Vandræðagangurinn vegna átaka á stjórnarheimilinu
Vandræðagangurinn varðandi þetta mál er fyrst og fremst til kominn vegna átaka á stjórnarheimilinu, af einhverjum ástæðum eru menn þar á bæ ekki samstíga og málið vefst fyrir fólki, segir Kristján Þór Júlíusson þingmaður Sjálfstæðisflokksins um um fjármögnun Vaðlaheiðaganga. Allir þingmenn kjördæmisins nema Kristján Möller að ég held, greiddu atkvæði með heimild til fjármálaráðherra um eins milljarða lánveitingu til Vaðlaheiðaganga hf á árinu 2011 til þess að hefja verkefnið, en Kristján var fjarverandi. Enginn fyrirvari var í þeirri lagaheimild sem þingið samþykkti, segir Kristján Þór.
Við afgreiðslu fjáraukalaganna í liðinni viku, þar sem fjármálaráðherra var veitt heimild til að gera samning um fjármögnun Vaðlaheiðaganga, sagði ráðherra að enginn bindandi og endanlegur samningur yrði gerður fyrr en fjárlaganefnd hefði verið upplýst um allar forsendur. Þá hefði fjármálaráðuneytið óskað eftir því að óháður aðili gerði sjálfstætt mat á reikningslegum forsendum framkvæmdarinnar. Áður hafði umhverfis- og samgöngunefnd óskað eftir því að Ríkisendurskoðun endurreiknaði forsendur verkefnisins en stofnunin beðist undan því.
Kristján Þór bendir á að Eyfirðingar sem og Þingeyingar hafi barist fyrir því allt frá árinu 1998 að ráðist yrði í gerð Vaðlaheiðaganga og að um mikið hagsmunamál væri að ræða fyrir héraðið. Fyrsta samþykktin í þessa veru kom fram hjá Atvinnumálanefnd Akureyrar sem þá var og hét fyrir 13 árum og var hún gerð í samráði við aðila vinnumarkaðarins og fleiri. Bæjarstjórn Akureyrar tók málið svo upp á sína arma, þannig að þetta hefur verið lengi í umræðunni og á sér langa forsögu. Að því hafa komið fjölmargir aðilar, einstaklingar, félög, sveitarfélög og fyrirtæki sem lagt hafa mikið á sig til að þoka málinu áleiðis. Ég ætla rétt að vona að eftir 13 ára baráttu heimamanna fari gerð ganganna loks að komast á framkvæmdastig, segir Kristján Þór.
Nýjast
-
Líflínan
Í þessari viku legg ég fram þingsályktunartillögu sem snýr að því að tryggja áframhaldandi starfsemi Janusar endurhæfingar eða tryggja sambærilega geðendurhæfingu fyrir ungmenni með fjölþættan vanda. -
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur.