Verkís fagnar afmæli og færir birtu í skammdeginu
Fulltrúar Verkís og Akureyrarbæjar við upplýsta tréð í Gilinu í vikunni.
Verkís verkfræðistofa fagnar 80 ára afmæli á árinu og mun af því tilefni lýsa upp starfsstöð sína við Austursíðu 2 á Akureyri á nýjan og spennandi hátt, en stofan lýsir upp allar starfsstöðvar sínar á landinu í tilefni tímamótanna. Að auki hefur Verkís lýst upp tré efst í Gilinu, á flötinni fyrir ofan Myndlistarskólann á Akureyri og í vikunni afhenti Jónas V. Karlesson útibússtjóri Verkís á Akureyri, bænum lýsinguna og lampana til eignar. Það var Eiríkur Björn Björgvinsson bæjarstjóri sem veitti gjöfinni viðtöku.
Fram kom í máli Jónasar að Verkís rekur uppruna sinn aftur til ársins 1932 þegar Sigurður Thoroddsen verkfræðingur stofnaði fyrstu verkfræðistofuna hérlendis. Jónas sagði að auk þess að lýsa upp allar starfsstöðvar sínar, sem eru á höfuðborgarsvæðinu, Akranesi, Borgarnesi, Ísafirði, Akureyri, Egilsstöðum og Selfossi, myndi Verkís lýsa upp tré í hverju bæjarfélaganna líka. Lýsingin á starfsstöðvunum mun lifa fram á vor í skammdeginu og verður aftur kveikt á henni í haust. Henni verður hægt að stýra til að fá fram ýmiskonar áhrif og marga liti og mun því verða margbreytileg og fjölbreytt. Við vonumst til að svo verði einnig með lýsinguna á þessu tré, sem við nú færum Akureyrarbæ til varðveislu og eignar. Með því viljum við leggja lið við að færa bæjarbúum örlitla birtu í mesta skammdeginu, sagði Jónas.
Hann sagði jafnframt að þótt Verkís væri orðið 80 ára þá sé verkfræðistofan hágæða þekkingarfyrirtæki, sem sé í góðum tengslum við þróun og tækninýjungar á öllum sviðum og tengi saman verkfræði, tækni og list.
Nýjast
-
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn.