15. maí - 23 maí - Tbl 20
Úthluta landi vegna skógræktar við Saltvík
Húsavík
Sveitarstjórn Norðurþings samþykkti á dögunum tillögu Skipulags- og framkvæmdaráðs um að Yggdrasil Carbon verði úthlutað landi skv. fyrirliggjandi tillögu í stað þess lands sem Minjastofnun telur tilefni til að vernda. Nýr samningur um landafnot verði til samræmis við ákvæði fyrirliggjandi samnings, sem hins vegar úreldist með nýjum samningi.
Soffía Gísladóttir B-lista sagði málið eiga sér langan aðdraganda eða allt til haustsins 2022 þegar Kolviður óskaði eftir auknu landrými til skógræktar en Norðurþing hafði áður, árið 2019 úthlutað Kolviði 100 hektara lands til skógræktar við Ærvíkurhöfða, að undangenginni skoðun á landinu.
„Við afgreiðslu málsins í sveitarstjórn benti fulltrúi VG á þann möguleika að ræða við fleiri sambærilega aðila s.s. Yggdrasil og gera samanburð á mögulegum útfærslum. Það fór svo að Kolviður og Yggdrasil gerðu Norðurþingi tilboð og ákvað Norðurþing að taka tilboði Yggdrasils haustið 2022,“ sagði Soffía.
Í nóvember á síðasta ári barst sveitarstjórn hins vegar bréf frá Minjastofnun þar sem lagst var gegn skógrækt á því svæði sem úthlutað hafði verið vegna fornminja og lagði til skógræktar svæði ofan eða austan við forngarðinn.
Óskað eftir nýju landi
Því var óskað eftir nýju landsvæði sem nú hefur verið samþykkt að úthluta félaginu. Upphaflega átti að taka málið fyrir á síðasta fundi sveitarstjórnar fyrir áramót en því var frestað vegna erindis sem barst frá Náttúrustofu Norðausturlands þess efnis að Norðurþing félli frá skógrækt á þessu svæði vegna fuglaverndunarsjónarmiða.
Soffía tók það sérstaklega fram að ekki væri verið með afgreiðslunni verið að veita framkvæmdaleyfi heldur aðeins nýju landsvæði.
„Sú skógræktaráætlun sem lá fyrir á fyrra landssvæði sem Yggdrasil fékk úthlutað er mjög vel unnin en fjallaði þó ekki um áhrif á fuglalíf sem mun verða óskað eftir í nýrri áætlun,“ sagði Soffía og bætti við að verkefnið væri spennandi og að þessi leið að fá hlutdeild í tekjum vegna kolefnisbindingar væri jákvæð.
Vildu fresta málinu
Nokkrir fulltrúar V og M lista lögðust gegn tillögunni um að úthluta Yggdrasil landinu í ljósi umsagnar Náttúrustofu. Voru vinnubrögð við afgreiðslu meirihluta skipulags- og framkvæmdaráðs á umsókn um framkvæmdaleyfi vegna skógræktar í landi Saltvíkur gagnrýnd í bókun fulltrúanna sem telja að sjónarmið Náttúrustofu hafi verið hunsuð.
„Náttúrustofan er rannsóknarstofnun með mikla sérþekkingu á náttúrufari svæðisins og ábendingar hennar ætti því að taka alvarlega og ekki hunsa nema að vel ígrunduðu máli. Svo virðist þó ekki hafa verið gert í þessu máli.
Í fyrstu ábendingunni var bent á að fyrirhuguð skógrækt yrði í vel grónu mólendi sem lítið er af við Húsavík. Meirihluti skipulags- og framkvæmdaráðs fullyrðir hins vegar að mólendið sé rýrt án þess að geta heimilda eða hvernig komist er að þeirri niðurstöðu. Miðað við vistgerðakort Náttúrufræðistofnunar Íslands verður ekki annað séð en að meiri hluti svæðisins sé gróðurríkt mólendi,“ segir m.a. bókuninni.
Bókuninni fylgdi tillaga um að málinu verði frestað og það verði sent aftur til skipulags- og framkvæmdaráðs og það skoðað betur áður en ákvörðun verður tekin. Tillagan var felld.
