Verkefnið um flugstrætó gekk ekki upp
mth@vikubladid.is
„Því miður gekk verkefnið ekki vel,“ segir Jónas Þór Karlsson Karlsson eigandi fyrirtækisins Sýsli – ferða og ökukennslu ehf, en félagið stóð í sumar fyrir áætlunarferðum til og frá Akureyrarflugvelli með viðkomu í flestum hverfum bæjarins sem og á tjaldstæðinu við Hamra, svonefndum Flugstrætó. Notkun á þessari þjónustu var lítil og við það bættist að vandræði urðu í sumar með viðhald á bílum og varabílar því alloft á ferðinni. „Við ætlum að skoða hvort möguleiki verði á að bjóða þessa þjónustu að nýju í einhverri mynd en það verður aldrei fyrr en á næsta ári,“ segir hann.
„Það eru ýmsar ástæður fyrir því að við ákváðum fyrr í sumar að ljúka þessu verkefni,“ segir Jónas Þór. Ein sú helsta er að notkun var mjög lítil og stóð því hvergi nærri undir kostnaði. Erlendir ferðamenn voru 95% þeirra farþega sem nýttu þjónustuna, en nánast engir innlendir ferðamenn. „Það er nauðsynlegt fyrir okkur að fá innlenda ferðamenn líka sem og íbúa á svæðinu svo hún standi undir sér,“ segir hann.
Þá nefnir Jónas Þór að Akureyringar hafi verið ósáttir við að greiða fyrir þjónustuna. „Það gefur augaleið að fyrirtækið getur ekki rekið þessa þjónustu án þess að fá greiðslu fyrir upp í kostnað,“ segir hann og bætir við að engir styrkir eða niðurgreiðslur hafi staðið til boða. Að auki var fyrirtækið óheppið með viðhald á strætisvagni sem notaður var í aksturinn, það reyndist kostnaðarsamt.
Starfsfólk varð fyrir áreiti
Jónas Þór nefnir líka að hann og starfsfólk fyrirtækisins hafi oft lent í áreiti frá aðilum sem höfðu lagt bílum sínum á hópferðarbílastæði við flugvöllinn, þrátt fyrir merkingar á stæðum. „Þetta vandamál hefur lengi verið í gangi,“ segir hann. „Þetta er framkoma sem fyrirtækið getur ekki sætt sig við. Það hefur einnig borið á áreiti frá öðrum ferðaþjónustuaðilum og nokkrum leigubílstjórum í garð okkar starfsfólks, þetta fólk virðist vera á móti þeirri þjónustu sem við buðum.“
Flug sjaldan á réttum tíma
Þá hjálpaði stopul flugáætlun fyrirtækinu ekki að halda þjónustunni úti. „Það var nánast undantekningartilfelli að flug sé á réttum tíma ef þau á annað borð fara í loftið,“ segir Jónas Þór. Eins hafi minna verið um millilandaflug en áætlað var í sumar, sem hafði í för með sér að færri farþegar nýttu sér þjónustuna. Loks nefnir hann að erfiðlega hafi gengið a manna vagninn því skortur væri á bílstjórum á landinu öllu.
„Það er komið í ljós að þetta fyrirkomulag sem við höfðum virkar ekki,“ segir hann. Næstu mánuðir verða nýttir til að skoða hvort hægt sé að veita þjónustuna með öðru formi og einnig hvort styrkir fáist til að halda því út. Jónas Þór segist hafa trú á verkefninu til framtíðar litið og ef nægilegt og gott samstarf verði á milli ferðaþjónustuaðila á Akureyri um það.
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir