Verslun og þjónusta á Húsavík: „Ekki okkar að draga vagninn“
Staða verslunar og þjónustu á Húsavík hefur lengi verið á milli tanna Húsvíkinga. Reglulega hafa undirskriftarlistar farið af stað í bænum í von um að þrýsta á ýmist Krónuna eða Bónus að opna matvöruverslun í bænum og skapa þannig heilbrigða samkeppni. Án árangurs. Kveikjan að umræðunni nú er sú óvissa sem kom upp um framtíð Húsasmiðjunnar á staðnum; þó þar sé ekki um matvöruverslun að ræða.
Í dag er Samkaup eitt fyrirtækja á þessum markaði á Húsavík en fyrirtækið rekur Nettóbúð og Krambúð á staðnum. Og má því segja að Samkaup njóti einokunarstöðu í bænum. „Það felst mikil áskorun í því að vera eini aðilinn í dagvöruverslun, það er alltaf hægt að gera betur í versluninni og eðlilega gerir kúnninn alltaf auknar kröfur,“ var haft eftir Ómari Valdimarssyni forstjóra fyrirtækisins árið 2016 í frétt á 640.is. Hann sagði jafnframt að fyrirtækið horfði til framtíðaruppbyggingar á verslun á miðbæjarsvæðinu þar sem Kaskó var þá staðsett; nú Krambúðin. „Það er hringiðan, þar er fólkið“ sagði Ómar og var tekið fram að fyrirtækið hafði nokkuð lengi leitað leiða í húsnæðismálum félagsins á Húsavík en það ekki skilað niðurstöðu. Nú 2021 hefur ekkert breyst í húsnæðismálunum.
Málið rætt í byggðarráði
Byggðarráð Norðurþings var með málefnið til umræðu og mætti Gunnar Egill Sigurðsson framkvæmdastjóri verslunarsviðs Samkaupa á fundinn. Ráðið bókaði að mikilvægt væri að úrbætur verði gerðar á stöðu matvöruverslunar á Húsavík. 
Vikublaðið spurði Gunnar Egil um framtíðaruppbyggingu Samkaupa á miðsvæði Húsavíkur eins og talað var um 2016. „Það er rétt að við höfum verið að vinna að framtíðarskipulagi í langan tíma og hafa nokkrar tillögur verið gerðar en við erum ekki húseigandi að Garðarsbraut 5 og því er uppbygging á miðbæjarsvæðinu ekki á okkar forræði heldur á forræði húseiganda,“ segir í skriflegu svari Gunnars Egils. Ekki fékkst uppgefið hver hagnaður deilda félagsins á Húsavík hefur verið síðast liðin fjögur ár.
Segir plássleysi vera vandamálið
Hjálmar Bogi Hafliðason, fulltrúi B-lista í sveitarstjórn Norðurþings er gagnrýninn á stöðu verslunar á Húsavík. „Þegar Kaskó var breytt í Krambúðina var ljóst að vöruverð hækkaði í þeirri búð. Húsvíkingar sem og ferðamenn hafa því lagt leið sína í auknum mæli í Nettó, eðlilega. Sú verslun er ágæt í sjálfu sér en allt of lítil. Hún sprakk á á fyrsta ári eftir að hún var opnuð,“ segir Hjálmar og leggur áherslu á að gagnrýni sín snúist ekki um vöruúrval heldur plássleysi. Það er sjónarmið sem algengt er á Húsavík. 
Hjálmar var áheyrnarfulltrúi á fundi Byggðarráðs en hann segir að ekki gangi að forsvarsmenn Samkaupa komi með sömu svör um uppbyggingu og gert var árið 2016. Jafnframt segir Hjálmar að sjálfsagt sé að sveitarfélagið komi að málum og liðki fyrir alls konar uppbyggingu. „Það er hins vegar ekki okkar að draga vagninn. Það eiga Samkaupsmenn að gera sjálfir,“ segir Hjálmar.
Nýjast
-
Vátryggingafélag Íslands (Skagi) kaupir Íslensk verðbréf
Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu. Horft er til þess að í kjölfarið verði farið í kaup hlutafjár annarra hluthafa þannig að Skagi verði einn eigandi alls hlutafjár í Íslenskum verðbréfum. Kaupverð 97,07% hlutafjár í Íslenskum verðbréfum er 1.598 milljónir króna. Gert er ráð fyrir að kaupverðið verði greitt með reiðufé, en Skagi hefur val um að greiða allt að fjórðungi kaupverðsins með afhendingu nýs hlutafjár í Skaga. Fyrirtækjaráðgjöf og sérhæfðar fjárfestingar eru undanskilin í kaupunum. Jóhann M. Ólafsson, forstjóri ÍV, hefur stigið til hliðar og Jón Helgi Pétursson, framkvæmdastjóri ÍV sjóða, hefur tekið tímabundið við sem forstjóri félagsins. -
Amtsbókasafnið - Býður garðverkfæri í útlán
Áður hefur verið haft á orði á þessum vef að starfsfólkið á Amtinu hér í bæ sé skemmtilega ferskt og fái líflegar hugmyndir sem notendur safnsins kunna vel að meta. Í frétt frá þeim í dag er sagt frá að nú sé hægt að fá garðverkfæri, takk fyrir takk, að láni hjá Amtsbókasafninu! Kæru safngestir! NÝJUNG! - Við erum farin að bjóða upp á garðverkfæri til útláns! Það er farið að vora á Akureyri og kominn tími til að byrja vorverkin. Frá og með deginum í dag eru garðverkfæri til útláns hjá okkur, lánstími er 7 dagar. Verkfæri sem eru í boði: handskófla, lítil klóra, stungugaffall, stunguskófla, kantskeri, handklippur, greinaklippur, fata, beðhrífa, fíflajárn, greinasög og garðáhöld fyrir börn. Vinsamlegast þrifið verkfærin vel áður en þið skilið. -
Dýrahræ fundust á víðavangi við Línuveg á Húsavík
Steingrímur Hallur Lund rak í rogastans á dögunum þegar hann var úti að viðra hundinn sinn úti á Bakka við Línuveg í landi Húsavíkur. Hann var ekki komin langt frá veginum þegar hann gekk fram á dauða rollu, sem búið var að klippa af eyrun. Skammt undan gekk hann svo fram á fimm selshræ. -
Krían komin til Grímseyjar
Fyrstu kríurnar þetta árið í Grímsey sáust um helgina. Varpið þar er með stærri kríubyggðum á landinu og er talið að þar verpi þúsundir para. Litlar rannsóknir hafa verið gerðar á breytingum kríuvarpa frá ári til árs en margt bendir til fækkunar víða á landinu frá því um aldamót, einnig hefur orðið vart við sömu þróun í nágrannalöndum okkar. -
Úrskurðaður í fjögurra vikna gæsluvarðhald
Rannsókn á máli þar sem fimmtug kona fannst látin á heimili sínu þann 22. apríl síðastliðinn miðar vel. -
HSN - Ekki óútskýrður kynbundin launamunur
„Það er ánægjulegt að greina frá því að ekki hefur greinst óútskýrður kynbundin launamunur í launagreiningum HSN enda kyn hreint ekki áhrifabreyta á árangur fólks í starfi,“ segir á heimasíðu Heilbrigðisstofnunar Norðurlands eystra, en HSN fékk endurnýjun á Jafnlaunavottun á dögunum. -
Börn og ungmenni í Hrísey vilja gervigrasvöll
Börn og ungmenni í Hrísey hafa lengi kallað eftir því að fá gervigrasvöll á skólalóðina sína líkt og er hjá öllum öðrum grunnskólum í sveitarfélaginu. Málið var rætt á bæjarstjórnarfundi unga fólksins á dögunum. -
Tökum höndum saman og hreinsum bæinn eftir veturinn
Vorhreinsun sveitarfélagsins er í fullum gangi. Opin svæði eru hreinsuð ásamt því að götur, gangstéttar og stígar eru sópaðir og þvegið er af miklum krafti. -
Kynning - Dagar stækka við sig á Norðurlandi
Fyrirtækið Dagar, sem sérhæfir sig í ræstingum, fasteignaumsjón og vinnustaðalausnum, flutti nýverið í stærra húsnæði að Furuvöllum 7. Dagar eru framsækið en rótgróið fyrirtæki þar sem starfa tæplega 800 manns og starfsstöðvar eru á þremur stöðum á landinu; í Garðabæ, á Selfossi og á Akureyri.
Athugasemdir