"Við verðum að fara snúa við blaðinu"
Akureyri og Valur mætast í Höllinni á Akureyri í kvöld kl. 19:00 í 5. umferð N1-deildar karla í handbolta. Akureyri hefur tapað þremur leikjum í röð, nú síðast gegn Haukum á útivelli með einu marki, og má illa við tapi í kvöld en norðanmenn hafa tvö stig eftir fjóra leiki í sjötta sæti deildarinnar. Valur hefur þrjú stig sæti ofar en gengi þeirra þessa fyrstu deildarleiki hefur verið upp og ofan. Liðið saknar þess sárlega að Valdimar Fannar Þórsson geti beitt sér almennilega í sóknarleiknum vegna bakmeiðsla og þar af leiðandi hefur sóknarleikur Hlíðarendapilta verið brösóttur. Atli Hilmarsson þjálfari Akureyrar segir það skyldu að ná í stig í kvöld.
Það er ekkert flóknara en það að við verðum einfaldlega að vinna í kvöld og staðan er þannig að það er óásættanlegt að tapa þremur leikjum í röð. Við verðum að snúa við blaðinu, segir Atli Hilmarsson þjálfari Akureyrar við Vikudag um leikinn í kvöld.
Óskar Bjarni Óskarsson þjálfari Vals segir sína menn klára í slaginn. Það er alltaf gaman að koma norður og þetta verður erfitt en skemmtilegt. Við höfum verið kaflaskiptir í okkar leik og ég hefði viljað hafa fleiri stig. Við þurfum á stigum að halda í kvöld og þó að muni mikið um reynsluboltana hjá Akureyri að þá er þetta hörkulið. Þeir eru bara góðir og með einn besta markmann deildarinnar. Þetta verður krefjandi, segir Óskar Bjarni.
Nánar er hitað upp fyrir leikinn og fjallað um N1-deildina í Vikudegi sem kemur út í dag.
Nýjast
-
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is:
