Vantar á annan tug hjúkrunarfræðinga á SAk
Erfiðlega hefur gengið að ráða hjúkrunarfræðinga til starfa á Sjúkrahúsið á Akureyri undanfarið. Hildigunnur Svavarsdóttir, framkvæmdastjóri hjúkrunar á SAk, segir að töluvert vanti af hjúkrunarfræðingum og það sé mat stjórnenda í hjúkrun að það vanti allt að 10 stöðugildi. Sökum þessa hefur reynst erfitt að manna afleysingastöður síðustu tvö ár vegna sumarleyfa, veikinda eða annarra fjarveru hjúkrunarfræðinga.
„Það sem við sjáum núna er ólíkt því sem við höfum vanist en hingað til hafa flest stöðugildi verið uppfyllt,“ segir Hildigunnur. „Á þessu ári finnum við greinilega fyrir skorti á hjúkrunarfræðingum þar sem sífellt færri sækja um auglýstar stöður og illa gengur að ráða inn í fastar stöður.“
Alls eru um 185 hjúkrunarfræðingar starfandi á Sjúkrahúsinu á Akureyri í 135 stöðugildum. Meðalstarfshlutfall hjúkrunarfræðinga er 70% og því
vantar á annan tug hjúkrunarfræðinga.
„Verulegt áhyggjefni“
Framkvæmdastjórn SAk sendi nýlega frá sér ályktun þar sem þungum áhyggjum vegna stöðu hjúkrunarfræðinga á heilbrigðisstofnunum var lýst yfir. Mikilvægt sé að laða útskrifaða hjúkrunarfræðinga til starfa og hraða nýliðun hjúkrunarfræðinga til að bregðast við núverandi og fyrirsjáanlegum skorti á þeim.
Verði ekki gripið til viðhlítandi ráðstafana gæti sá skortur haft óæskileg áhrif á gæði heilbrigðisþjónustu og öryggi sjúklinga. Hildigunnur segir að launamál og starfsumhverfi spili stóran þátt í því að færri hjúkrunarfræðingar sæki um auglýstar stöður hjá SAk.
„Launamál eru án efa stærsti þátturinn í þessu en til langs tíma eru það hlutir eins og vaktaálag og starfsumhverfi sem hefur mikið að segja. Þetta er verulegt áhyggjuefni,“ segir Hildigunnur.
Nýjast
-
Samið við Mýflug um flug til Vestmannaeyja
Vegagerðin hefur samið við Mýflug um áætlunarflug milli Vestmannaeyja og Reykjavíkur des. – feb. -
Stórfelld lækkun gjalds fyrir brjóstaskimanir
Willum Þór Þórsson heilbrigðisráðherra hefur ákveðið að lækka almennt gjald fyrir brjóstaskimun úr 6.098 kr. í 500 kr. og tekur breytingin gildi 14. október. Skimun er mikilvæg forsenda snemmgreiningar brjóstakrabbameina og hefur mikinn ávinning fyrir einstaklinga og samfélag. Snemmgreining þýðir einfaldari meðferð, bættar lífslíkur og dregur úr kostnaði heilbrigðiskerfisins. -
Kauphallarbjöllunni hringt fyrir aukið fjármálalæsi
Ungmenni sem unnu fjármálaleikana hringdu Nasdaq Iceland, ásamt Samtökum fyrirtækja í fjármálaþjónustu (SFF) og Landssamtökum lífeyrissjóða (LL), stóðu að hringingu Kauphallarbjöllunnar í ár með aðstoð ungmenna sem unnu Fjármálaleika SFF árið 2023 og 2024. Í kjölfarið tóku þau þátt í Evrópukeppni í fjármálalæsi í Brussel á vegum Evrópsku bankasamtakanna (EBF). -
Nýtt Sportveiðiblað komið út
Út er komið 2 tbl 42 árgangs af Sportveiðiblaðinu, meðal efnis er viðtal við Jón Þorstein Jónsson sem segir líflegar sögur af ferð í Svalbarðsá í Þistilfirði þá frægu stórfiska á svo dæmi sé tekið en annars eru sögurnar margar og góðar hjá honum. -
Kennarar við Lundarskóla boða til verkfalls
Það stefnir í verkfall kennara við Lundarskóla á Akureyri á miðnætti 29 október hafi ekki náðst samkomulag milli Kennarasambands Íslands og Samtaka íslenskra sveitarfélaga fyrir þann tíma. -
Götuganga Akureyrar fer fram á laugardaginn
Götuganga Akureyrar verður haldin laugardaginn 12. október kl. 13. Þetta er í annað sinn sem gangan er haldin og í ár er hún opin fyrir alla aldurshópa. -
Norðlensk hönnun og handverk i Hlíðarbæ um komandi helgi
Glæsileg sölusýning með vönduðum vörum úr héraði, milliliðalaust úr höndum hönnuða, handverksfólks og sælkerameistara verður í Hlíðarbæ í Hörgársveit um helgina. Kristín S. Bjarnadóttir hjúkrunarfræðingur og fagurkeri sem stendur fyrir sýningunni sem er vegleg. -
Ert þú með lausa skrúfu?
Oft er grínast með það að fólk sem glímir við andleg veikindi séu með lausa skrúfu, jafnvel fleiri en eina. Hugmyndin að nafni á vitundarvakningu til að auka meðvitund okkar allra um að gæta vel að andlegri heilsu, efla forvarnir og minnka fordóma gagnvart andlegum veikindum, er einmitt sótt í þetta saklausa grín. Það eru notendur Grófarinnar Geðræktar á Akureyri sem standa að baki Lausu Skrúfunni og er það eitt valdeflandi nýsköpunarverkefna sem þar er unnið. Því er ætlað að bæta samfélagslega vitund okkar allra um mikilvægi þess að hugsa vel um sína andlegu heilsu, hlúa að og rækta sem forvörn. Einnig að hjálpa fólki að leita sér aðstoðar þegar þess er þörf og í því samhengi að berjast gegn sínum innri fordómum ekki síður en ytri. -
Munnleg þjálfun í tungumálakennslu
Helga Dögg Sverrisdóttir skrifar
