Vikublaðið kemur út í dag
Vikublaðið kemur út í dag og að vanda er farið um víðan völl í blaðinu vikunnar.
Meðal efnis í blaðinu:
*Bæjaryfirvöld funduðu síðastliðinn miðvikudag með SÍ um yfirfærslu á rekstri Öldrunarheimila Akureyrar (ÖA. Formaður bæjarráðs Akureyrar segist bjartsýnni eftir fundinn um framtíð reksturs ÖA.
*Guðrún Einarsdóttir, ólst upp á Húsavík og er menntaður íþróttafræðingur, búin með grunnnám í sjúkraflutningum og er núna að læra hjúkrunarfærði við Háskólann á Akureyri. Síðastliðið haust tók hún við sem formaður Leikfélags Húsavíkur en var áður í stjórn leikfélagsins. Í fyrra setti Leikfélag Húsavíkur upp Litlu Hryllingsbúðina sem fékk frábærar viðtökur en sýningarnar urðu ekki margar vegna Covid-19 ogþví hefur verið ákveðið að halda áfram með sömu sýningu á þessu leikári. Guðrún er Norðlendingur vikunnar.
*Á Húsavík hafa hvalaskoðunarfyrirtæki sett bæinn á kortið á undanförnum árum og áratugum sem áfangastað fyrir ferðamenn. Húsavík hefur því, að miklu leiti fyrir tilstilli þessara fyrirtækja byggst upp sem ferðamannabær og er ferðaþjónusta ein af burðaratvinnugreinum á svæðinu. Hvalaskoðunarfyrirtækin Norðursigling og Gentle Giants hvalaferðir (GG) hafa bæði siglt sína fyrstu túra á árinu og ætlar Norðursigling að hefja daglegar ferðir strax 1. mars.
*Ingibjörg Isaksen, bæjarfulltrúi á Akureyri og framkvæmdastjóri Læknastofa Akureyrar, tók áskorun Helga Héðinssonar og sér um matarhornið þessa vikuna. „Ég er þeirrar gæfu aðnjótandi að eiga stóra fjölskyldu en samtals eigum við hjónin sex börn og eitt barnabarn. Á borði fjölskyldunnar er reglulega kjöt og má segja að lambalærið klikki aldrei. Því bregður því oft við um helgar að lambalæri sé skellt á grillið og stórfjölskyldunni boðið í mat. Okkur finnst afar gaman að elda góðan mat og eins að bjóða fólki í mat. Ég ætla að deila með ykkur uppskrift af einföldum en afar góðum réttum,“ segir Ingibjörg.
*Ragnheiður Jakobsdóttir, framkvæmdastjóri Ferðaskrifstofu Akureyrar, tók áskorun frá Sigríði Huld Jónsdóttur og heldur um Áskorandapennan. Ragnheiður skrifar um Covid-ferðaárið.
*Huld Hafliðadóttir skrifar bakþanka þessa vikuna og kemur að vanda með áhugverðan pistil.
*Vegna fjölda áskorana endurbirtum við viðtalið við Úlfhildi Rögnvaldsdóttur frá því í Vikublaðinu sem kom út 11. febrúar. Einungis netútgáfa kom út af því blaði vegna lokunar Ásprents og söknuðu margir áskrifendur þess að sjá ekki viðtalið við Úlfhildi.
Smelltu hér til að gerast áskrifandi.
Nýjast
-
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun
Athugasemdir