"Verðum að fara hala inn stig"
Þrír leikir fara fram í N1-deild karla í kvöld. Á Ásvöllum taka Haukar á móti Akureyri en einnig mætast topplið Fram og Valur á Hlíðarenda og og HK tekur á móti FH. Akureyri hefur tapað tveimur leikjum í röð og hefur tvö stig í sjötta sæti eftir þrjá leiki en mikil meiðsli eru enn að hrjá norðanmenn.
Akureyringar brugðu á það ráð að kalla til leiks varnarjaxlinn Hrein Þór Hauksson frá Svíþjóð, en Hreinn hefur verið búsettur erlendis undanfarið. Hreinn svaraði kallinu og verður með liðinu í kvöld og í næstu 1-2 leikjum eftir það. Við erum aðeins að reyna að stokka upp í leikmannahópinn með þessu útspili, segir Hlynur Jóhannsson framkvæmdarstjóri Akureyrarliðsins.
Haukar líta vel út í upphafi móts. Liðið hefur fjögur stig í öðru sæti deildarinnar og þar eru ungir menn að stíga upp, sem geta reynst Akureyringum erfiðir í kvöld. Þeir hafa verið að spila vel og Aron (Kristjánsson) er greinilega kominn með sitt handbragð á þetta. Þetta eru ungir og efnilegir strákar sem virðast vera vel spilandi og það sem við þurfum að gera er að stoppa tempóið hjá þeim og stjórna hraðanum í leiknum, segir Sævar Árnason aðstoðarþjálfari Akureyrar um leikinn í kvöld. Aron Kristjánsson þjálfari Hauka reiknar með hörkuleik á Ásvöllum þótt norðanmenn mæti með laskað lið til leiks.
Við vitum alveg hvað þeir geta og þeir hafa sterkt lið þótt vissulega séu breiddin minni hjá þeim núna með alla þessa menn meidda. Mínir menn hafa hins vegar verið upp og niður og þetta verður eflaust stál í stál í kvöld, segir Aron.
Nánar er fjallað um N1-deild karla í Vikudegi í dag.
Nýjast
-
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland. -
Hvatningarverðlaun BSE vegna ársins 2024
Fátt er mikilvægara fyrir íslenskan landbúnað en hafa baráttufólk sem berst með oddi og egg fyrir framtíð og starfsskilyrðum greinarinnar.
