„Verið að úthýsa okkur án þess að fyrir liggi gögn um að grasið bíði skaða af“
mth@vikubladid.is
„Við erum alls ekki sátt við þessa afgreiðslu og þykir skítt að verið er að úthýsa okkur úr Boganum án þess að fyrir liggi nein gögn um að sýning hafi slæm áhrif á gervigrasið,“ segir Einar Gunnlaugsson formaður Bílaklúbbs Akureyrar.
Meirihluti fræðslu- og lýðsheilsuráðs Akureyrar hefur lagt til að hin árlega bílasýning klúbbsins sem verið hefur í Boganum á þjóðhátíðardaginn í rúman áratug verði haldin þar nú í síðasta sinn nema viðunandi lausn finnist til að verja gervigrasið. Fulltrúi M-lista í bæjarstjórn, Viðar Valdimarsson bókaði á fundi ráðsins að Akureyrarbær hefði engin göng undir höndum sem sýndu að bílasýning Bílaklúbbs Akureyrar hefði neikvæð áhrif á gervigras Bogans.
„Þeir vilja að grasið fái að njóta vafans,“ segir Einar. Hann nefnir að undir öllum dekkjum á þeim bílum sem eru á sýningunni séu tréplattar til að verja grasið. „Við höfum ekki séð að grasið verði fyrir skaða þegar við tökum sýninguna niður. Það er ansi hæpið að við völdum slíkum skaða á grasinu að það réttlæti að úthýsa okkur algjörlega.“Hann bendir einnig á að Boginn sé fjölnota íþróttahús í eigu bæjarins og að Bílaklúbburinn sé innan raða aksturíþróttafélaga. „Það er stundum þannig að ef íþróttin snýst ekki um bolta þá á hún undir högg að sækja.“
Önnur hús henta ekki
Einar segir sýninginguna þurfa að vera innandyra, sumir þeirra bíla sem sýndir eru yrðu ekki lánaðir annars. Tveir staðir hafi verið nefndir, Reiðhöllin og Skautahöllin en hvorugur hentar undir bílasýningu. Sandur er á gólfi Reiðahallarinnar sem ekki fari vel, bílastæði ómalbikuð og þá fari betur á því að sýningin sé innanbæjar en ekki langt frá. Skautahöllin sé alltof lítil. „Staðan er sú að sýningin að ári er í uppnámi, það er ekki til staðar annað sýningarrými í bænum sem hentar undir sýninguna. Vissulega leiðinlegt þegar við erum að detta í að hálf öld sé frá fyrstu sýningunni,“ segir Einar, en Bílaklúbbur Akureyrar var stofnaður árið 1974 en bílasýning á 17. júní á Akureyri á sér lengri sögu en klúbburinn. „Sýningar voru byrjaðar einu eða tveimur árum áður en klúbburinn var stofnaður.“
Um 4 til 5 þúsund gestir sækja sýninguna að jafnaði og segir Einar að bæjarbúar hafi margir hverjir fyrir hefð að líta við á bílasýningunni og þyki hún ómissandi hefð á þjóðhátíðardaginn.
Nýjast
-
Árangursrík sýning í Barcelona:
Sýningin tókst frábærlega. Það var stríður straumur gesta í básinn til okkar alla sýningardagana og mikill áhugi á okkar þjónustu og tæknilausnum," segir Hilmar Guðmundsson, sölu- og markaðsstjóri Slippsins Akureyri, um þátttöku fyrirtækisins í sjávarútvegssýningunni Seafood Expo Global í Barcelona á Spáni. Sýningin stóð í þrjá daga og lauk síðdegis í gær. -
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund.
Athugasemdir