Útlánum fækkaði lítillega milli ára hjá Amtsbókasafninu
Amtsbókasafnið á Akureyri er vinsæll staður en þangað komu ríflega 117.000 gestir í fyrra, heldur færri en árið áður.
Útlánum hjá Amtsbókasafninu á Akureyri fækkaði árið 2011 um 1%. Alls voru útlánin á liðnu ári 223.811 á móti 233.288 árið 2010. Guðrún Kristín Jónsdóttir deildarstjóri útlánadeildar segir að flest hafi útlánin verið í mars, 20.452 talsins en fæst í desember eða 15.911. Við lánuðum mest út á fimmtudögum en minnst á miðvikudögum ef virkir dagar eru skoðaðir, segir Guðrún Kristín, en um 90% af útlánum safnsins er í formi bóka og tímarita. Gestir árið 2011 voru 117.453 sem er fækkun um 4% frá árinu 2010 en það ár voru gestir safnisins 122.069. Flestir gestir komu á safnið á mánudögum en fæstir á miðvikudögum. Hins vegar komu flestir gestir í húsið þriðjudaginn 26. apríl sem var strax eftir páska en föstudaginn 7. janúar komu fæstir eða 130 manns en þann dag var nánast ófært í bænum vegna færðar og veðurs, segir Guðrún Kristín.
Hún segir að skáldsögur og ævisögur njóti ævinlega vinsælda og norrænir spennusagnahöfundar virðist vera hvað vinsælastir. Öll umfjöllum um bækur í fjölmiðlum virðist skila sér og þá má sérstaklega nefna umfjöllunina um bókina Gamlinginn sem skreið út um gluggann og hvarf en það er sjálfsagt ein af vinsælustu skáldsögunum útgefnum árið 2011, segir deildarstjórinn.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.