Nýjast
-
Kirkjugarðar Akureyrar í rekstrar vanda og næsta skref að loka líkhúsinu
„Hvað verður um líkin?“ er spurning sem Akureyringar og nærsveitarmenn velta fyrir sér þessa dagana, en Kirkjugarðar Akureyrar sem reka líkhús og kapellu á Naustahöfða eru í rekstravanda vegna fjárskorts. Kirkjugörðunum er óheimilt að innheimta þjónustugjald vegna starfsemi líkhúsanna. Einkaaðilar gætu innheimt slíka gjöld en fáir hafa áhuga á að reka líkhús hér á Akureyri. Engin leið önnur er út úr vandanum nema sú að hætta rekstri líkhússins. Stefnir í að skellt verði í lás grípi Alþingi ekki í taumana á vorþingi og geri Kirkjugörðum heimilt að innheimta þjónustugjaldið eða leggja til fjármagn til starfseminnar. -
Fann sig í sálfræði og flýgur nú út í frekara nám
Þegar Emma var ung ætlaði hún að verða læknir eins og langafi. Í menntaskóla áttaði hún sig á því að líffræði væri alls ekki fag sem hún hafði gaman af og þá læknisfræðin ekki það sem fyrir henni lægi. Emma hafði hins vegar mjög gaman af sálfræðinni og eftir einn tímann kom kennarinn upp að Emmu, tjáði henni hversu efnileg hún væri á því sviði og fékk hana til að íhuga frekara nám í fræðunum. -
Bergur Þór Ingólfsson er nýr leikhússtjóri hjá LA
Bergur Þór Ingólfsson er nýr leikhússtjóri Leikfélags Akureyrar. Bergur Þór tekur við af Mörtu Nordal sem hefur gengt starfinu síðustu í sex árin. -
Kylfingar geta tekið gleði sína, Jaðarsvöllur opnar n.k. þriðjudag
Kylfingar á Akureyri geta nú heldur betur tekið gleði sína því stefnt er að þvi að opna Jaðarsvöll n.k þriðjudag samkvæmt þvi sem segir á heimasíðu Golfklúbbs Akureyrar. -
Viðræður eru hafnar um hugsanlegan samruna Samkaupa, Heimkaupa og Orkunnar
Frá þessu segir í tilkynningu frá Samkaupum en þar sem kemur fram að s.l. mánuði hafi Samkaup hf. og Skel fjárfestingarfélag rætt um kosti og galla hugsanlegan samruna fyrirtækjanna. -
Félagslegt húsnæði í Grímsey Ekkert til fyrirstöðu að selja
Velferðarráð Akureyrarbæjar sér ekkert því til fyrirstöðu að húsnæði í eigu bæjarins verði selt. -
25 ár frá sameiningu Einingar og Iðju
Í dag, 15. maí, eru liðin 25 ár síðan formlega var gengið frá samruna Verkalýðsfélagsins Einingar og Iðju, félags verksmiðjufólks á Akureyri. Þótt þetta sameinaða félag eigi sér þannig séð ekki langa sögu stendur það á gömlum merg því félögin eiga sér hvort um sig langa og merka sögu í baráttu verkafólks fyrir réttindum sínum. Sögu Iðju má rekja allt aftur til ársins 1936 og er stofndagur félagsins talinn 29. mars það ár. Verkalýðsfélagið Eining varð til 10. febrúar 1963 með sameiningu Verkakvennafélagsins Einingar og Verkamannafélags Akureyrarkaupstaðar. Rætur Einingar ná þó mun lengra aftur og má segja að fyrsta fræinu hafi verið sáð árið 1894 þegar Verkamannafélag Akureyrarkaupstaðar, hið eldra, var stofnað. -
Buðu upp á bakkelsi frá Suður-Ameríku
Andressa Andrade E. Andrade, Celimar Yerlin Gamboa Maturet, Feiruz Nasser Morabito, Haysmar Ledosvkaya Rangel Blanco og Fiora Alessa Pacini Barragán eru í hópi nemenda af erlendum uppruna sem hafa stundað nám í VMA í vetur, m.a. lagt stund á nám í íslensku sem öðru máli. -
Knattsp.deild KA dæmd til að greiða fyrrverandi þjálfara sínum tæpar ellefu milljónir
Knattspyrnudeild KA var í dag dæmd í Héraðsdómi Norðurlands eystra til að greiða fyrrum þjálfara sínum 8,8 milljónir króna auk dráttarvaxta frá 5 nóvember 2023 vegna ágreinings aðila um túlkun á bónusgreiðslum til handa þjálfarans. KA er einning gert að greiða málskostnað þjálfarans fyrrverandi. Aðspurður sagði Hjörvar Maronsson formaður knd KA að verið væri að fara yfir dóminn og vildi að öðru leyti ekki tjá sig um næstu skref.
Athugasemdir