Víkingar rótburstuðu Jötna í kvöld
SA Víkingar höfðu betur gegn SA Jötnum í Skautahöllinni á Akureyri í kvöld á Íslandsmóti karla í íshokkí. Lokatölur urðu 12-1 sigur Víkinga. Eins og tölur gefa til kynna voru yfirburðir Víkinga miklir í leiknum. Eftir fyrstu lotu var staðan 3-0. Víkingar bættu við fjórum mörkum í annarri lotu og höfðu 7-0 yfir fyrir þriðju og síðustu lotu og úrslitin löngu ráðin. Víkinga bættu svo við fjórum mörkum í viðbót en Jötnar náðu einu marki í millitíðinni.
Orri Blöndal, Einar Valentine, Stefán Hrafnsson og Andri Sverrisson skoruðu tvö mörk hver fyrir Víkinga og þeir Sigurður Reynisson, Lars Foder, Sigurður Sigurðsson og Sigmundur Sveinsson eitt mark hver. Mark Jötnana skoraði Pétur Sigurðsson. Einnig áttust Húnar og SR við í Egilshöllinni þar sem SR hafði betur 5-3. Staðan í deildinni er þannig að SR og Björninn eru á toppnum með 15 stig, Björninn eftir sex leiki en SR fimm. SA Víkingar hafa níu stig eftir fimm leiki, SA Jötnar þrjú stig eftir sex leiki og Húnar reka lestina án stiga eftir sex leiki.
Nýjast
-
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí. -
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka.
