Verkefnastaðan hjá Slippnum með allra besta móti
Anton segir þetta vissulega jákvæða þróun en að fara þurfi varlega í að bæta við fleiri starfsmönnum, enda sé töluvert um að undirverktakar séu einnig að vinna fyrir Slippinn. "Það er ekki óalgengt að hér séu um 20 manns á svæðinu frá öðrum fyrirtækjum. Við höfum mest verið með erlend verkefni síðustu vikur og þá aðallega viðhalds- og viðgerðarverkefni á grænlenskum skipum. Íslenskar útgerðir hafa af skiljanlegum ástæðum haldið að sér höndum en þetta eru þó okkar helstu viðskiptavinir og við verðum að taka mið af þeirra stöðu," sagði Anton.
Nýir eigendur tóku við rekstri Slippsins fyrir þremur og hálfu ári og sagði Anton að frá upphafi hafi verið unnið að því að leita eftir verkefnum frá erlendum aðilum og það hafi skilað sér. "Það hefur myndast ákveðið traust á milli okkar og smærri og stærri útgerðaraðila á Grænlandi og við erum að uppskera samkvæmt því. Þá erum við byrjaðir að vinna við breytingar á Harðbak, fyrir fyrirtækið Neptune ehf., sem skráð er á Akureyri. Íslensk skip eru væntanleg og vonandi erlend líka. Þá er búið að fastsetja eitt stórt grænlenskt verkefni eftir tæpt ár og það er ósköp þægilegt að vita af því. Við höfum aldrei bókað verkefni svo langt fram í tímann og stundum hefur maður ekki séð fyrir verkefni nema næstu tvo daga. Það getur verið býsna taugastrekkjandi, hafandi 100 manns í vinnu. Sem betur fer hefur okkur alltaf lagst eitthvað til."
Anton segir að Slippurinn sé með nokkra menn í vinnu í aflþynnuverksmiðju Becromal í Krossanesi, við uppsetningu á lögnum og búnaði. "Þetta er fyrsta nýja stóra nýja fyrirtækið á Akureyri í nokkuð langan tíma. Það er vissulega jákvætt og mun skipta marga hér í bæ máli."
Málmiðnaðarmenn hafa ekki alltaf legið á lausu á svæðinu og undanfarin ár hefur verið skortur á iðnaðarmönnum. "Við höfum verið duglegir að taka nema og það mættu fleiri vera duglegri að taka þátt í því. Við höfum einnig verið með erlenda iðnaðarmenn og þeir björguðu mörgum fyrirtækjum í þenslunni. Nú er hins vegar mikil ásókn í vinnu og þá aðallega frá verkamönnum en því miður getum við ekki tekið við þeim öllum."
Varðandi síðasta ár sagði Anton að verkefnastaðan hefði verið frekar erfið í upphafi og lok árs en nokkuð góð þess á milli. "Við erum því nokkuð sáttir við árið í heild. Okkur hefur tekist að vera með reksturinn réttu megin við núllið frá upphafi og náð að byggja fyrirtækið upp innan frá. Við erum því nokkuð bjartsýnir á framtíðina þrátt fyrir allt."
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.