-Gestur Einar Jónasson, einn ástsælasti útvarpsmaður þjóðarinnar til margra ára, snýr aftur með þáttinn
sinn, Með grátt í vöngum, á Akureyrarvöku um helgina.
Þetta og mun meira til í Vikudegi í dag. Áskriftarsíminn er 460-0750 og 860 6751. Einnig er hægt senda póst á askrift@vikudagur.is
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.